Nú árið er liðið í aldanna skaut

Kveikið ekki í ykkur í kvöld, þó þið séuð í spreng. Þessi mynd er til að minna á fyrstu flugeldasýninguna á Íslandi, sem komst í erlenda fjölmiðla árið 1874 (sjá hér). Nú árið er liðið eftir séra Valdimar Briem var hins vegar ekki ort fyrr en árið 1886, en það er ekki eins mikið fútt í því. Nú eyði ég ekki í ykkur meira púðri. Gleðilegt og giftusamlegt 2014.

Athugasemdir

[FORNLEIFUR, 31.12.2013 kl. 21:15]

Eins og hinn fornlundaði forsætisráðherra okkar sagði í áramótaræðu sinni, þar sem hann vitnar í grein í fyrsta hefti af Fjölni, sem loks náði heim til hans rétt fyrir jól:

"Þótt við Íslendingar séum sannarlega ekki fjölmenn þjóð, eigum við okkur glæsta sögu sem við leyfum okkur að vera stolt af".

En gleymum ekki að sú saga er bara hluti af sögu annarra þjóða og glæsileiki annarra smitar oft út frá sér, þannig að þeir "litlu" og utanveltu fá líka af því upphefð. Það er óþarfi að vera með minnimáttarkennd og tala í hástert um menningu sína sem eitthvað yfirburðardæmi um leið og maður sker hana niður fjárhagslega.

Við erum eftir að sjá hvort orð Sigmundar eru nokkurs virði eða hvort ráðning óhæfrar manneskju í deildastjórastöðu fornuskrifstofu forsætisráðuneytisins er eftir að skila nokkru öðru en þóttafullri yfirlýsingagleði og eiginhagsmunapoti fyrir fólk sem lítið hefur skilað af sér í hinum fornum fræðum.