2. getraun Fornleifs

 

Nú er Fornleifur kominn aftur heim úr stuttu, fræðilegu ferðalagi, og þá er við hæfi að hafa nýja getraun fyrir lesendur bloggsins - og þessi er létt.

Hvaða fornminjar eru hér á myndinni undir plasti og bak við skothelt gler og girðingu?

Eins og í fyrstu getraun Fornleifs er æskilegt að fræði- og vísindamenn með sérþekkingu á gleri og plasti haldi sig fyrir utan keppnina, enda eru engin verðlaun í boði nema heiðurinn. Fornleifafræðingar eru velkomnir til að spreyta sig, ef þeir eru búnir að uppgötva tölvuna.

Gátan er leyst

Kristján Sveinsson, einnig kallaður Ja Langur, og Sigurður Vigfússon Ljón, tveir mjög fornir karakterar leystu hana. Svona munu svo glerbúrin utan um Jelling steinana líta út, ef allt gengur að óskum arkitektanna sem teiknuðu kassana. Loft og hitastig inni í glerbúrinu verða alltaf rétt og á loftkerfið að varna því að meira kvarnist úr steininum en gerst hefur á síðari árum. Glerið varnar því svo að vitleysingar og fávitar skemmi þessar merku fornleifar Dana, sem þeir eru allir með betri mynd af í vegabréfum sínum en af sjálfum sér.

Ljóshærðar konur, börn og þjóðararfur Dana í búrum, getur þetta orðið fallegra?

Athugasemdir

[FORNLEIFUR, 31.10.2011 kl. 11:08]

Ég get upplýst að ég tók myndina í síðustu viku.

[Jón Steinar Ragnarsson, 31.10.2011 kl. 11:31]

Ekki grænan grun, en það sem vekur athygli er að þetta stendur ofanjarðar og á sléttlendi og raskið er nánast ekkert. Það er eins og steinhellurnar séu ny lagðar þarna. 

Þarna er maður að kíkja inn í kassa sem lítur út fyrir að vera ofn, en hitt apparatið er einhverskonar maskína, svo þetta er ekki mjög fornt. Allavega first impression.

Er þetta í Austur Evrópu?  Eitthvað með helförina kannski? Skothelda glerið gæti gefið það til kynna.

[Jón Steinar Ragnarsson, 31.10.2011 kl. 11:33]

Allavega lítur þetta út fyrir að vera einhverskonar minnisvarði.  Í honum eru hlutir tengdir helförinni, giska ég á.

[Vilhjálmur Örn Vilhjálmsson, 31.10.2011 kl. 12:02]

Jón Steinar, Fornleifur hefur sagt mér að hann hafi lítinn áhuga á gyðinga- og holokaustfornleifafræði.

[Vilhjálmur Örn Vilhjálmsson, 31.10.2011 kl. 12:04]

- en hann veit svo sem ekkert í sinn haus.

[Vilhjálmur Eyþórsson, 31.10.2011 kl. 12:04]

Gæti verið rúnasteinn undir plastinu.

[Vilhjálmur Örn Vilhjálmsson, 31.10.2011 kl. 12:15]

Spyrðu mig eða Fornleif, Vilhjálmur?

[Kristján Sveinsson (IP-tala skráð) 31.10.2011 kl. 12:16]

Mun þetta vel varða fyrirbæri vera á Jalangri?

[Jón Steinar Ragnarsson, 31.10.2011 kl. 12:23]

Við nánari athugun sé ég að þetta er í einhverskonar lystigarði (park).  Ekki nógu mikið á að byggja hérna. I give up.

[Rauða Ljónið, 31.10.2011 kl. 13:12]

Eru þetta ekki rúnarsteinarnir  bautaseinar sem voru skemmdir með málingu í vor ? Jótlandi.
KV. Sigurjón

[FORNLEIFUR, 31.10.2011 kl. 14:36]

Sæll Kristján, Ja Langur, Jalangur rétt er það, eða réttu nafni Jelling. Kristján Eldjárn datt í hug að kalla staðinn Jalangur. Ég myndi hafa kallað hann Hjallangur.

Kristján Sveinsson verður að deila heiðrinum með Sigurjóni Ljóni, því þetta eru einmitt steinarnir í Jelling sem einhver kjáni krotaði á með grænu lakki fyrr í ár. Þjóðararfur Dana og heimsminjar. Líklegast verðum við að setja Þingvelli í skotheldan sumarbústað áður en langt um líður.

Þetta gekk fljótt fyrir sig. Menn eru greinilega mjög fornir hér í dag.

[Sigurður Þór Guðjónsson, 31.10.2011 kl. 23:08]

Aukagetraun: Hvaða maður norðan Alpafjalla er manna fornastur í skapi?

[Jón Steinar Ragnarsson, 1.11.2011 kl. 09:35]

Sigurður Þór Guðjónsson?