Íslensk steinöld

1. mars árið 2008 varaði maðurinn á bak við Fornleif við hruninu - á sinn hátt. Hann sótti varnaðarorðin í söguna. Enginn las svo sem blogg hans þá, enda hefur þessi faðir Fornleifs ekki hundsvit á fjármálum eða óhóflegri eyðslu. Greinin hefði vart geta komið í veg fyrir hrunið. Hér eru nokkrar glettur úr greininni:

"Í mars árið 1924 tóku Íslendingar á það ráð að setja á innflutningsbann og hömlur á ýmsar "óþarfar" vörutegundir. Menn höfðu á Alþingi lengi verið ósáttir við hve óstöðugt gengi krónunnar hafði verið í bönkum landsins. Eitthvað varð að gerast. Gengi krónunnar var meira að segja hækkað!

Ég kannast ekki við áhrif þessa innflutningsbanns og eins árs gengishækkunar, enda kom þessi "kreppa" ekki niður á mér. Hins vegar bárust fréttir um allan heim af þessum ráðstöfunum Íslendinga.

Blað nokkuð í New York, The Knickerbocker Press í Albany, þótti þessi ákvörðun Alþingis mjög merkilegt og skrifuðu menn þar á bæ heila opnu um hana og Íslendinga undir yfirskriftinni Back to Primitive Caveman Life, og undirfyrirsögnin var:

"Isolated People of Iceland Decide to Prohibit Importation of Effete Modern Luxuries, to Scramble, Robinson Crusoe Fashion, for Existence the Next Two Years as Did Their Eearly Ancestors".

Upphafsorð greinarinnar voru t.d. þessi:

"A hardy, resourceful race, the Icelanders believe their rocky, ice crusted island will produce everything they need in the way of clothing, food, shelter, warmth and even amusement. - ICELAND, with her hundred thousand population, her telepohones and telegraph wires, and all the other trappings of modern civilzation, is about to go back to the primitive life."

Þetta var hin undarlegasta grein og myndirnar og teikningarnar, sem voru með greininni, voru sér í lagi merkilegar. Dæmi um það sést hér að ofan.

Öll þau ár sem ég hef komið í mínar heimsóknir til Íslands, og þau rúm þrjú ár sem ég bjó á Íslandi. 1993-96, hefur mér blöskrað kaupæði Íslendinga og hirðuleysi um eigur sínar og eyðsluþörf þeirra og flottræfilshátt. Mér hefur alltaf verið ljóst, að þessar kenndir koma til af minnimáttarkennd.

Eitt sinn kom ég á bóndabæ í Borgarfirði. Þar átti bóndinn risastóra skemmu, fulla af ónytsömum "leikföngum" sínum mótordrifnum, og þvíumlíku. Helmingurinn var reyndar í lamasessi og hafði líkast til þess vegna verið hent út í þessa risastóru skemmu. Inni hjá bónda í eldhúsinu, þar sem mér var boðið í kaffi með samstarfsmanni mínum, var hins vegar allt frekar hrörlegt.

Ég hef ekkert á móti kapítalisma, enda tel ég að ofeyðsla og ofneysla séu ekki samferðar"konur" kapítalismans. Hins vegar er óheft ofurneysla og loftkastalabygging eins og sést á Íslandi dæmi um að menn geta orðið fórnarlömb kapítalismans.

Er ekki kominn tími til að rifa seglin? Annars er ég hræddur um að ástandið á Íslandi verði eins og á teikningunni af Íslendingum í Knickerbockers Press árið 1924, nema að því leyti að enginn verður báturinn sem siglir að landi með varning."

Síðar árið 2008, þegar bankahrunið var staðreynd, skrifaði ég annan pistil, svona til að minna á að ég, engu síður en Jón Baldvin Hannibalsson, vissi að þetta myndi gerast. Sjá hér. 

Nú, þegar fjármálagatið er farið að minnka miðað við það heljarhol sem opnaðist vegna óhóflegrar eyðslu Íslendinga og glæpastarfsemi íslenskra bankamanna og sumra stjórnmálamanna fram til 2008, eru hin harðgerða þjóð farin að heimta að peningarnir séu notaðir hér og nú. Ein best stæða stéttin í landinu heimtar meira en allar aðrir, því hún telur sig vera hina útvöldu stétt, meðan borgarstjórinn í Reykjavík sem er óvirkur læknir, segir nokkrum hræðum í tónmenntakennarastétt að þeir setji fjármál borgarinnar á hausinn með því að biðja um mannsæmandi laun. Heyrt hef ég skárri feilnótur.

Og svo er greinilegt, að meira en 1% þjóðarinnar enn í annarlegu ástandi eftir hrunið. Sumt fólk vill eyða öllu, og það strax! Það er auðvitað hinn sanni íslenski hugsunarháttur sem hentar í þjóðfélögum á steinaldarstigi. Maður nokkur sem örugglega kemst í annálana fyrir orðbragð sitt, líkti í fréttum Sjónvarps núverandi ríkisstjórn við "gest sem kæmi í partí og skiti á gólfið" (sem var víst samlíking við kosningasvik, þótt langsótt megi teljast). Þegar gestinum væri bent á, að það væri ekki við hæfi, "ældi hann yfir skítinn og pissaði bara líka". Hvernig yrði samlíkingin þegar kosningasvikum fyrri ríkisstjórnar væri lýst úr fjármálagatinu á andlitinu á manninum sem Ríkissjónvarpið lét lýsa landsmálunum og óskum þeirra þjóðfélagsþegna sem hamast á girðingum fyrir framan Alþingi meðan fyrrverandi Kani og Alþingismaður glottir við tönn?

Spurningin er, hvort sumir Íslendingar séu yfirleitt komnir af steinaldarsiginu? Aðhald hjá þjóð, sem lítið á, er fyrri öllu. Eyðslan sem Íslendingar vilja út í, er ekki það sem menn vildu setja bann við árið 1924. Innflutningsbannið árið 1924 var fyrst og fremst hugsað til að ærslast á jafnréttiskafla Sambandslaganna, sem gerði Dönum mögulegt að versla á Íslandi jafnfætis Íslendingum. - Nei, hinn nýi hugsunarháttur ofureyðslu og ofurneyslu sendir menn á fumstæðara stig græðgi og gerir sumt fólk að kúnnum hjá ríkinu með andlegt atgervi á kúk-og-piss stigi.

Það er að mínu mati ekki langt í að íslenskir sálfræðingar og geðlæknar fari líka að heimta sér hærri laun - og jafnvel ráðherrar og borgastjórinn í Reykjavík. Það er ekki að spyrja af steinaldarmönnum. Þeir vonast líklega enn eftir því að ESB borgi brúsann, en vakna á hverjum morgni upp við vondan draum. Og þegar þeir athuga, hvort evran er komin í veskið, finna þeir aðeins íslenskar kúkakrónur og skítaaura, sem þeir vilja eyða sem fyrst í velling eða flatskerm, allt eftir efnum, en sumir um efni fram.

Fornleifur er nú ekki mikill listaverkasafnari. Hann keypti þessar 100 evrur á nokkrar evrur hér um árið í Berlín. Líklegast er málverkið falsað að mati Óla forvarðar. Er ekki íslenskur svipur yfir þessum ketti? Svipur þess sem keypt hefur allt of dýru verði.

Athugasemdir

[Húsari. (IP-tala skráð) 5.11.2014 kl. 12:09]

Sæll Fornleifur.

Sárt ertu leikinn, er sveinstauli nokkur hefur gert
hallarbyltingu eftir að þú brást þér í langþráð sumarleyfi
til Suðurhafseyja.

Ertu hvorttveggja í senn sakaður um 'leti' og að vera einhvers konar
strengjabrúða eða handbendi þessa afvegaleidda og útspekúleraða
vandræðagemsa.

Fornleifur á samúð mína alla í hrunadansi þessum og ofsóknum
og hef ég þegar í mótmælaskyni kallað inntil mín 3 íbúðir
af hendi Íbúðalánasjóðs og verða þær betrekktar í hólf og gólf
með flennistórum myndum af Fornleifi og gagnmerkum greinum 
hans m.a. um Sæmund Hólm en einhver durgurinn hafði uppi
efasemdir um að yfireldglæringameistari í formi Fornleifs færi þar
að öllu með rétt mál.

Hvað þarf til svo að Fornleifur njóti sannmælis?
Þarf hann virkilega að fara í þær aðgerðir að henda einhverjum
þingmanni útí sjó og bjarga honum síðan og hljóta af því lof og
prís með heimsstyrjaldarletri í öllum fréttablöðum landsins?

[FORNLEIFUR, 5.11.2014 kl. 12:44]

Ekki hafa áhyggjur af mér Hússari. Ég hélt að hússarar væri glaðir, samanber "the gay Hussar", en greinilegt er að biturleiki og einsemd er til á meðal þeirra líka. ... En hvernig nær maður svo í þingmann til að henda honum í sjóinn?

[Húsari. (IP-tala skráð) 5.11.2014 kl. 13:23]

Sæll Fornleifur.

Á ungversku hásléttunni þekkist hvorki vol, víl né væl
og þar eru menn viðbúnir að þjóna keisara og konungi
Ungara, Franz Jósef I og arftökum hans til næstu þúsund ára.

Veit ekki betur en það sé vandi einstakra þingmanna að
fara níður á kæjann og því hægt um vik til garpskapar!

[FORNLEIFUR, 5.11.2014 kl. 13:44]

Hetjudáð Ungverja er mér ekki að skapi og eigi heldur Austurrískir keisarar. Afturhaldsamara lið hefur vart verið til.