Logið að Páfanum í Rómi

 

Það vekur athygli mína, að forseti Íslands er sjálfur farinn trúa þeirri sögu að Guðríður Þorbjarnardóttir hafi verið fyrsta hvíta og kristna móðirin í Ameríku, og að íslensk kona hafi því skákað Kólumbusi í víðförli. Þótt Bill Clinton geti ekki lesið Njálu ætti Ólafur Ragnar að geta lesið sér til gagns.

Guðríður Þorbjarnardóttir var ekki fyrsta "hvíta" konan í Vesturheimi. Þótt hún hafi samkvæmt sögunum eignast Snorra son sinn og Þorfinns Karlsefnis þar, og einnig lýst því yfir að hún væri kristin, er hún ekki nauðsynlega fyrsta hvíta móðirin í Vesturheimi. Forsetinn segir í ræðu sinni, að Snorri hafa verið skírður á Vínlandi. Það stendur hvorki í Grænlendinga sögu eða Eiríks sögu rauða. Heldur ekki að Guðríður hafi farið til Rómar. "Hún gekk suður", en það er ekki þar með sagt að hún hafi verið í Róm. Reyndar var það ekki orðið sérlega algengt að menn gengu til heilagra staða á 11. öld. Sérstaklega ekki frá Norður-Evrópu. Sagan um Guðríði er vitanlega að mestu leyti tilbúningur.

En fyrir þá sem trúa bókstaf fornsagnanna okkar má upplýsa, að fyrsta hvíta konan í Ameríku var Freydís Eiríksdóttir, mikill vargur sem drap indíána og alla þá sem í vegi hennar urðu. Hún gæti vel hafa verið kristin og átt börn á Grænlandi.

Ég hef því miður aðeins skrifað um málið á ítölsku, svo Páfastóll gæti fengið innsýn í hvernig menn reyna að fegra landafundasögu íslenskra kvenna. Setjið ítölskuna í google translate og lesið (best er að þýða yfir á ensku).

Kvenvargurinn sem var fyrst hvítra kvenna í Ameríku var Freydís, og hún var líka morðingi.

Freydís, dóttir Eiríks rauða var einnig fyrsti rasistinn á Vínlandi. Hún myrti einnig "norrænar" kynsystur sínar þar vestra með öxi. Samkvæmt Eiríks sögu rauða þótti henni lítið koma til varna karlpeningsins gegn skrælingjum:

Freydís kom út og sá er þeir héldu undan. Hún kallaði: "Hví rennið þér undan slíkum auvirðismönnum, svo gildir menn er mér þætti líklegt að þér mættuð drepa þá svo sem búfé? Og ef eg hefði vopn þætti mér sem eg mundi betur berjast en einnhver yðvar." Þeir gáfu öngvan gaum hvað sem hún sagði. Freydís vildi fylgja þeim og varð hún heldur sein því að hún var eigi heil. Gekk hún þá eftir þeim í skóginn en Skrælingjar sækja að henni. Hún fann fyrir sér mann dauðan, Þorbrand Snorrason, og stóð hellusteinn í höfði honum. Sverðið lá hjá honum og hún tók það upp og býst að verja sig með. Þá koma Skrælingjar að henni. Hún tekur brjóstið upp úr serkinum og slettir á sverðið. Þeir fælast við og hlaupa undan og á skip sín og héldu á brottu. Þeir Karlsefni finna hana og lofa happ hennar.

Þannig var nú fyrsta, hvíta mamman í Ameríku. White trash ættuð frá Íslandi og morðóð þegar hún var á túr.

Mér þykir ólíklegt að Vatíkanið sé búið að viðurkenna Guddu, eins og Ólafur Ragnar telur, fyrst þeir eru ekki enn búnir að viðurkenna að Kólumbus hafi verið gyðingur. En kannski hafa þeir nú góða átillu til að gleyma Busa og kenna íslenskri herfu, Freydísi Eiríksdóttur, um allt sem miður hefur farið í Ameríku að völdum kirkjunnar og hvíta ma... hvítra kvenna.

Ítarefni og aukaupplýsingar til gamans:

Sjá einnig þetta. Margfrægt er einnig orðið að Dorrit Moussaieff mætti í Vatíkanið með kaþólskan prestahatt þegar Ólafur var að vinna í PR fyrir styttu Ásmundar Sveinssonar af Guddu, sjá hér. Nú má einni telja víst að frumgerð styttu Ásmundar sem sýnd var á Heimssýningunni í New York árið 1939 hafi verið komið fyrir kattarnef af Mafíunni. Mafían dýrkar, eins og kunnugt er, mjög minningu Kristófers Kólumbusa, sem þeir telja ítalskan. Get ég mér til að styttan liggi sundurskotin á botni Hudsonflóa, eða bundin um ökkla Albano Mozzarellos, mafíósa sem kastað var út af Brooklyn Bridge.

Clinton réði ekki við Njálu

Athugasemdir

[Húsari. (IP-tala skráð) 5.5.2014 kl. 10:07]

Sæll Fornleifur.

Hún er undarleg þessi minnimáttarkennd Íslendinga
að þurfa sífellt að stallsetja einhvern.

Útrásarvíkingar voru það síðast, þessir miklu snillingar!
Þessir vitleysingar skildu eftir sig sviðna jörð og enn heldur
þetta ævintýr áfram undir nýjum formerkjum þar sem eigur
aldraðara eru gerðar upptækar af þeim félögum sem höfðu
það hlutverk að gæta þeirra.

Sólon Íslandus Davíðs Stefánssonar og sá Helgi sem þar er
greint frá er iðjaði fátt annað sökum heimóttarskapar og
minnimáttarkenndar en að rekja ættir sínar til Noregskonunga
virðist vera sá samnefnari sem lýsir Homo Islandicus best!!

[Sigurður Þór Guðjónsson, 5.5.2014 kl. 12:36]

Það er miklu meira fútt í sögunni um Freydísi en sögunni um Guðríði. Hollywood gæti gert sér mat úr báðum sögunum og forseta vorum lika, the good, the bad and the ugly.

[FORNLEIFUR, 5.5.2014 kl. 15:41]

Sigurður, Fornleifur phone Speilberg.

[Jóhann Kristinsson, 5.5.2014 kl. 17:20]

Sölvi Helgason var langi langi afi minn og ég skammast mín ekkert fyrir það, enda hafði ég í sjálfu sér lítið með það að gera hverra manna ég er.

Og hvað er svona gott að vera kominn undan einhverjum Noregs kóngi?

Ég sé lítinn mun þar á hvort að manneskjan er kominn undan einhverjum kóngi eða Sölva Helgasyni.

Kveðja frá Las Vegas

[Haraldur (IP-tala skráð) 5.5.2014 kl. 17:27]

Sæll Fornleifur, hvað sem líður staðfestingu á hvort Guðríður hafi farið til Rómar eða ekki, þá er það hvergi nefnt i fréttinni að hún hafi verið fyrsta hvíta konan í Ameríku, aðeins að hæun var sú fyrsta til að heimsækja bæði Ameríku og Róm.

[FORNLEIFUR, 5.5.2014 kl. 18:09]

Haraldur, ef þú skoðar ræðu ÓRG sérðu, að hann gerir því skóna að hún hafi verið fyrsta hvíta mamman, eins og ég skrifa.

Jóhann, ekki myndi ég heldur skammast mín fyrir að vera kominn af Sölva Helgasyni.  Ég tel ekkert sértaklega gott að vera komin af Noregskonungum eða írskum prinsessum, enda tel ég allar slíkar ættfærslur vera húmbúkk og vitleysu. Íslendingar voru flestir ættaðir úr norðurhéruðum Noregs (sjá hér) og norðurhluta Bretlandseyja, og fyrstu Íslendingarnir voru venjulegt fólk, sem var að leita sér að landi, því konungar og önnur illmenni voru búnir að taka land þeirra.

[Jóhann Kristinsson, 5.5.2014 kl. 18:17]

Sammála þér Fornleifur um ættarfærslur; þær eru bara húmbúkk og vitleysa.

Ég hef ferðast til Ástralíu mjög oft, í því landi er manneskja litin illum augum sem spyr ástrala hverra manna ertu. Ástralía er Þjóð sem vill vita sem minnst um forfeður sína, en samt blómstrar landið í velmegun.

Kveðja frá Las Vegas

[Sigurður Þór Guðjónsson, 5.5.2014 kl. 18:58]

Voru ekki forfeður Ástrala glæponar? En vér erum hetjur af konungakyni!

[Jóhann Kristinsson, 5.5.2014 kl. 19:31]

Víkingar voru aldrei í tölu góðmenna, heldur fór þeir um héruð rænandi, brennandi, nauðgandi og drepandi.

Og já drepa öll sveinbörn svo að þeir (víkingarnir) þurfi ekki að berjast við sveinbörnin þegar þeir urðu aldraðir.

Ef þetta lýsir einhverjum hetjudáðum þá ertu kominn af hetjum Sigurður.

Kveðja frá Las Vegas

[Vilhjálmur Örn Vilhjálmsson, 5.5.2014 kl. 19:56]

Við erum allir komnir af hetjum. Annars værum við ekki til.

[Pétur D. (IP-tala skráð) 6.5.2014 kl. 00:04]

Vilhjálmur, þú hefur verið að lesa "The Columbus Affair" eftir Steve Berry.

[Sigurður Þór Guðjónsson, 6.5.2014 kl. 00:19]

Þetta átti að vera háð hjá mér um hetjurnar ágæti Jóhann.

[Pétur D. (IP-tala skráð) 6.5.2014 kl. 00:45]

Sigurður, það að sumir Ástralir séu afkomendur fanga frá 18. öld er ekki hægt að álasa þá fyrir. Hins vegar er hægt að álasa þá fyrir gagngert kynþáttahatur, enda var aðeins hvítum leyft að flytjast þangað og í tilkynningum um þetta var ekkert farið í grafgöngur með það ("pure, white immigarants" osfrv.). Hvítir Ástralíubúar stálu fyrst landinu frá Aboriginals, síðan rændu þeir börnunum þeirra og kúguðu þá. Og gera enn. Ef ég væri hvítur Ástrali, þá myndi ég skammast mín verulega fyrir það.

Fyrir mörgum árum gerði BBC heimildarþátt um Ástrali. Þar var þeim lýst sem landþjófum og rasistum. Sem er hárrétt. Svo var líka annar heimidarþáttur á sömu sjónvarpsstöð þar sem sagt var frá því þegar brezki herinn útrýmdi hverjum einasta frumbyggja í Tasmaníu. Þessi hvíti kynstofn eru algjör kvikindi.

[FORNLEIFUR, 6.5.2014 kl. 07:02]

Pétur D. Les ekki lengur reyfara. Lífið er einn stór reyfari.

[FORNLEIFUR, 6.5.2014 kl. 07:04]

Sammála þér Pétur D. um kynstofninn. Ég skil ekkert í Hönnu Birnu að vilja ekki bæta kynstofninn með góðum flóttamannagenum. Sumt fólk á Íslandi getur ekki talað og hriplekt.

[Pétur D. (IP-tala skráð) 6.5.2014 kl. 12:53]

Vilhjálmur, ég spurði þig um bókina (sem er að hluta til byggð á raunverulegum atburðum, þ.á.m. örlög gyðinga í Tékkóslóvakíu), því að hún fjallar einmitt um að Cristobal Colón hafi ekki verið ítalskur, heldur gyðingur og ýmislegt annað, m.a. að hann hafi falið helgigripina úr hofinu í Jerúsalem á Jamaica, þar sem skip hans strandaði.

.

En fyrst þú þekkir til, gætirðu þá sagt mér eitt? Í umræddri bók er sagt frá kirkjugarði gyðinga í Prag. Vegna skorts á plássi var fólk grafið ofan á hvort annað í allt að 7 lögum, sem skv. reglum gyðinga var í lagi svo fremi sem það væri eins metra (að mig minnir) lóðrétt bil á milli. Er þetta rétt?

[FORNLEIFUR, 6.5.2014 kl. 18:50]

Simon Wiesenthal skrifaði einnig merka bók "Sails of Hope" um Kristófer Kólumbus, þar sem hann fer í gegnum alla möguleika á og á móti því að hann hafi verið spænskættaður gyðingur. Ég tel mikla möguleika á því að hann hafi verið gyðingur og þykir vænt um bók Wiesenthals.

Starý zidovský hrbitov kallast gamli grafreiturinn í Prag. Þar eru grafir í allt af 12 lögum, (þótt það hafi ekki verið rannsakað). Engar reglur þekki ég um mælingar á bili milli "hæðanna" en menn hafa haft staðbundnar reglur rabbína um bil á milli grafa og það sást mætavel á miðaldagrafreit gyðinga í York sem rannsakaður var allur á 8. áratug síðustu aldar við mikil mótmæli heittrúaðra gyðinga. Þegar beinin voru greftruð á ný undir bílastæðishúsi verslunarmiðstöðvar, mætti fjölda gyðinga til að vera við athöfnina. Um nóttina sló eldingu niður þak York Minster og mikill skaði hlaust af.

Grafreiturinn í Prag hefur fremur hlaðist upp eins og kirkjugarðar gerðust sums staðar við kirkjur á Íslandi, líkt og bæjarhólar. Það gerðu líka mannvistarlög í kringum garðinn, því sorphirða var ekki söm á miðöldum og hún er á okkar tímum.

[Pétur D. (IP-tala skráð) 6.5.2014 kl. 20:37]

Í bókinni er einnig talað um ofsóknir gegn gyðingum á Spáni, sem byrjuðu ekki fyrir alvöru fyrr en arabar (Márar) höfðu verið hraktir þaðan, hversu undarlegt sem það má vera. Það var aðallega spænski aðallinn og Rannsóknarrétturinn sem stóðu fyrir þessum ofsóknum, sem kváðu á um að gyðingar þyrftu annað hvort að verða conversos (snúast til kristni) eða flýja land. Kólumbus hafi verið af gyðingaættum og fæðzt í borginni Genova á Mallorca, sem var og er hluti af Cataluña og hét í raun Christoval Arnoldo de Ysassi.

.

En þegar hann síðar sóttist eftir fjárhagslegum stuðningi til að sigla vestur um haf, hafi hann þótzt vera ítalskur kaupmaður, Cristoforo Colombo, sem á spænsku varð Cristobal Colón, frá borginni Genoa, sem er á Ítalíu. Svo að Ítalir eru að hreykja sér af samlanda sínum, sem var ekki ítalskur sennilega aldrei steig fæti sínum á ítalska jörð!

.

Þar eð spænska hirðin var of nízk til að fjármagna för Kólumbusar gagnstætt almennri trú manna (en varð sveigjanlegri síðar meir eftir að það fannst eitthvað gull), þá voru það Sephardi-gyðingar á Norður-Spáni sem borguðu undir Kolumbus. Hvers vegna eru svo margar kenningar um, ein var að spænskir gyðingar voru að leita að griðarstað í vestri, sem flestir héldu á þeim tíma að væru Indland og Indókína, þar sem kaþólskir ofsækjendur þeirra höfðu ekki fótfestu.

.

Það sem varð hins vegar er að það varð Jamaica sem varð þessi griðarstaður, eftir að ætt Kolumbusar fleygðu Spánverjum af eynni með aðstoð Englendinga. Í sögubókum og síðari tíma teikningum af lendingu Kólumbusar í Vesturheimi er alltaf sýndur einhver prestur með í för, en Kólumbusi datt ekki í hug að hafa þannig afætur með umborð. Hann hafði hins vegar hebreskan Levíta, YosefBen Ha Levy Haivri, sem hafði snúizt til kristni á pappírnum til að forðast ofsóknir og tekið sér nafnið Luis de Torres.

.

Í þessari bók, The Columbus Affair er einnig vitnað í bók Wiesenthals sem heimild.