Hvaeretta?

Nú er heldur betur kominn tími til getraunar hér á Fornleifi.

Það sem ritstjórnin vill vita er:

1) Hvað þetta sem er fremst á myndinni er (málmgripurinn)?
2) Frá hvaða tíma er gripurinn?
3) Örstutt ritgerð um efnivið verður að fylgja.
4) Í hvaða landi var gripurinn búinn til?

Verðlaun fyrir þann sem fyrstur gefur fullnægjandi svar: Fornplakat Fornleifs: Súkkulaði Sigga.

Athugasemdir

[Jón Steinar Ragnarsson, 25.4.2021 kl. 08:49]

Prímus? kolakyntur jafnvel? Aldamótin 1900? Búinn til úr skotfærakassa úr Járni. England?

[Jón Steinar Ragnarsson, 25.4.2021 kl. 08:52]

Gæti svosem verið Hollenskur, sem ályktast af því hve tíðrætt þér er um holland. ;)

Fyrri heimstyrjöldin kemur til greina og þá franskt kannski.

Bara fretað út í loftið í svarta myrkri.

[Ingibjörg Ingadóttir (IP-tala skráð) 25.4.2021 kl. 10:27]

Sæll. Getur þetta verið brauðrist, frá tíma kolakyndingar? - sem hafi verið lögð á kolaeldavél eða -ofn. Væri þá úr járni eða stáli.

[FORNLEIFUR, 25.4.2021 kl. 11:23]

 Prímus fékk nafn sitt af vörumerki á sænskum gaskútum sem lengi voru seldir á Íslandi, en ekki er þetta prímus. Ekki er þetta frá Englandi; heldur ekki Hollandi, ekki skotfærakassi (eða búið til úr slíkum), ekki brauðrist. Getið betur og takk fyrir innlitið. Jú járn er rétt svar að hluta til fyrir efnivið. Skoðið myndina betur.

[FORNLEIFUR, 25.4.2021 kl. 11:28]

 Yfirborðið á efstu plötunni er slétt. Kannski hjálpar það einhverjum.

[Jósef Smári Ásmundsson (IP-tala skráð) 25.4.2021 kl. 16:43]

Kannski er þeta bara munnharpa? Fyrsta kynslóð frá næstsíðustu aldamótum. Spurning hvað vasinn er stór. En miðað við blásturopið að neðan þá er þessi munnharpa gerð fyrir svarta manninn ( ekki rasískt). Munnharpa er gerð úr viði og járni.

[FORNLEIFUR, 25.4.2021 kl. 19:25]

Ekki munnharpa. Ekki hljóðfæri. Gettu betur. Enginn viður. Járn og...

[Jósef Smári Ásmundsson (IP-tala skráð) 25.4.2021 kl. 19:33]

Þá skýt ég á reykháf. Gerður úr járni og kannski steini til einangrunar. Frá miðri síðustu öld. Uppruni: England.

[Jón Steinar Ragnarsson, 25.4.2021 kl. 23:18]

Er að reyna að átta mig á stærðinni. Er hún ca. L:35cm B:10cm H:25cm?

[FORNLEIFUR, 26.4.2021 kl. 04:22]

 Jósef Smári: Ekki úr steini, Ekki frá miðri síðustu öld. Ekki England. En skot á reykháf er nokkuð heitt.

Jón Steinar, breiddin eru réttir 6 sm.

[Jósef Smári Ásmundsson (IP-tala skráð) 26.4.2021 kl. 15:47]

Jæja þá. Búinn til úr járni og asbesti á íslandi kringum 1970.

[FORNLEIFUR, 26.4.2021 kl. 16:06]

 Ekkert asbest og ekkert Ísland og ekki var það 1970. Annað efnið er rauðleitt svo ég hjálpi nú aðeins, því þetta er að verða erfiðasta getraunin hér á Leifi.

[Jósef Smári Ásmundsson (IP-tala skráð) 26.4.2021 kl. 17:12]

Erfitt að hætta núna. Segjum úr járni og leir. Búið til í Danmörku 1920.

[FORNLEIFUR, 26.4.2021 kl. 18:17]

Járn: Já. Leir: Nei (hvar sérðu leir?)

Ekki búið til í Danmörku 1920.

Getraunininni lýkur 28.4.2021 Kl. 24.00 eins og ég tilkynnti á FB minni fyrr í dag.

[FORNLEIFUR, 26.4.2021 kl. 18:20]

Kannski snýst lukkan, ef ég segi þeim sem hér hafa tekið þátt, að þetta er hluti af stærra apparati, sem ég er að gera upp (forverja eins og það er kallað þegar maður fer í hvítan slopp).

[Jón Steinar Ragnarsson, 26.4.2021 kl. 18:42]

Sígarettukveikjari.

[Jón Steinar Ragnarsson, 26.4.2021 kl. 18:56]

Réttara væri í dag að tala um kjafthörpu, eða Jaw harp, eins og þetta heitir víst upphaflega og menn hafa ruglast meinlega á þarna í ameríkunni.

[Jón Steinar Ragnarsson, 26.4.2021 kl. 19:02]

Sé að hljódæri er út úr myndinni og biðst velvirðingar og giska því á flibbastraujárn í staðinn. :)

[FORNLEIFUR, 27.4.2021 kl. 05:42]

Hvorki sígarettukveikjari, kjaftharpa né hljóðfæri. Og ekkert sem hægt er að strauja hvítflibbann á.

Kominn er einn af tveimur efnum í gripnum.

Aldurinn er að verða heitur

Landið vantar

það vantar hlutverk hlutarins, en eins og segir er hann hluti af stærri grip.

Þá ætti þetta að vera létt.  Skoðið myndina til að finna efnið. Lesið fyrri svör. Kannski er svör að finna hér á síðunni. Nú sér einhver eftir því að hafa ekki lesið hana og gleymt að borga ársgjaldið...

[FORNLEIFUR, 27.4.2021 kl. 05:43]

... og þakka Davíð fyrir bloggið, og hana nú!

[FORNLEIFUR, 28.4.2021 kl. 08:44]

Fyrir hönd Fornleifs framlengi ég getraunina fram til kl. 24:00 1. maí. Nú verða menn að leggja höfuðið í bleyti og reyna að sjá fyrir sér mynd.

[Jón Steinar Ragnarsson, 28.4.2021 kl. 20:30]

Við efnislistann má allavega bæta kopar, sem er í hnoðunum.

[FORNLEIFUR, 29.4.2021 kl. 05:00]

 Hárrétt Jón!! Haltu áfram

[Jósef Smári Ásmundsson (IP-tala skráð) 30.4.2021 kl. 08:47]

Er farinn að hallast að loftræsistokki, þá sennilega tengt vélrænni loftræstingu upp úr þaki. Er það kuldaleg tillaga?

[FORNLEIFUR, 30.4.2021 kl. 22:44]

Eins konar loftræsting. Til að leiða brennheitt loft út en ekki uppi á þaki.

[FORNLEIFUR, 30.4.2021 kl. 22:47]

Staðan er nú sú að Jón Steinar er með efnið rétt: Járn og kopar (ntt brons).

[Jósef Smári Ásmundsson, 1.5.2021 kl. 11:43]

Síðasta kommentið frá þér leiðir mig að kenningu sem mér datt fyrst í hug en fannst einum of hæpin. Best  að láta hana bara flakka. Þetta er tengt við hitara ( eldstæði) sem var notað í loftskipum. Hitinn ( eða eldur eldstæðisins )myndi ótempraður eyðileggja loftfarið . Hugsanlega er slétta platan efst úr kopar sem hefur þann eiginleika vegna leiðni að hann er hentugur til að leiða hitann áfram oghita upp loftið inn í belgnum. Ef eitthvað er til í þessari tilgátu er tímaramminn ca. 1930 og framleiðsluland Þýskaland.

[FORNLEIFUR, 4.5.2021 kl. 04:14]

Nú, þessu lauk því miður án fullnaðarsvars, þótt Jósef hafi komið með landið í lokinn. Koparplata er ekki efst. Það eru hnoðnaglarnir sem eru úr bronsi. Ég vildi gjarna eiga loftskipshitara, en er ekki viss um að konan mín leyfði mér að draga slíkt ferlíki heim af öskuhaugum sögunnar.

Gripurinn sem þetta er úr er Laterna Magica sýningartæki frá því um rétt eftir aldamótin 1900. Ég keypti það nýlega á skransölu í Kaupmannahöfn fyrir 300 kall danskan. Tækið var illilega lakkað með ljósgrænni og rauðri menju beint ofan á ryð og svo hafði tækið verið gull, silfur og bronslakkað. Ég er enn að, en mun láta lesendur sjá árangurinn þegar ég er búinn.

Sams konar tæki var selt á uppboði í Svíþjóð fyrir nokkrum árum, og það hef ég að leiðarljósi í viðgerðunum.

[Jón Steinar Ragnarsson, 5.5.2021 kl. 03:22]

Þetta var semsagt strompur.

þetta er fallegt tæki. Er ekki viss um að sleðinn fyrir myndirnar sé original. Finnst ótrúlegt að hann einn hafi verið úr spýtu. Virkar óttalegt brikkabrakk og passar illa. Líklegra að hann hafi líka verið úr pjátri.

Best væri að láta duftlakka þetta. Eða nota hitaþolið spray. Þá myndi sprautusparsls vera góður undirgrunnur til að geta pússað og jafnað yfirborðið.

Fór óforvarindis að gera þetta upp í huganum. ;)

[FORNLEIFUR, 10.5.2021 kl. 22:05]

Tækið á myndinni er það sem fór á uppsprengdu verði í Svíþjóð. Ramminn  getur tekið tvær myndir í einu, þannig að hægt er að skipta um mynd þegar önnur er til sýnis. Hann er úr tré, og einnig á tækinu sem ég hef keypt og eru þeir alveg eins. Viður fer betur með glerið en málmur. 

Sá sem hefur lakkað allt tækið sem ég keypti, málaði ramman með silfurmálningu, sem hefur líklega þótt flott á 7. áratug síðustu aldar. Þar sem tækin var ekki lakkað í byrjun, þá held ég því lúkki en nota hitaþolið glært spray til að verja það frekari riðskemmdum. Annars voru þessi tæki oftast svartlökkuð. Svo þetta hefur verið eins konar silverbird, en nokkuð þunglamalegur, einna líkastur þýskum stríðsvagni.

[FORNLEIFUR, 10.5.2021 kl. 22:11]

Sparsl og duftlakk á gamla blikkgripi, eins og maður sér of á hobbýmyndum á YouTube, þar sem leikföng eru gerð upp, finnst mér alröng aðferð við forvörslu. Með slíku overkill verða þeir allt of rennilegir og ekkert líkir upphaflega gripnum - frekar líkist slík viðgerð nýjum SMEG ísskáp.

[FORNLEIFUR, 10.5.2021 kl. 22:22]

Mitt tæki er víst aðeins eldra módel en það sem sem selt var á uppboði í Svíþjóð. Mitt hefur hefur ekki kæliopin neðst á langhliðinni - aðeins á loftræstistrompinum.

Ég hef ekki notað sandblástur. Fyrst notaði ég góðan lakkhreinsi, sem vann á öllu nema grænu menjunni. Annars nota ég aðeins bursta og pappír framan á litla borvél og dremelinn og svo handpússa ég í lokin. Það er töluverð vinna, en það er afar gaman að þessu. 

[FORNLEIFUR, 10.5.2021 kl. 22:26]

Það er ekki græn menja á tækinu frá Svíþjóð á myndinni, heldur er þetta einhver litaendurspeglun við myndatökuna eða að ljósmyndarinn hefur verið að leika sér í Photoshop. Hérmeð er skýrslu lokið.