Hallað á Katrínu

Ég óska nýjum forseta til hamingju með sigurinn í forsetakjörinu. Hana kaus ég þó ekki, og hefði aldrei kosið.

Mér fannst hallað óeðlilega á minn mann, hana Katrínu, í þessum kosningum. Orðræðan gegn henni var á stundum yfirgengileg. Forsetakjör á Íslandi hefur nú orðið fengið á sig hálfamerískan brag.

Kjafturinn og áróðurssnakkið gegn Katrínu meðal sumra aðdáenda Höllu Tómasar, en helst þó í liði Höllu Hrundar, var yfirgengilegt. Helst mátti halda að einhver óeðlis-Trumpur væri í innsta kjarna íslensku þjóðarinnar. Maður hefur svo sem séð hann.

Almennt þykir mér ljóst, að flestir þeirra sem fóru fram í þetta framboð, hafa aldrei tekið sér tíma til að lesa starfslýsingu embættisins. Mig grunar einnig, að nýkosinn forseti muni reyna að snúa embættinu upp í eitthvað Kana-fyrirbæri. En það verður örugglega ekki þolað af meirihluta þjóðarinnar. Forseti Íslands er EKKI embætti sem hægt er að nota að vild og plotta með.

Nú verður gaman að sjá, hvort ógeðstvískinnungurinn í samtökum þeim (The B Team) sem Halla T. hefur unnið fyrir, verði boðaður frá Bessastöðum. Mun Halla T. krefjast stríðs við Rússa, svo nýríka og "betra" fólkið geti fengið glás af ódýru Litíum í rafbílana sína og þannig brunað inn í Skammtímaútópíu sína? Slík Kanaherferð mun að mínu mati skapa miklu stærri B, C, D, E, og F Teams en nokkru sinni áður. 

Mikið vill Meira, mun væntanlega standa yfir dyrum á Bessastöðum næstu fjögur árin og helst sem neonskilti. En þið kusuð það yfir ykkur, kjánaprikin ykkar. Myndin efst er þegar Halla forseti varð bakkalárus í MONTGOMERY Alabam forðum, þegar hún var ekki framkvæmdastjóri knattspyrnuliðs (Soccer-mom), en þau afköst virðast vera afar illa undirbyggð, enda skipta þau ekki rassgats máli fyrir forseta íslenska lýðveldisins, þó þeirri stöðu hafi verið skellt á afrekaskrána. 

Athugasemdir

[FORNLEIFUR, 2.6.2024 kl. 11:10]

Sjá fleiri upplýsingar á FB Vilhjálms Arnar Vilhjálmssonar 2. júní 2024.