Illa að aftökum staðið - ja hérna

Morgunblaðið hefur boðið lesendum sínum miður skemmtileg skrif meðan að COVID hefur geisað. Ábyrgur er ungur ritstjóri sem ritar sem ólmur væri um nasista og heri þeirra. Blaðamaðurinn var ekki alls fyrir löngu ráðinn fréttastjóri stafrænna frétta. Fyrir utan að stýra stafrænum fréttum með myndabrag birtir Morgunblaðið/hann sjálfur ógrynnin öll af greinum eftir hann/sig um síðari heimsstyrjöld og sér í lagi um heri Þriðja ríkisins.

Kannski er enn mikill áhugi á Þýskalandi Hitlers á Íslandi, þótt hann sé vonandi annars eðlis en hann var á liðinni öld.

Nú síðast kom út grein um Nürnbergþréttarhöldin eftir hinn unga fréttastjóra, og vonast maður þá til þess að sagnfræðilegar greinar ritstjórans, sem er með íslenskt stjórnmálafræðipróf upp á vasann fari nú að fækka.

Inngangsorð greinarinnar um Nürnberg-réttarhöldin í Morgunblaðinu í dag eru þessi:

Alþjóðaher­dóm­stóll­inn kom sam­an í rúst­um Nürn­berg í Þýskalandi 20. nóv­em­ber 1945 hvar réttað var yfir þeim lyk­il­mönn­um Þriðja rík­is­ins sem enn voru á lífi. Dóm­ar voru kveðnir upp 1. októ­ber 1946. Af þeim 22 sem sótt­ir voru til saka voru 12 dæmd­ir til heng­ing­ar, sjö til fang­els­is­vist­ar, ævi­langt og niður í 10 ár, og þrír voru sýknaðir. Þeir sem sáu um heng­ing­arn­ar til­heyrðu sér­stakri af­töku­sveit inn­an Banda­ríkja­hers. Ýmis­legt þykir þó benda til þess að illa hafi verið að af­tök­un­um staðið og má að lík­ind­um kenna van­kunn­áttu böðuls­ins um. Jarðnesk­ar leif­ar hinna dæmdu voru svo flutt­ar á brott með mik­illi leynd.

Í greininni í Morgunblaðinu í dag er kafli sem ber fyrirsögnina:

"Klúðurs­leg vinnu­brögð skiluðu margra mín­útna pynt­ingu"

Alls endis sögulaus fréttastjóri netfrétta Morgunblaðsins telur greinilega að réttameðvitund nútímans hafi átt við árið 1946.

Morð á 6 milljónum gyðinga sem skipulagt var í þaula af þeim sem fengu "klúðurslega margra mínútna pyntingu", urðu til þess að við höfum í dag alþjóðasáttmála til að koma í veg fyrir grimmdarverk eins og þau sem framkvæmd voru og skipulögð af þeim sem voru  "klúðurslega pyntaðir". 

Er réttarmeðvitund ungs íslensks stjórnmálafræðins virkilega á því stigi, að hann hafi áhyggjur af því hvernig þeir, sem báru ábyrgð á dauða milljóna manna í síðara heimsstríði, voru hengdir?

Miðað við alla þá sem nasistar hengdu á ýmsan hátt, jafnvel upp á kjötkróka, svo ekki sé talað um alla þá sem teknir voru af lífi með gasi, barsmíðum, kúlnaregni osfr, þá virkar það sem andlega snubbótt meðaumkun með fjöldamorðingjum, að íslenskur fjölmiðill a 20. öld sé að velta fyrir sér að "illa hafi verið að aftökunum staðið" á helstu böðlum 20. aldarinnar.

Einnig talar höfundur greinarinnar um, að þeir sem dæmdir voru í Nürnberg hafi unnið hermdarverk. Með orðinu hermdarverk er fyrst og fremst átt við skemmdarverk og hryðjuverk.

Jú, mikið þarf nú að ganga yfir mann og skil ég nú betur að lögreglustjórar Íslands og saksóknarar hafi aldrei fengist til að lögsækja fólk sem gerst hefur sekt um t.d. gyðingahatur og helfararafneitun. Það voru víst aðeins meira en hermdarverk (sabotage) sem nasistasvínin voru hengd fyrir - og því miður allt of fá þeirra.

Það eina klúðurslega var, að ekki voru hengd eða skotin fleiri illmenni nasista og meðreiðarsveina þeirra frá fjölda landa Evrópu.

Síðustu orð eins böðulsins rangfærð í Morgunblaðinu

Aðalböðullin í Hollandi, Austurríkismaðurinn Arthur Seyss-Inquart lét þessi orð falla áður en hann var hengdur:

"Dauðadómur með hengingu ... jú, í ljósi alls ástandsins, bjóst ég ekki við neinu öðru. Það er allt í lagi".

Þessari setningu greinir fréttastjóri netfrétta Morgunblaðsins lesendum ekki frá, en velur hins vegar að gefa okkur aðra setningu sem höfð hefur verið eftir Arth­ur Seyss-Inquart en sem er kolröng og tengist það vankunnáttu bandarískra sagnfræðinga á þýsku. Netfréttastjórinn heldur því fram, að Seyss-Inquart hafi sagt „Ég vona að þess­ar aftök­ur séu síðasti harm­leik­ur seinni heims­styrj­ald­ar og að lær­dóm­ur styrj­ald­ar­inn­ar verði sá að ríkja verður friður og skiln­ing­ur á milli manna. Ég trúi á Þýska­land.“

Þetta er rangt eftir haft hjá netfréttastjóranum. Eftirfarandi klausa er hins vegar það sem sem Seyss-Inquart sagði í raun og veru:

Og nú skulda ég væntanlega aðra yfirlýsingu um afstöðu mína til Adolfs Hitler. Þegar hann sá mælikvarðann á alla hluti eingöngu í sjálfum sér, sannaði hann þar með að hann var ófær um að gegna afgerandi verkefni fyrir þýsku þjóðina, já jafnvel fyrir Evrópu? Ellegar var hann maður sem, til einskis, með óskiljanlegu óhófi barðist gegn straumi óhjákvæmilegra örlaga?

Fyrir mér er hann [Hitler] enn maðurinn sem gerði Stór-Þýskaland að staðreynd í sögu Þýskalands. Ég hef þjónað þessum manni. Og nú? Ég get ekki hrópað í dag „krossfestið hann“ vegna þess að ég hrópaði „Hósanna“ í gær. Að lokum vil ég þakka verjendum mínum fyrir þá umhyggju og varúð sem hann hefur sýnt mér til varnar. Síðusta orð mín eru sú meginregla sem ég hef alltaf gengið út frá og verð áfram trúr til síðasta andartaks míns: „Ég trúi á Þýskaland.“ (Sjá hér).

Morgunblaðið verður að gera betur!

Athugasemdir

[Gunnar Heiðarsson, 27.2.2021 kl. 11:34]

Það er sorglegt hvernig hægt og rólega er verið að snúa sögunni á hvolf. Þar eru alþjóðlegir fjölmiðlar duglegi, svo sem youtube og fleiri.

Inn í lógóriðma þeirra virðist vera búið að skrifa forgang á myndbönd og fréttir sem efast um gerðir bandamanna en upphefja öxulveldið og reyna að réttlæta það óréttlætanlega.

Því miður eru fátækar sálir sem trúa bullinu og eru fréttamenn ekki undanskildir þeim hóp.

[Daníel Sigurðsson, 27.2.2021 kl. 14:49]

Það er auðvitað rétt hjá þér Fornleifur að mikilveigt sé að fara rétt með sögulegar staðreyndir.

Mér sýnist hins vegar að þér skjátlist þegar þú segir að efitirfarandi sé rangt eftir haft hjá netfréttastjóranum :

'Ég vona að þess­ar aftök­ur séu síðasti harm­leik­ur seinni heims­styrj­ald­ar og að lær­dóm­ur styrj­ald­ar­inn­ar verði sá að ríkja verður friður og skiln­ing­ur á milli manna. Ég trúi á Þýska­land.'

Þú heldur því fram að það tengist vankunnáttu bandarískra sagnfræðinga á þýsku. 

Þetta er einhver misskilningur hjá þér.

Hér kemur þýski textinn sem ég fann eftir nokkra lei og er hann að finna í fleiri en eini ábyggilegri heimild.  Þar sem ég hef fullt vald á þýsku get ég staðfest að þýðing netfréttastjórans yfir á íslensku er rétt:

 ‘Ich hoffe, daß diese Hinrichtung der letzte Akt der Tragödie des Zweiten Weltkrieges und eine Lehre sein wird, so daß Frieden und Verständnis zwischen den Völkern herrschen werden ...'

Ich glaube an Deutschland!’

 Ekki þarf annað en gúgla þessa setningu þá poppa upp hinir ýmsu miðlar.

 Þú segir:

‘Þetta er rangt eftir haft hjá netfréttastjóranum. Eftirfarandi klausa er hins vegar það sem sem Seyss-Inquart sagði í raun og veru:’         

 Og þú vísar á link með orðunum (Sjá hér).

Þar birtist langur pistil sem Seyss-Inquart segir undir það síðast við sjalf réttarhsöldin ekki við sjálfa aftökuna sem er allt annar handleggur.

[Ásgeir Maack (IP-tala skráð) 27.2.2021 kl. 23:43]

"Sex milljónir Gyðinga myrtir á skipulagðan hátt ..." á ekki við nein rök að styðjast. Tala látinna Gyðinga er mun lægri og markmið nasista var ekki útrýming Gyðinga, heldur brottrekstur þeirra frá Evrópu. Sex milljóna talan er hluti af áróðri Gyðinga/zíonista fyrir samúð og kemur fyrst fram 1914 (jafvel fyrr, á 19. öldinni). 6 milljóna talan var síðan tekin upp í stríðsáróður bolsevika og bandamanna gegn Þýskalandi, enda þurftu/þurfa þeir þá ekki að réttlæta stríðsglæpi sína gegn Þjóðverjum, nauðganir, fjöldamorð, landtöku. Jafnvel sagnfræðingar Gyðinga viðurkenna þessa staðreynd. Ég réttlæti ekki ódæðisverk þjóðverja og bandamanna, en hafa skal það sem sannara reynist. Sjá t.d. https://m.youtube.com/watch?v=7O2q3hrsHhI

[FORNLEIFUR, 28.2.2021 kl. 09:16]

Rugl Ásgeirs Maacks er ekki svara vert, en minna ber á að þó að nokkrir alþingismenn hafi stungið upp á að helfararafneitun verði  refsiverð, þá er hún það þegar. Helfararafneitun er gyðingahatur. Íslensk yfirvöld hafa hins vegar aldrei fengist til að lögsækja fólk sem ber gyðingahatur á torg. Slík vömm er vondur dómur yfir íslensku réttarfari.

[FORNLEIFUR, 28.2.2021 kl. 09:26]

Daníel Sigurðsson, ég rengdi aldrei þýskukunnáttu ritsjórans á Morgunblaðinu líkt og þú virðist halda. Ekkert er til skjalfest frá 1946 um síðustu orð Seyss Inquarts fyrir aftöku. Þessi orð eru orðin fleyg á Wikipediu og ýmsum síðum sem dýrkar stórnasista. Orðin, sem netfréttastjórinn valdi í stað staðfestrar yfirlýsingar frá réttarhöldunum, eru oftast tengd við hrafl sem sálfræðingurinn Gustave Mark Gilbert á að haf hripað hjá sér er hann vann við réttarhöldin. Hann gaf þau út í bók sem út kom 1947 og í breyttum útgáfum 1948, 1961 og 1995: 
Seyss-Inquart, in a quiet voice, said: "I hope this execution will be the last act in the tragedy of a second world war and that its lessons will be learned, so that peace and understanding will follow." Then he shouted: "I believe in Germany."

Þessi setning í bók Gilberts hefur því miður ekki varðveist í dagbók G.M. Gilberts frá 1946. Gilbert var heldur ekki viðstaddur aftökurnar og þessi setning hans er frá öðrum manni komin, þ.e. blaðamanninum Howard Kingsbury Smith. Gilbert birti orð úr frétt Kingsbury Smith, án þess að hafa sjálfur verið viðstaddur aftökurnar. Hér geta áhugasamir lesið lýsingu Kingsbury Smiths http://law2.umkc.edu/faculty/projects/ftrials/nuremberg/NurembergNews10_16_46.html

Mér þykir hins vegar áhugaverðast að greinahöfundurinn Kristján Jóhannessen, sem virðist vera mjög fróður og sér í lagi áhugasamur um sögu stórnasista og að miðla henni til lesenda Morgunblaðsins, hafi valið setningu sem ekki er hægt að staðfesta með skjölum eða upptöku í stað skjalfestrar undirritaðrar yfirlýsingar Seyss-Inquarts sem hann kom með á róandi lyfjum við aftöku sína. Það er ekki góð sagnfræði.

[FORNLEIFUR, 28.2.2021 kl. 09:50]

Gunnar Heiðarsson, þakka þér innlitið. Hinn gífurlegi áhugi ákveðinnar manngerðar til að dýrka böðla og jafnvel illmenni sem hetjur er líklega áhugavert rannsóknarefni fyrir sálfræðinga og aðra félagsvísindamenn. Ég tel öruggt að slíkar stúdíur séu þegar til og get líklega litlu bætt við þær. Samnefnari fyrir þetta fólk eru tilburðir við að rengja söguna og segja hana lygi, uppspuna og "fake news" og sumir gera þetta í ófyrirleitum pólitískum tilgangi. Bandaríkjamenn eru sem betur fer nýbúnir að hafna manni með slík samsærisheilkenni.

Við sjáum slíka tilburði jafnvel hjá hálærðum mönnum sem fengið hafa tebolla með sykurmola á kennarastofunni í Oxford, sem tína til smáatriðavillur í bókum um íslenska kommúnista. Með slíkum sparðatíningi er sífellt reynt að líkja kommúnistum við glæpamenn nasista, í von um að fólk trúi því að allt í bókum um t.d. sárasaklausa íslenska sveitakomma  sé lygi. Sams konar fólk, sem sífellt stendur í samanburði á kommum og nasistum kemur svo fram á ráðstefnum erlendis sem hvetur til sögufölsunar í Eistlandi, Lettlandi og Litháen. Sjá t.d. hér https://defendinghistory.com/holocaust-obfuscation-show/67054 . Láttu mig þekkja þá, kauðana!

[Ásgeir Maack (IP-tala skráð) 28.2.2021 kl. 11:31]

Doktor Fornleifur sýnir öngstrætið sem Gyðingar eru komnir í með hatursáróður sinn gegn Þýskalandi (og Evrópu); öll gagnrýni á útgáfu Gyðinga af sögu Seinni heimsstyrjaldar er "gyðingahatur" og "helfararafneitun" og ætti að vera refsiverð, punktur og basta. Doktorinn er jú sjálfur á launum við það að útskýra fyrir Íslendingum (og heimsbyggðinni) að þeir séu gyðingahatarar. Þessi stanslausi undirróður lyga, þar sem gagnrýnin hugsun er úthrópuð sem gyðingahatur, getur ekki annað en skapað Gyðingum óvild og andúð, eitt skiptið enn! Doktorinn daðrar einnig við vörn fyrir marxisma, enda hugmyndafræði runnin úr ranni Gyðinga. Marxisminn var einn af aðalleikurum í aðdraganda styrjaldarinnar og hörmungunum sem urðu í Evrópu, fyrir, í, og eftir stríðið. þar drógu margir gyðingar vagninn og draga enn. Ég er hræddur um að doktor Fornleifur dæmi sig úr leik í sagnfræði Seinni heimsstyrjaldar, ætti etv. að halda sig við fornleifar íslenskar. Eða var hann dæmdur úr leik á því sviði (af dómstólum) og brottrækur ger?

[FORNLEIFUR, 28.2.2021 kl. 16:39]

Ja, og var einhver að segja að gyðingahatur væri ekkert til á Íslandi og maðurinn segir að það sé gyðingum sjálfum að kenna. Ég harma þetta fyrir hönd Maack-fjölskyldunnar.