Faðir minn gefur kanínu mótefni fyrir 75 árum síðan

Faðir minn Vilhjálmur Vilhjálmsson - ekki söngvari, hefði orðið 95 ára í dag hefði hann lifað. En það er meira en aldarfjórðungur síðan hann dó.

Hér er mynd af honum í lok 5. áratugarins. Hann er í heimsókn hjá  dýralækni og fjölskyldu hans á Fríslandi. Sú fjölskylda var ein af þremur fjölskyldum sem skutu skjólshúsi yfir pabba í stríðinu. Fram til 1941 bjó pabbi í den Haag og áður, fyrir 1936, á tveimur stöðum í Amsterdam.

Hér bregður faðir minn á leik með kanínu. Hár pabba var mikið og rautt, og ekki er verið að reyna að stæla hinn fræga brúðuleikara, Beaker, ef einhver heldur það.