Samískur uppruni Íslendinga - með getraun

 

Árið 1993 sótti ég ásamt mannfræðingnum og tölfræðingnum dr. Hans Christian Petersen, sem nú starfar sem lektor við Syddansk Universitet í Óðinsvéum, um byrjunarstyrk til norræns sjóðs, NOS-H (Nordisk samarbejdsnævn for Humanistisk Forskning). Um styrkinn sóttum við til að rannsaka elstu beinagrindurnar á Þjóðminjasafni Íslands. Sumarið 1993 mældi Hans Christian Petersen og kona hans beinin á Þjóðminjasafni Íslands og margar merkar niðurstöður fengust við þær mælingar. Voru niðurstöðurnar sendar sjóðsstjórn í skýrslu í von um frekari styrk, því niðurstöðurnar voru bæði mjög góðar og merkilegar.

Vegna einhverrar öfundar og ónota íslensks fornleifafræðins, sem þekkti stjórnarmann í sjóðsstjórn NOS-H, fékk rannsóknin ekki fé til frekari rannsókna. Síðar fór fornleifafræðingurinn, Margrét Hermanns- Auðardótir, sem beitti sér svo lítilmótlega, í einhverjar mannfræðirannsóknir, sem aldrei urðu að neinu vegna samvinnuörðugleika.

Mjög merkar niðurstöður fengust hins vegar af mælingum Hans Christians Petersens á Íslandi árið 1993 og leyfi ég hér með fólki að lesa þær. Þær staðfestu ýmislegt sem ég hafði leyft mér að benda á í þessari grein.

Ástæðan fyrir birtingu skýrslunnar nú, er að um daginn leitaði ungur fornleifafræðinemi við háskólann í Tromsø norður í Þrumu, til mín og spurði um örvaroddinn klofna sem ég hef greint frá, og meira að segja í tvígang. Lofaði ég honum að birta skýrsluna frá mannfræðirannsókninni á Íslandi árið 1993, en tel víst að öðrum þyki skýrslan fróðleg.

Meginniðurstaða Hans Christians Petersen, sem einnig gerði úttekt á annarri vitneskju um uppruna Íslendinga, er að fólk sem settist að á Íslandi var af mjög mismunandi uppruna. Greinilegt er t.d. að Íslendingar eru komnir af fólki sem var blandað Sömum, líkt og þeim svipaði einnig mjög til fólks á Bretlandseyjum eða Íra sem uppi voru á sama tíma, en þorri landnámsmanna var þó af "norrænum" stofni úr Noregi.

Meginniðurstaðan er þó sú, að elstu Íslendingarnir eru ekki sem heild, eða hlutar þeirra, alveg eins og neinn annar hópur á sama tíma á þeim svæðum sem liggja í námunda við landið.

Eins og má sjá má á meðfylgjandi myndum af veðurbörðum og útiteknum Sömum sem teknar voru af leiðangursmönnum Rolands Napoléon Bonaparte, 6. prinsins af Canino og Musignano (1858-1924), sem var barnabarn bróður Nablajóns keisara, til Norður Noregs  árið 1884, virðast Samar þess tíma vera mjög fjölbreyttur (blandaður / heterogeneous) hópur, líkt og Íslendingar hinir fyrstu voru greinilega í upphafi samkvæmt niðurstöðum Hans Christians Petersen. Sumir þeirra bera rússnesk nöfn sem benda til blöndunar við Sama eða Skoltsama austan landamæranna við Rússland. Sérstakur er hann Anders Andersen Anto sem líklega var dvergvaxinn fyrir utan að vera mjög hrokkinhærður. Já, margt er mannin lagt.

 

Ljósmyndir er mjög auðveldlega hægt að misnota sem vísindaleg gögn, en af myndinni að dæma virðist Anders Andersens Anto einna helst af afrísku bergi brotinn. En erum við það ekki öll í byrjun? Í útliti þessa manns árið 1884 er ekki neitt sem við getum ályktað um uppruna Sama og jafnvel þótt mælanleg einkenni negra hafi fundist í einstaka einstaklingi á Íslandi við mælingar Hans Christians á fornum beinum, þá skýrir það líklega ekkert annað en Jazzáhuga sumra Íslendinga. Mælingar geta líka sýnt undantekningar. Alnafni Anders, Anders Andersen Anto (nr. 50 í myndaröð Bónaparts prins), og kannski frændi, líkist hins vegar skagfirskum bónda.

Anders Andersen Anto (nr. 50)

Hvaðan er konan?

Efst á þessu bloggi hef ég sett mynd af konu, sem ég bið fólk að segja mér upprunann á. Þetta er hættulegur leikur og ég tek fram að slíkar myndagetraunir eru alls endis ófræðilegar, líkt og þegar menn rannsaka DNA úr nútímafólki til að segja til um upprunann. Eina trausta leiðin er sú sem Hans Christian Petersen notaði, þ.e. að nota mælingar á beinum fólks frá sama tímabili í sögunni, en gleyma því jafnframt ekki að umhverfisþættir geta breytt útliti fólks og stærð mjög fljótt.

Gaman væri nú að vita, hvort lesendur mínir geti sagt mér hvaðan konan á myndinni efst er ættuð. Og hugsanlega vilja einhverjir finna Samann í sjálfum sér og senda mér myndir sem kannski sýna svart á hvítu, eða í lit, að þið líkist frændum okkar Sömunum, frumbyggjum Skandínavíu. Þá sem með réttu eiga olíuna undan ströndum Noregs, ef fara skal út í tæknileg atriði.

Hér koma svo nokkrar myndir af norskum sömum sem ljósmyndaðir voru í leiðangri Bónaparts árið 1884.

Mena Abrahamsen og Ellen Andersen Labba 

Nicolas Nielsen og Karen Mikelsdatter

Ivar Samuelsen og Ole Olsen Niki

Hendrich Martissen Kyrre og Offa Dimitrowitch

Hægt er að stækka allar myndirnar með því að klikka á þær.

Athugasemdir

[Torfi Stefánsson (IP-tala skráð) 26.4.2013 kl. 16:19]

Þrumu? Straumi meinarðu? Tromsö þýðir upphaflega Straum(s)ey (s-ið féll burt)og Troms þýðir þá Straums!

Annars er ekkert ólíklegt að við Íslendingar séum að hluta Samar. Þórólfur Kveldúlfsson var jú hirðmaður konungs og lénsmaður í Norður-Noregi (og herjaði mikið í Finnmörku (meðal Finna, þ.e. Sama)). Bróðir hans Skallagrímur hefur væntanlega tekið með sér slatta af þrælum þaðan enda sigldi hann beint hingað frá Noregi (samkvæmt Eglu). Þá var Þorgerður Brák auðvitað Sami en ekki Íri enda heitir hún heiðnu gyðjunafni.

[FORNLEIFUR, 26.4.2013 kl. 17:30]

Það kemur fyrir að mann misminni. Þruma er auðvitað suður á Ögðum. Hitt veit ég og geri t.d. grein fyrir í grein sem hlekkt er í í blogggreininni. En gott að heyra að þessi síra sé ekki keltóman eins og flestir hinna. Amen.

[Óli Gneisti (IP-tala skráð) 26.4.2013 kl. 17:33]

Fundu erfðafræðingarnir hjá ÍE einhver samísk gen í okkur þegar þeir væru að skoða þetta fyrir nokkrum árum?

[Sigvaldi Eggertsson (IP-tala skráð) 26.4.2013 kl. 18:43]

Ég var staddur á byggðasafni einu á vesturlandi og er ég hafði sagt á mér deili við safnvörðinn þá leiddi hann mynd sem hékk þar á vegg og var, að hans sögn, af langa-langömmu minni sem hann kvað vera Sama.

Við þurfum þannig ekki að fara aftur til fornmanna til að finna Samana í okkur.

[Jón Steinar Ragnarsson, 26.4.2013 kl. 19:51]

Þessi gæti nu bara verið vestan af fjörðum. Það er annars áberandi andlitsfall sumstaðar fyrir vestan þessi háu kinnbein og örlítið mongólsk möndluaugu. Ekki frá því að það sé slatti í mínum genapolli.

[FORNLEIFUR, 26.4.2013 kl. 22:18]

Óli Gneisti, menn tala ekki lengur svo mikið um "samísk gen" eins og áður. Bendi þér á að lesa t.d. þetta og þetta og þessi grein. Það veltur líka dálítið á því að hverju Agnar Helgason og co. voru að leita.

[FORNLEIFUR, 26.4.2013 kl. 22:19]

Sigvaldi þetta þykir mér merkilegt, en veit að þessi safnvörður, eða sá sem ég tel að það hafi verið, var áhugasamur um Sama.

[FORNLEIFUR, 26.4.2013 kl. 22:22]

Jón Steinar, þú Heiðurssami þessa bloggs! Ekki er konan að vestan, þótt hún hafi haldið Westur. Hún var að norðan blessunin eins og langalangamma mín ein. Íslensk var hún.

[FORNLEIFUR, 26.4.2013 kl. 22:26]

þessi kollega minn finnst mér m.a. vera líkur núlifandi Sömum sem ég hef séð. Ekki er ég viss um að honum sé sama um það.

[Vilhjálmur Eyþórsson, 26.4.2013 kl. 22:48]

Mjög margir Íslendingar, ekki síst kvenfólk hefur þetta breiða andlit og háu kinnbein sem benda til dálítið mongólsks, þ.e. samísks uppruna, t.d. Björk, sem margir útlendingar halda að sé eskimói (nú á víst að kalla eskimóa inúíta eins og lappana á að kalla sama). Þetta er að sjálfsögðu hreinræktaður rasismi hjá nafna mínum, sem kemur ekki á óvart því hann ímyndar sér að gyðingar séu í einhverjum marktækum, líffræðilegum og vefjafræðilegum skilningi „kynþáttur“. Annars hafa lappar (samar) verið að blandast hvítum mönnum í aldir, ef ekki árþúsundir og eru mjög margir ljóshærðir og bláeygðir, þótt hið breiða, mongólska andlitsfall sé enn áberandi meðal margra þeirra. Niðurstöðurnar sem hér er vísað til koma annars alls ekki á óvart og eru í góðu samræmi við það sem við höfum flestir talið.

[FORNLEIFUR, 26.4.2013 kl. 23:04]

Gott að fá staðfestingu eða vottorð frá þér Vilhjálmur. Þessu er samt öfugt farið miðað við það sem þú heldur. Samar eru "alhvítir" eða mismunandi bleikir Evrópumenn og líklega meðal þeirra elstu í álfunni. Þeir hafa hins vegar blandast eitthvað úr austurátt, en tiltölulega lítið þó, ef maður miðar við genasamsetningu nútímafólks. Lestu greinarnar sem ég benti Óla Gneista á hér fyrir ofan.

Eitt aðalatriðið sem ég vil benda á í grein minni, ef menn lesa hana vel, er að ég tel lítið varið í að ráða í uppruna þjóða eingöngu út frá genamengi nútímans, nema að maður telji sig þekkja alla sögu þjóðflutninga.

Hvað varðar gyðinga, kemur æ betur í ljós að stærstur hluti þeirra bæði sefaradim og ashkenasim eru náskyldir erfðafræðilega séð. Það hefur því aldrei verið meiri ástæða en nú að gangast við gyðingum sem "þjóð". Ekki er það sama hægt að segja um Palestínumenn sem eru mjög fjölbreyttir í genamengi sínu og m.a. komnir af gyðingum sem beygðir voru undir íslamskan sið.

Björk er Sami, ekki vafi! 

[FORNLEIFUR, 26.4.2013 kl. 23:22]

En hvaðan heldur þú að konan efst sé ættuð, nafni? Eða þessi svipstóra kona?

[Vilhjálmur Eyþórsson, 26.4.2013 kl. 23:37]

Sephardim eru væntanlega skyldastir gyðingum á dögum Jesúm, en askenasim  hljóta að miklu leyti komnir að vera komnir af Kazörum, sem tóku upp gyðingatrú á miðöldum. Þeir eru margir miklu ljósari yfirlitum en nokkur samtímamaður Jesúm í Palestínu og hafa augljóslega blandast Norður- Evrópumönnum mjög mikið. En svo merkilegt sem það kann að virðast eru gyðingar í kynþáttamálum margir alveg sammála nasistum og telja sig vera einhvers konar „kyþátt“. Þeir hafa vissulega mjög sterk „þjóðareinkenni“, en það hafa margar aðrar Evrópuþjóðir, t.d. Finnar eða Ítalir. Þó er ógerlegt að fullyrða út frá einum einstaklingi hvort hann sé Finni eða Ítali. Það er hins vegar nóg að sjá einn Ástralíu- frumbyggja eða dverg- svertingja til að fullyrða, að hann geti ekki verið Evrópumaður að uppruna. Gyðingar eiga sumt sameiginlegt með öðrum flökkuþjóðum, t.d. sígaunum en hafa þó algera sérstöðu vegna stööðu sinnar í trúarbragðasögunni. Þeir, eins og nasistar, ímynda sér að þeir séu Übermensch“, „guðs útvalda þjóð“ og hafa reyndar miklu betri rök fyrir því en nasistar, því ágætar gáfur og dugnaður hafa lengi einkennt fólk af þessum trúarbrögðum. Því má tala um tiltiekin „þjóðareinkenni“ meðal þeirra, en alls ekki um að þeir séu eins og t.d. Indíánar eða Andaman- eyjskeggjar einhvers konar „kynþáttur.“

[FORNLEIFUR, 26.4.2013 kl. 23:51]

Nei og aftur nei, nafni. Lestu þér til. Kazarakenningin sem þér þykir svo vænt um, og sem sumum gyðingahöturum er annt um að halda sem lengst í, er fyrir löngu fallin! Kazarar hafa að mjög litlum hluta blandast gyðingum. Það er einfaldlega mælanleg staðreynd.

Nei, gyðingar ímynda sér ekki neitt um að þeir séu útvöld þjóð. Þú er helsetinn fordómum, gömlum kreddum og nasískum flökkusögum. Kynntu þér hvað Am Nivchar þýðir áður en þú ferð um víðan völl með kristna og nasíska fordóma um hvað "útvalinn" þýðir í Gyðingdómi.

[FORNLEIFUR, 27.4.2013 kl. 00:00]

Útlit fólks er vissulega enginn áreiðanlegu mælikvarði á uppruna, en þú talar sjálfur um asískt útlit Sama. Það er ekkert samræmi í þessu hjá þér.

Mælingar á hlutföllum í beinum fornþjóða og samanburður á slíkum mælingum, sem og rannsóknir á erfðaefni er það sem getur upplýst okkur um skyldleika og "þjóðir", en varast ber að oftúlka hlutina.

Íslendingar eru ekki þjóð samkvæmt skilgreiningu þinni og ef tekið er tillit til fjölbreytileika Íslendinga í upphafi eins og sýnt er fram á í rannsókn Hans Christians Petersens. En Íslendingar eiga sér þjóðríki og eru því þjóð. Þú blandar þessum hugtökum öllum í graut. Gyðingar nútímans, úr öllum áttum, eru reyndar næstum því einsleitur hópur og Íslendingar, erfðafræðilega séð, en samt vilt þú ekki þola að þeir séu kallaðir þjóð og segir þá skylda sígaunum, sem þeir eru reyndar ekki.

[FORNLEIFUR, 27.4.2013 kl. 00:12]

Vil ég biðja fólk að halda sig við efnið, Samana, og hrökkva ekki út af sporinu yfir í öfgafullar skoðanir sínar á öðrum þjóðum og þjóðflokkum.

Eins þæði ég tilgátur um hvaðan konan efst er ættuð.

[Ásgrímur Hartmannsson, 27.4.2013 kl. 00:23]

Mig minnir að B blóðflokkurinn sé algengastur hjá sömum - eða hvort það vara bara finnum - af öllum norðurlandaþjóðunum.

Hann ku upprunninn í Kína, og ég er nokkuð viss um að hann hefur borist hingað með Ghengis Kahn og félögum.

Og blóðflokkar erfast víst.

[Vilhjálmur Eyþórsson, 27.4.2013 kl. 00:27]

Gyðingar skyldir sígaunum? Kanntu annan? Það sem ég sagði að báðar þessar þjóðir eru flökkuþjóðir og eiga það m.a. sameiginlegt að neita að samlagast umhverfi sínu og halda fast í tiltekna siði. Ég gleymdi að geta þess hér að ofan að „þjóðareinkenni“ eru að sjálfsögðu að einhverju leyti arfgeng, þ.e. genetísk, en það er ógerlegt að skilja alveg í sundur áhrif umhverfis og gena í þessu máli. Uppruni Íslendinga eins og annarra Evópumanna, (þar á meðal gyðinga) er mjög blandaður, en hér hafa þó þróast fram viss „þjóðareinkenni“ sem mjög erfitt er að festa hendur á. T.d. efast enginn um að Danir og Svíar hafi mjög ólík „þjóðareinkenni“ þótt þeir teljst af nákvæmlega sama kynþætti, eða um það bil. En allt þetta líkist þó mest gervivísindum nasista en nokkru öðru. Ekki þarf að lesa lengi í gamla testamentinu til að sjá hvað átt er við með „guðs útvalda þjóð“. Þess vegna neita gyðingar að blandast okkur, undirmálsliðinu, sem ekki á ættir að rekja til sauðfjárbóndans og misheppnaða barnamorðingjans sem heyrði raddir, Abrahams.

[FORNLEIFUR, 27.4.2013 kl. 00:29]

Sæll Ásgrímur, ég benti Óla Gneista á nýjar niðurstöður varðandi blóðflokkarannsóknir, vefjaflokka og DNA Sama. Ekki held ég að menn rannsaki lengur uppruna Sama með blóðfokkunum einum. B blóðflokkurinn er ekki uppruninn í Kína, þó svo að þeir vilji eigna sér margt.

[FORNLEIFUR, 27.4.2013 kl. 00:34]

Meee, bölvað jarm og þvaður nafni. Notaðu Google og settu filter á nasistasíðurnar. Gyðingar eru ekki flökkuþjóð. Lestu svo GT á upphaflega málinu ef skilningurinn er enn sljór eftir að hafa lesið ranga þýðingu á því á íslensku.

[FORNLEIFUR, 27.4.2013 kl. 00:40]

Það eina sem þú hefur sagt af viti í kvöld, Vilhjálmur Eyþórsson, er að Björk sé Sami. Ég er sammála því.

Mannfræðilega held ég hins vegar að þú sért það sem kallað er hálfgerður þverhaus.

[Jón Steinar Ragnarsson, 27.4.2013 kl. 02:01]

Móðir mín er mjög samísk. Svona hvít útgáfa af Björk. Hún er tengd Nafna þínum Stefánssyni landkönnuði, sem augljóslega hefur haft eitthvað hirðingjablóð í æðum. Mér finnst Joyka bollur líka fínasti matur. ;)

[FORNLEIFUR, 27.4.2013 kl. 06:19]

Ég hef aldrei smakkað Joyka bollur sem eru að mestu búnar til úr svíni 90% meðan 10% eru hreindýrakjöt,  http://ikkepedia.org/wiki/Joikaboller, en borða stundum sænskt samískt hrökkbrauð og þá helst með Kalles hrognakremi eða Westerbotten osti.

Ég hef líka þessa tilfinningu, að margir á Íslandi séu svipaðir sömum. Þetta finnst mér rannsóknir Hans Christians Petersen staðfesta. Að fornu var sumt fólk mjög stutt til hnésins. Sköflungurinn er hlutfallslega styttri miðað við lærbein en hjá öðrum Norðurlandabúum. Íslendingar sem eru stuttir til hnésin gætu vel hugsast að vera af samísku bergi brotnir. Hér er ég ekki að gantast.

[Ólafur Björn Ólafsson, 27.4.2013 kl. 08:46]

Andlit það er þú hefur efst á síðunni og spurt er um, gæti svo gott sem verið nánast hvaðan sem er, úr Evrópu. Það er kanski spurning hvort Samar hafi blandað geði víðar en norðan heiða, Evrópu. Þó þarf ekki að vera að hún sé Samísk. Andlitsfallið hef ég séð víða á ferðalögum mínum um Evrópu, hallast nú samt að því að um Samíska konu sé að ræða...

Ekki ætla ég að tjá mig um athugasemdir nokkurra manna hér enda þeir komnir stundum langt út fyrir efnið.

Góðar stundir

Kaldi

[Vilhjálmur Örn Vilhjálmsson, 27.4.2013 kl. 09:29]

Sæll Ólafur og aðrir, konan efst er að Norðan, en þessi í upphlutnum er að mestu úr Kjósinni. Fjölbreytileikinn er mikill.

Þar sem þessi færsla fer nú að dala í sjáanleika á blog.is vegna kosningablogga, þá upplýsist það hér með að konan efst er Guðbjörg Hannesdóttir systir langalangaömmu minnar. Hún var móðir Stephans G. Stephanssonar fjallaskálds. Því miður á ég ekki mynd af langalangaömmu minni, en geri fastlega ráð fyrir því að þær hafi verið líkar systurnar.

Konan með augun dökku notaði ekki farða eða augnablýanta, en hún var langamma mín Guðrún Ágústa Ólafsdóttir. Nefið á henni var ekki ósvipað og á Goldu Meir. Guðrún var gift Þórði Sigurðssyni, en hann og Stephan G. voru systrasynir.

Ég er stoltur af þessum myndarkonum úr ættgarði móður minnar. Einkenni þeirra sjást enn í mörgum afkomenda þeirra. Karlarnir um ættum þessara kvenna voru hins vegar sumir eins og kerlingar í framan. Það minnir mig á orð Jóns Steffensens læknis og áhugamannfræðings, sem oft lét þau orð falla að hauskúpurnar á Íslenskum karlmönnum væru frekar kveifarlega. Það einkenni eiga Íslendingar og Samar einnig sameiginlegt og tel ég það líklegast umhverfisþátt frekar en einhverja ríkjandi erfðaþætti.

[Hallgrímur Hrafn Gíslason, 27.4.2013 kl. 10:16]

Eitt sem þarf að taka tillit til er Svartidauði, Fjölmargar byggðir í Noregi fóru í auðn í Þeim plágum.  Hvaðan kom svo fólkið sem byggði upp auðnina eftir Svartadauða?

Ef forfeðra ættir okkar í Noregi dó út að mestu er ekkert skrítið að genin passi ekki við Ný Normenn

[Brynjólfur Þorvarðsson, 27.4.2013 kl. 12:49]

Fornleifur, ég hef nú alltaf haft gaman að pistlunum þínum og vonast til að sjá fleiri í framtíðinni. En ég varð fyrir verulegum vonbrigðum með athugasemdum þínum nr. 11, 14 og 15 við þessari færslu. Er þetta einhver trúarsannfæring sem breytir stilltum fræðimanni í sleggjufordómakastara og árársarhneigðan ísrarelsfasista?

Þetta er ekki vettvangur til að fjalla efnislega um Ísrael og uppruna þess, þar sem það er þér svo hugleikið þá væri kannski tilefni til að þú birtir aðra færslu um það mál?

Varðandi efni þessa pistils um uppruna Íslendinga þá þykir mér það alls ekki vera neitt undrunarefni að Íslendingar hafa verið blendingar frá upphafi, slíkt er eðlilegt og viðbúið þegar um fólksflutninga er að ræða.

En það vakti furðu hjá mér að þú skulir halda því fram að samanburður á DNA nútímafólks sé alls ófræðilegur þegar kemur að því að skoða uppruna þeirra. Þetta minnti mig nú óneitanleg á hinn fræga Mofa, þar sem allt sem stuggar við trúarsannfæringu er óvísindi. Fullyrðingin um að mælingar á beinum fornmanna sé "eina trausta leiðin" þótt mér merkilega barnaleg.

Skyldi vera samhengi milli Ísraelsfasismans og höfnun á DNA rannsóknum?

[Vilhjálmur Örn Vilhjálmsson, 27.4.2013 kl. 13:19]

Hallgrímur, ég veit ekki hvort farsóttir og Svartidauði hafi haft svo mikið að gera með með breytingar á genasamsetningu. Blóðflokkar geta orðið fyrir miklum breytingum í einangruðum hópum, ef mikið fólksfækkun á sér stað. Það gerðist t.d. á Íslandi. En móðurgenin (mítókóndríin) hverfa t.d. ekki eða breytast. Í Noregi breyttist samsetningum með siglingum Þjóðverja og annarra og vitaskuld einnig á Íslandi.

Allt þetta veldur því að viturlegra er að mæla bein forfeðranna en að skoða DNAíð í dag ef maður hefur áhuga á því  að vita hvaðan forfeðurnir eru ættaðir.

[FORNLEIFUR, 27.4.2013 kl. 17:17]

Brynjólfur, miðað við þær villur sem menn hafa leiðst út og lent í við DNA-rannsóknir á síðustu árum, þá held ég að beinin standi mjög sterk sem heimild í rannsóknum á uppruna ungra þjóða eins og Íslendinga. Einnig er hægt að vinna DNA úr gömlum beinum. Gamalt DNA er athyglisvert að bera saman við rannsóknir á nútímaþjóðum. Hefur margt merkilegt komið fram í því sambandi. T.d. eru askenasim gyðingar Hollands, sem eiga ættir að rekja aftur á 18. öld í Hollandi, eru líkari Þjóðverjum en þeir eru öðrum gyðingum, hvað erfðamengið varðar. Blóðblöndun var greinilega mikil.

Gyðingar eru sú þjóð sem einna mest hafa verið rannsakaðir hvað upprunann varðar og erfðamengið, enda meðal gyðinga hlutfallslega fleiri vísindamenn en meðal margra annarra. Vegna hins mikla áhuga á gyðingum (sem reyndar er mestur meðal þeirra sem ekki eru gyðingar sjálfir),  hafa þeir orðið að útvöldu þjóðinni í DNA-rannsóknum. M.a. vegna margra erfðasjúkdóma sem þá hrjá, er genamengi þeirra betur kortlagt en flestra annarra. Fyrir nokkrum árum voru allir að tala um ákveðin "gyðinga-gen" sem síðar, við nánari athugun, kom í ljós að voru ekker frekar gen gyðinga enn margra annarra skyldra þjóðlokka. Þetta voru sameignleg gen sem forfeður og mæður gyðinga og margra annarra báru áður en þjóðarmyndun, flokkadrættir, trúarbrögð og annað varð til, sem myndaði "einingar" og hópa, eða það sem Íslendingar kalla ættir, aðrir kalla clans og enn aðrir race.

Ég kannast ekki við þennan Ísraelsfasisma sem þú talar um. Skoðaðu löndin umhverfis Ísrael, og þú munt finna fasismann þinn. Fasismi er ekki erfðaþáttur eins og þú virðist halda, og fasismi er líka ríkari í frændum þínum í Þýskalandi en í íbúum Ísrael. Margir af helstu friðarpostulum jarðar, þar á meðal Jesús, voru af ætt Abrahams og fylgdu lögum Móses.

Þegar þú Brynjólfur, og Vilhjálmur Eyþórs, eruð að blanda fordómum ykkar í garðs gyðinga og Gyðingdóms inn í þessa umræðu og teljið ykkur vita hvað er rétt skilgreining á Am Nivchar, Guðs völdu þjóð, þá sýnið þið aðeins fordóma sem eru langt verri en hégilja Mofa. Þið eruð eruð að mínu mati risaeðlurnar sem hann taldi að hefði verið útrýmt á miðöldum. Þið eruð kreddukarlar nútímans sem í fáfræðinni takið sömu taktana og það versta í trúarbrögðunum sem þið hatið. Þegar þið eruð kveðnir í kútinn með bábiljur eins og Kazarakenninguna, ásakið þið fólk um það versta af öllu sem  einkaleyfishafar sannleikans leyfa sér í ásökunum, "Ísraelsfasismann". Menn ættu að líta sér aðeins nær.

Halda sig við efnið sem eru Samar! Þurfa menn að vera með skítkast í garð gyðinga til þess að ræða rannsóknir á hugsanlegum uppruna Íslendinga?

[Ólafur Björn Ólafsson, 27.4.2013 kl. 19:44]

Sé það núna er ég ber saman myndina af konunni í upphlutnum að það er svipur með ykkur, Vilhjálmur... :)

Það jafnvel örlar á svip með þér og konunni efst á síðunni sem segir að svipurinn hefur gengið í erfðir...

En til að bæta við á þykir mér frekar leiðinlegt að lesa athugasemdir sem eru langt útfyrir efnið sem upphaflega var rætt um í þessum fína pistli.

Með kveðju

[FORNLEIFUR, 28.4.2013 kl. 03:25]

Kannski ættir þú ekki að nota myndina af "Fornleifi" til að bera saman við þessar ágætu konur, Ólafur. Myndin efst er ekki af Vilhjálmi. Þetta er táknræn mynd, en hvorki af Vilhjálmi né af Fornleifi. 

[Hallgrímur Hrafn Gíslason, 29.4.2013 kl. 21:44]

Vilhjálmur Örn.  Ég var ekki að tala um genabreytingu , heldur það að gömlu Norðmennirnir þurrkuðust út í Svarta dauða og fleiri plágum.  Við það fóru heilu firðirnir í eiði og þeir sem byggðu upp þessa firði komu líklega landleiðina að norðan og yfir hálendið að austann. Þar með var kominn annar kynstofn sem síðan blandaðist við gömlu Norðmennina, sem eftir lifðu, þegar fólk fór á vertíðir og fluttust á milli staða.