Sígarettu-Sigga

Ritstjóri Fornleifs hefur lengi verið á þeirri skoðun, að Bandaríkjamenn stígi ekki almennilega í vitið.

Árið 1909 var það líka vandamál. Kanar læra seint og nýlega kusu þeir svo yfir sig brjálaðan forseta - og þar á undan einn fáráttuvitstola.

Árið 1909 gat það hent reykingamenn í Vesturheimi, að þeir fengju glaðning með sígarettum sínum í formi lítilla litmynda eða póstkorta af konum, nokkuð vel klæddum.

Þeir sem keyptu pakka af MURAD sígarettum, sem var krassandi tyrknesk blanda, glöddust mjög þegar þeir fengu fagrar þjóðbúningastúlkur frá öllum heimshornum beint í pakkann sinn. Þeir gátu hóstað eistun úr pung er þeir dásömuðust yfir fegurð þeirra. Þetta var vitaskuld heilli öld áður en að menn pússígröbbuðu sig þar vesturfrá upp í hæstu embætti.

Ísland var kynnt til sögunnar í BNA undir fána Kongelig Grønlandsk Handel og hinu gamla merki Íslands - hinum grófa plattfiski (sjá allt sem vita þarf um plattfiskinn hér). Það er engu líkara en að Siggan á myndinni sé norður á Lófóti í Noregi með danska hanska frá Randers.

Þó þessi "íslenska stúlllKKKa" reykingamannanna sé tómt tóbak og tjara, er hún þó öllu skárri en hryllingsmyndirnar sem nú prýða sígarettupakkana. Æijá.

Athugasemdir

[Ásgrímur Hartmannsson, 21.10.2022 kl. 21:25]

Íslendingar ætti ekki að vera að segja of mikið um gáfnafar Ameríkana.  Mennirnir sem kusu yfir sig Jóhönnu Sig & Steingrím Joð hafa ekki efni á því.

Bjórbannið kemur líka upp í hugann, tvöfalt skattkerfi á eldsneyti líka.

Kaninn er núna fyrst að ná okkur í gáfnafari.  Kominn með sinn eiginn Steingrím & Jóhönnu.  Kalífornía er bara nokkuð lík Íslandi núna, að flestu leiti, nema veðurfarslegu.

Okkur vantar sárlega Kalíforníu veður.

[Birgir Loftsson, 22.10.2022 kl. 23:26]

Góð grein.