Hvítt dusilmenni verður undir í glímu á Snæfellsnesi

Já, á Snæfellsnesi arkar vel skyldleikaræktað dusilmenni um með svart frímerki á efrivörinni og límir eins og óður maður miða með skítkasti út um allt.

Líklegast kemst slíkur moðspreðill í kynferðislegt stuð þegar hann er að líma haturssnepla sína. Það er ágætt að fá frétt í  Morgunblaðið um slíka límstauta. En hjá blaðinu skrifar einn ungritstjóranna reglulega greinar um heri og hermenn nasista og "glæsileg" afrek þeirra á vígvöllum sem nasisminn skapaði.

Það verður að teljast flókið og frekar sjúkt hobbí sem blaðamaðurinn fær að deila meðal áskrifenda Moggans. Áskrifendur eru ekki einu sinni spurðir hvort þeir vilji lesa um Gunther og Frantz, sem í ímynduðum glæsileika "germanans" brytja niður Igor og Leonid á Austurvígstöðvunum. Það hefur líklega farið fram hjá þessum kúlupenna Moggans að Kalda Stríðið er fyrir löngu forbí.

Dusilmennið á Snæfellsnesi lætur sig hins vegar dreyma um hengingar í Suðurríkjunum, sem er miklu verra en að skrifa hermannasögur á Mbl. Fjölmiðlar Íslands ættu að líta sér aðeins nær. Það er ekki nóg að skrifa um kynþáttahatur á útkjálkum Íslands - nasistadýrkun á síðum Moggans er líka tímaskekkja.

Lesið sögu svarta mannsins á Íslandi á dálkinum hér til vinstri, en við hana bættist enn einn ljótur kafli með Miðalími á Vegamótum. Einnig má benda á skoðanakönnunina efst á hinum siðvandaða dálki Fornleifs.

Rasísk skilaboð límd á bíl mæðgina

Athugasemdir

[Kristján Sveinsson (IP-tala skráð) 18.7.2020 kl. 09:58]

Ég les bók sem á dönsku heitir Krigen har ikke et kvindeligt ansigt eftir Svetlönu Aleksivitsj frá Hvíta-Rússlandi, Nóbelsverðlaunahafa í bóknenntum 2015. Hún rannskaði lengi sögu stríðsins mikla og stóð í bréfaskriftum við landa sína vegna þess. Eftir fall Sovétríkjanna komu fram nýjar sögur og ný sjónarmið. Gamlingi nokkur skrifaði rithöfundinum skömmu eftir aldamótin: „Livet er blevet hårdt for os gamle … Men det er ikke på grund af de små og nedværdigende pensioner, vi lider. Det, ser sårer os allermest, er, at vi er blevet jaget ud af den store fortid til en uudholdeligt lille nutid … I aviserne kan man læse, hvordan facisterne bliver stadig ædlere, og de røde soldater mere frygtelige.“ (bls. 25–26) Moggamenn mega hugsa sinn gang.

[FORNLEIFUR, 18.7.2020 kl. 22:59]

Ég keypti bækurnar Secondhand-tid og Kvindeligt Ansigt á bókamessunni á Bella Center í fyrra, þar sem þessar Nóbelsverðlaunahöfundabækur voru á tilboði. Danir keyptu ekki þessar bækur og fóru þær fljótlega í tilboðsverð. Ég gaf þær konunni, en þær eru líklega of sagnfræðilegar fyrir hana. Því miður hef ég ekki komist í að lesa þær sjálfur. Reyni að gera það í sumar.