Til hamingju með daginn, Þórhildur

Hans hátign Fornleifur leyfir sér að óska þjóðhöfðingjanum í Danmörku til hamingju á áttræðisafmælinu í dag.

M. Þórhildur Regina í Danmörku er eins konar kollega okkar fornleifafræðinga, þó hún sé aðeins með pungapróf í greininni. Hún getur samt kallað sig grafhund - alveg eins og flestir íslenskir fornleifafræðingar - sem vitaskuld eru líka flestir hálfgerðar drottningar eða algjörar.

Einhver spyr vafalaust, af hverju ég óskaði ekki Vigdísi til hamingju. Í því felst engin karlremba. Ég óska einfaldlega aldrei fyrrverandi og kosnum þjóðhöfðingjum til hamingju. Þeirra tími er liðinn. Ég sá þó mér til ánægju að feitir sjóðir á Íslandi, en fyrst og fremst í Danmörku, létu nokkur hundruð milljóna í sjóð í nafni Viggu og Þórhildar, svo að ungt vísindafólk gæti litið nánar til loftslags og umhverfis. Peningarnir fara sem sagt einnig til rannsókna á nútímatrúarbrögðum. Af þeim peningum mun fljótt veðrast mikill aur og áður en menn og drottningar vita, verða þeir foknir út í veður og vind. Ástæðulaust að óska nokkrum manni til hamingju með það.

Myndin efst var tekin þegar Þórhildur fékk sér reykpásu yfir víkingi á Borgundarhólmi er hún var yngri. Þórhildur er því greinilega í áhættuhópnum margumrædda. Margrét tók þátt í rannsókninni á Borgundarhólmi löngu áður en Vigdís endurtók allt með Geirharði af Votey á RÚV ... forðum.

Athugasemdir

[Ragnhildur Kolka, 16.4.2020 kl. 16:56]

Tek undir með þér og óska Þórhildi drottningu til hamingju með afmælið. Vil i leiðinni benda á að nú fljóta kenningar um veraldarvefinn að reykingar beri vørn gegn Kinaveirunni. Svo Þórhildur kemur liklega út á núlli. 

[Ingibjörg Ingadóttir (IP-tala skráð) 16.4.2020 kl. 16:58]

Sæll. Það var ekki Gerard Lemarquis, sem vsr með Vigdísi í þáttunum, enda var sá ekki fluttur hingað til lands. Það var allt annar maður með sama skírnarnafn, en á honum veit ég engin deili.

[FORNLEIFUR, 16.4.2020 kl. 17:23]

Þakka þér fyrir Ingibjörg. Ég les aðeins um kóngafólk og markgreifa í dönsku blöðunum þegar ég fer til tannlæknis. Gerard heinar Viggu hét að því er mig minnir Vautey og var mjög greifalegur. Fyrst hann er bara peð tek ég tignina af honum nú þegar svo engin frekari mannavilt verði.

[FORNLEIFUR, 16.4.2020 kl. 17:25]

Ragnhildur, það er tóm tjara.

[FORNLEIFUR, 16.4.2020 kl. 17:27]

Ingibjörg, kannski var nafnið Votey ellegar Vothey.