Undur og stórmerki: Tekanna úr gullskipinu margfræga er frá 19. öld

Tekanna ein í Skógasafni undir Eyjafjöllum hefur verið tengd við Gullskipið, skip sem íslenska drengi dreymir mjög vota drauma um.

Sagan segir að kannan sé hugsanlega úr Het Wapen van Amsterdam (sem safnið kallar Waben van Amsterdam). Kannan er greinilega undir kínverskum áhrifum og ef til vill japönskum, en hún er glerjuð eins og breskt Luster-ware. Það framleiddu hvorki Kínverjar né Japanar á 17. öld. Næsta víst taldi ég að kanna þessi gæti ekki verið frá 17. öld.

Merki Alloa-verksmiðjunnar á könnunni í Skógasafni. Undir gyðjunni stendur W&JAB sem stendur fyrir W. & Joseph A. Bailey. Bailey keypti verksmiðjuna árið 1856.

Eftir 1. klassa skemmti- og lærdómsferð til norðurhluta Englands og Skotlands er hausinn á mér sannast sagna fullur af lausnum á stílfræðilegum vandamálum sem Þjóðminjasafnið hefur aldrei getað leyst, þrátt fyrir mikinn fjölda vísra hreingerningakvenna sem þar vinna i meira mæli en sérfræðingar - að ljósmyndaranum ólöstuðum, sem ég tel helsta sérfræðing safnsins þó hann gagni ekki í hvítum slopp með hvíta hanska eins og sumir "sérfræðingar" safnsins.

Skógasafn upplýsir á Sarpi (sjá hér), að safnið hafið leitað til Þjóðminjasafns til að fá upplýsingar um tekönnuna:

"Leirkanna, brún. Skrautmynstruð. Er sporöskjulaga, 14x14 cm, hæð 9 cm. Loklaus, stútbrotin og hornabrotin. Framleiðslumerki á botni, kona sem heldur uppi vasa og blómi. Neðan við letur. Leitað var hjálpar í Þjóðminjasafni við greiningu. Safnið sendi út myndir en án árangurs. Óljós sögn tengir könnuna Índíafarinu Het Waben van Amsterdam frá 1667".

Er frá Alloa i Clackmannanshire milli Edinborgar og Stirling

Leirtaus- og glergerðarverksmiðjurnar í Alloa.

En blessuð tekannan er örugglega framleidd af fyrirtækinu Alloa sem fékk nafn sitt eftir samnefndum bæ í Clackmannanshire á síðari hluta 19. aldar. Hér fyrir neðan má sjá framleiðslumerki á annarri könnu frá þeirri verksmiðju. Frekari upplýsingar um fyrirtækið má finna hér og hér. Ekki myndi það undra mig, ef kannan brúna hefði verið seld í versluninni Edinborg í Reykjavík.

Athugasemdir

[Jón Steinar Ragnarsson, 2.8.2022 kl. 08:39]

Ef maður smellir á hausinn hjá Scottish pottery society, þá birtast tvær raðir af myndum. Lengst til hægri í efri röð er kanna sem svipar mjög til þessarar, flöt að ofan með fínlegu blómamynstri. Ef þetta er Alloa kanna, þá gæti hann gefið hugmynd um framleiðsluár. Þetta blómamynstur hlýtur að benda á afmarkaðan tíma undir einhverjum hinna mörgu eigenda.

Annars er þetta enn eitt dæmið um rannsóknarleti þjóðminjasafnsins. Þar telja menn óhætt að giska út í loftið, því þar sem enginn virðist vita betur er líklegt að enginn nuddi þeim uppúr þvælunni. Svo koma snillar eins og þú og gera akkúrat það. 

[Ragnhildur Kolka, 2.8.2022 kl. 10:10]

Nei, sloppar gera menn hvorki að læknum eða minjafræðingu. en það er alveg hægt að vera í hvítum slopp á tölvunámskeiði í grunnþjálfun í netnotkun. 

[FORNLEIFUR, 2.8.2022 kl. 13:50]

Jón Ragnar: https://www.scottishpotterysociety.org.uk/alloa-pottery/alloa-gallery/