Malbik er lausnin

Eftir miklar vangaveltur hafa mér fróðari menn ákveðið að vernda náttúruna með malbiki.

Þetta er líklega það sem koma skal. Sumir vilja ólmir stórhýsi ofan á viðkvæmar fornminjar og malbiksstígar um náttúruperlur eru auðvitað kærkomin lausn fyrir aðra fatlaða en þá sem hella vilja malbiki yfir náttúruna. Fram með hjólabrettin!

Eru Íslendingar ekki farnir að láta malbika og valta einum of mikið yfir sig, eða eru þeir hættir að geta gengið á móður jörð nema að hún sé öll útötuð í tjöru?

Göngustígar malbikaðir í Dimmuborgum

Athugasemdir

[Gunnar Th. Gunnarsson, 6.11.2013 kl. 14:11]

Þegar umferð er mikil þá eru svona göngustígar nauðsynlegir vegna nokkurra atriða. Í fyrsta lagi vegna þess að auðveldara er að stjórna umferð um svæði og minnka "utanvegagöngur".

Í öðru lagi verða náttúrulegar gönguleiðir sóðalegar í misjöfnum veðrum, t.d. svað í rigningum og moldarryk í þurkum.

Og að lokum má nefna slysahættu á fólki í misjöfnu líkamlega standi.

[Rafn Haraldur Sigurðsson (IP-tala skráð) 6.11.2013 kl. 17:57]

Flott framtak  að malbika stígana, auðveldara fyrir fatlaða einstaklinga að komast um svæðið, og svo losnum við við forarsvaðið  sem myndast þegar þúsundir túrhesta traðka um svæðið í rigningu

[Ásthildur Cesil Þórðardóttir, 6.11.2013 kl. 18:18]

Algjörlega sammála þér. Hér þarf virkilega hugarfarsbreytingu, manngildi og náttúra ofar auðgildi og herra Mammon.

[Ómar Ragnarsson, 6.11.2013 kl. 22:51]

Malbikaðir göngustígar eru ekki það sama og þeir "heilsárs"trukkavegir sem jarðýtufíklar vilja leggja þvers og kruss um hálendið þar sem jafnvel merkustu eldhraun landsins eins og Gálgahraun með sínum náttúruverðmætum, söguslóðum og sögulegum minjum eru mulin mélinu smærra.

Ástæðan er sú að göngustígar eins og á að leggja um Dimmuborgir verða afturkræfir, þeir verða lagðir niður en ekki rutt upp, - lagðir þar sem malar- eða moldarstígar eru nú og það verður hægt að fjarlægja þá og koma landinu í samt horf á eftir.

[Vilhjálmur Örn Vilhjálmsson, 7.11.2013 kl. 05:02]

Hvenær verða stígarnir úr malbiki fjarlægðir, Ómar? Hver mun sjá um þá hreinsun?

Ég sé því miður lítinn mun á því óhæfuverki sem unnið hefur verið í Gálgahrauni og þessari einkennilegu framkvæmd í Dimmuborgum.

Þolinmæði manna við að vinna góðar lausnir í göngustígagerð er of lítil.

Þarfir fatlaðra til að sjá landið sitt er einnig hægt að uppfylla með góðum stígum úr öðru efni en malbiki. 

[Vilhjálmur Örn Vilhjálmsson, 7.11.2013 kl. 05:03]

Ásthildur, ruðningurinn yfir ræktunarstarf þitt er einnig gott dæmi um skítlegt eðli og tvískinnungshátt í landverndarmálum.

[Ásthildur Cesil Þórðardóttir, 7.11.2013 kl. 11:20]

Takk Vilhjálmur.  Já ég er óskaplega döpur og reið yfir þessum framkvæmdum.