Forsetinn ekki í Auschwitz... hvör asskotinn

10.2.2025 | 12:40

1533949 FORSETINN

Bráðlega, eða jafnvel fyrir 19. febrúar næstkomandi, mun embætti forseta Íslands þurfa að svara furðulegu erindi Umboðsmanns Alþingis dagsettu 4. febrúar 2025.

Umboðsmann, og ónafngreindan skjólstæðing hans fýsir að vita, hvernig landið liggur hvað varðar ferðir forsetans í janúar 2025. Vitaskuld gæti verið annar aðili á ferðinni, en leifar íhaldsins eða fréttastofa RÚV (Bogasalur), sem óskað hafi eftir þessari furðulegu íkeyrslu í embætti Forseta Íslands. Það verður líklega aldrei upplýst.

Mér þykir þessi beiðni, sem Umboðsmaður hefur sent, frekar furðuleg. Beiðnin er sett fram í meðallitlu landi á hjara veraldar, þar sem lítið sem ekkert hefur verið gert til að minnast Helfararinnar (sem gyðingar kalla Shoah).

Um vöntun á viðleitni til þessa að fræða Íslendinga um Helförina hef ég skrifað hnitmiðaða grein sem út hefur komið á ensku og frönsku  ; Sú síðari fyrir fagurkera með marglitan klút um hálsinn (Répétez Gérard). Eins og menn sjá við lestur greinar minnar, þykir mér vissulega furðulegur þessi skyndilegi áhugi á Helförinni og það líklega að hálfu fjölmiðils, þar sem í áraraðir og kannski sér í lagi nú, hafa starfað fréttamenn sem ekki þekkja alþjóðlega samþykkta skilgreiningu á þjóðarmorði.

Almennt og nærri algjört áhugaleysi Íslendinga á Helförinni tók ég einnig fyrir í þessari fræðigrein, sem í hnotskurn fjallar um skoðanir þjóðar sem oft telur sig vera samkundu frábærra ofvita.

Nú, er blessað fólkið á RÚV, sem margt tilheyrir hinum fávísu ofvitum Íslands, vill grennslast fyrir um af hverju forsetinn mætti ekki í Auschwitz, er eina skýringin/tilgátan sem ég hef sú, að Forsetanum sé eins og flestum Íslendingum meira eða minna sama um Helförina, vegna þess áratuga áhugaleysis og glapa sem ég lýsi í áðurnefndum greinum mínum. Forsetinn er bara dæmigerður Íslendingur, í braski einn daginn og heilagur hinn daginn.

Kannski er ekki að furða, að fréttamenn RÚV í dag séu líka frábærir ofvitar líkt og margir forvera þeirra í starfi.

Kata og Kofoed konungur

Nú, "skjótum ref okkar fyrir rass". Utanríkisráðherrann, þessi með kúlurnar, mætti þó í Auschwitz í stað sér æðri kvenmanna.

Kannski ber samt til öryggis að senda umboðsmanni erindi til að spyrja, af hverju ráðherra, sem hefur ásakað Ísraelsþjóðina um þjóðarmorð (sjá hér) sé gestur á minningarathöfn um helförina. 

Þorgerður Katrín var menntamálaráðherra á tímabilinu 2003-2009, sem var sá tími sem Menntamálaráðuneyti trassaði vísvitandi fræðslu um gyðingamorð Evrópumanna. Eftir fund Evrópuráðsins, sem bar titilinn "Teaching about the Holocaust and Artistic Creation,” og sem haldinn var í Strasbourg 17.-19. október  árið 2002, gerði embættismaður úr Utanríkisráðuneytinu sem setið hafði fundinn í Strasbourg ekkert til að efla vitund og þekkingu á Helförinni, sem þátttakendur lofuðu að gera, og svaraði með þótta þegar hún var spurð um vinnu sína í þessum málaflokki að hún teldi enga ástæðu til að gera neitt vegna framkomu Ísraelsmanna við Palestínuaraba. Þess ber að geta að embættismaðurinn var dóttir svæsins nasista (og guðfræðings). 

Menntamálaráðherrann fyrrverandi, sem sækir svo Auschwitz heim í ár, gerði heldur akkúrat ekkert til að efla fræðsluna, þau ár sem hún sat á ráðherrastóli. Hún telur kannski eðlilegt að hún heimsæki Auschwitz og pússi gloríu sína? 

Hér má svo lesa hvernig hún lýsir þjóðarmorði á Gaza og í Kryddsíldinni um áramótin. Í Áramótakryddsíldinni var hún enn á því að dýpra skuli tekið í árinni, sbr. þegar Ísraelsmenn eru sakaðir um að stunda þjóðarmorð, þó utanríkisráðherrann hljóti að vita að Ísraelsmenn séu að reyna að stöðva áætlanir Hamas um að fremja þjóðarmorð á Ísraelsmönnum og gyðingum "hvar sem þá er að finna", svo notuð sé slitin mantra Hamas og annarra hryðjuverkasamtaka. Þau áform sín hafa Hamas stundað í skjóli stofnanna SÞ, sem tekið hafa þátt í að fela gísla Hamas, hryðjuverkasamtaka sem SÞ vinna með. Þorgerður Katrín, sem tók þátt í athöfninni í Auschwitz, telur heillavænlegra fyrir Ísland að styðja UNWRA, samtök sem hefur samvinnu við Hamas. Þorgerður Katrín er tilbúin að trúa UNWRA sem í áratugi hefur unnið með með hryðjuverkamönnum, en lýsir frati á upplýsingar Ísraelsríkis .

Nýlega skar Þorgerður Katrín eilítið af meinhorni sínu, þegar hún sagði þetta við Moggann.

„Það er ör­uggt að fram­in hafa verið al­var­leg brot á alþjóðalög­um – jafn­vel það sem okk­ur er tamt að tala um sem þjóðarmorð, en úr því fæst ekki end­an­lega skorið nema fyr­ir alþjóðadóm­stól­um. Ég veit að ís­lensku þjóðinni ofbýður þetta ástand – og það sama á við um mig“.

Í litlu landi, þar sem nasistar voru gerðir að lögreglustjórum, flugumferðastjóra, og bankastjóra, hitaveitustjóra etc. svo sumt sé nefnt, er vitaskuld margs að minnast, en því miður gleymist flest mjög fljótt á Íslandi - og yfir öðru er þagað. Íslendingar eru nefnilega besta þjóð í heimi - eða alla vega sú næstbesta. Aðeins gyðingar eru betri (þetta síðasta var auðvitað írónía (sem ranglega er þýtt yfir á íslensku sem háð eða kaldhæðni, vegna þess að klassíska grísku er ekki lengur hægt að læra í skólum landsins) og rugla menn því við sarcasma, sem íslendingar þýða einnig með orðinu kaldhæðni, hæðni og jafnvel illkvittni, en vissulega á góðri stundu með orðum eins og meinhæðni, sem bent gæti til þess að Íslendingar eigi erfitt með sarcasma.

Fullsannað þykir, að Íslendingar eigi, vegna erfðagalla ættuðum úr Noregi, mjög erfitt með að skilja íróniu og sarcasma, m.a. vegna þess að báðar þjóðir halda, að þær séu langbestu og réttsýnust þjóðir heims. Eitthvað af genagallanum er vissulega einnig ættað frá Írlandi, stórframleiðanda af þessum stílvopnum, en Írar taka henni ekki vel, er þeir verða fyrir henni sjálfir.

Forseti Íslands getur bara farið til Auschwitz á næsta ári. Það er engin ástæða að gera umboðsmannsmál úr þessu.

Kofoed konungur

Fyrrnefndur flugmálastjóri, sem um tíma var skráður sem nasisti.


mbl.is Umboðsmaður vill upplýsingar um dagskrá Höllu
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Bloggar | Breytt 11.2.2025 kl. 17:45 | Slóð | | Athugasemdir (0)

The Treaty Trump flushed out at Mar a Lago

29.1.2025 | 15:00

475545285_10234166101484635_4463766065795799996_nI bet Donald Trump flushed this contract preparation from 1916 and the treaty between USA and Denmark from January 1917 out at the famous archival WC in Mar a Lago.

See the genuine documents her.

Trump obviously thinks Denmark has lost all proofs after he fluSShed evvvveryting into the Mexic..., sorreeey the Great American Gulf, and most likely into the Atlantic Ocean, now simply called Donald Trump´s Mare.

Trump underestimates Europe. Thanks for the documents to Senior Research Archivist Steen Andersen at the Danish National Archives (Rigsarkivet) in Copenhagen, Denmark. And "No, Not in Stockholm, Mr. President", like a Danish member of an American Think Tank told you. There is a copy in Sweden and Norway, where it is also strictly forbidden to do research while pooping.

Screenshot 2025-01-29 at 15-47-57 ap23160668523595.webp (WEBP Image 1240 × 1088 pixels) — Scaled (59%)


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Bloggar | Breytt s.d. kl. 16:54 | Slóð | | Athugasemdir (0)

Brennisteinsfjöll í Fornleifssafni

11.1.2025 | 12:50

315284 bFyrir rúmlega 200 árum síðan létu menn sig ekki dreyma um Teslur og álíka skammtímagaman. Úkraína var ekki til og forfeður Trumps ráku hóruhús í Þýskalandi. Velbúinn hestvagn var ekki á allra færi og lestir og gufuskip voru enn draumsýn.

Þá var uppi prestur, mótmælendatrúar, Gottlieb Tobias Wilhelm að nafni. Wilhelm (1758-1811) gladdist með Guði sínum yfir náttúrunni og visku, sem hann leitaði að og miðlaði af jöfnum höndum. Á árunum 1792-1812 kom út í heimabæ hans, Augsburg, ritsafnið Unterhaltungen aus der Naturgeschichte. Wilhelm var kominn af prenturum, og var faðir hans koparstungumeistari.

Wilhelm var stórtækur og alls komu út 25 bindi af ritsafninu. Enn er er hægt að rekast á það á góðum fornbókasölum, en það gerist æ sjaldnar, því á 20 öld rifu menn oft úr úreldu ritsafninu myndirnar, römmuðu þær inn og hengdu upp á veggi sína.

Wilhelm vissi ýmislegt, gagnstætt æðimörgum í dag, um okkar litla land í norðri. Rit hans minnti örlítið á annað alfræðirit fyrir heldri mann börn, sem lásu upplýsinguna og voru óhjákvæmilega greindari en maður einn, harla ómerkilegur, sem í dag telur sig stjórna heiminum; Einnig greindari þeim sem vilja aka vögnum á batteríum, fullum af grunnefni sem brátt er upp urið, ef ekki verður hægt að granda Rússlandi.

Það var ritröð Friedrichs Johanns Berduchs (1747-1822). Hann var bókaútgefandi í Weimar, Árið 1895 hóf hann handa við að gefa út mikla ritröð, sem var ætlað heldri manna börnum til fræðslu og uppbyggingar. Verkið bar heitið Bilderbuch für Kinder: enthaltend eine angenehme Sammlung von Thieren, Pflanzen, Früchten, Mineralien  etc., og kom verkið út í 12 bindum frá 1795 til 1830.

Ég hef áður skrifað um þá útgáfu, þar sem myndin hér fyrir neðan af eldgosum á Íslandi birtist. Það er eins gott að Trump forseti sé ekki í bókaútgáfu, því það myndi leiða til ómerkilegra bæklinga um alsælugræðgi, klof kvenna, tæknina við að kalla hótanir samningatækni og annarrar óþarfa salernislesningar.

Heiminum fer því miður ekki alltaf fram.bertuch_vol_4_3b B


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Bloggar | Breytt 14.1.2025 kl. 14:25 | Slóð | | Athugasemdir (0)

Trömp er lentur - næst kaupir hann Ísland

7.1.2025 | 19:04

Screenshot 2025-01-07 at 18-56-34 Dømt hashsmugler blev ansigt på Trumps Grønlands-planer 'Virker mildest talt en smule uheldigt' Udland DR

Áður en Trump er sestur í forsetastólinn, sendir hann son sinn einn ógætinn til Grænlands. Slík vinnubrögð og þjófstart í embætti, sýnir að þjófur er aftur á leið inn í Hvíta Grenið í Washington DC. Grænlendingar, sem ráða sinni framtíð, þótt Meðaljensar og Önnukönnur Danmerkur haldi annað, vita fyrst nú ekki hvaðan á þá stendur veðrið. 

Má maður leggja til, að þeir handtaki Trump jr. og fangelsi hann eins og Watson hvalræðismann. Ógeðfell bandarísk móðgun við sjálfræðisrétt Grænlendinga, ætti að gefa lengri tíma í steininum en varðhaldið á Greenpeace-jólasveininum gaf.

Íslenska ástandið gengur aftur á móti ekki eins vel og það grænlenska. Búið er að rífa flesta saggabraggana þar sem verstöðvarhórmang hefði getað farið fram. Hótelin í Rekavík eru einfaldlega of dýr fyrir vændi. Meðan að þrjár íslenskar stjórnmálakonur reyna fyrir alla muni að koma Íslandi í ESB, biðlar Trump til Grænlands. Ástandið í ESB-Danmörku er svo aumt, að einhver hluti danskra rugludalla dreymir um meiri stærð og betri tíma fyrir söluhagnaðinn af Grænlandi.

Svo illa vildi til að bandarískir blaðamenn náðu tali af dæmdum grænlenskum hassinnflytjenda, sem sem hefur öll horn í síðu Dana fyrir dóma sem hafa veitt honum vist í steininum. Kanar vissu ekki hver kauði, var og kynntu hann sem einhvern meðaljón á Grænlandi (sjá hér) Ef eiturpésanum verður að ósk sinni kynnist hann fljótlega fangelsiskerfi BNA.Screenshot 2025-01-07 at 17-42-43 Dømt hashsmugler blev ansigt på Trumps Grønlands-planer 'Virker mildest talt en smule uheldigt' Udland DR Eiturpésinn grænlenski, sem ólmur vill verða Kani, er orðinn einn helsti sérfræðingur BNA um málefni Grænlands.

Danir, sem margir hverjir vilja selja Grænland, svo þeir geti greitt fyrir að ljúka stríðinu við Rússa sem margir Danir tóku einnig þátt í á 20. öld. Nú skal barist til þess eins að komast yfir lithium-námur í Síberíu. Þannig munu Danir geta ekið Teslum sínum í ca. 14 ár og svo ýtt þeim áfram út í óvissuna.

Marga Grænlandsvini grunar, að danski utanríkisráðherrann Lykke-Lars sé upphafssölumaður hugmyndarinnar um að selja Trumpi Grænland. Hann er, eins og fróðastir menn vita líklegast, atvinnu-tímaflakkari, enda kominn undan hinni sannspáu íslensku Vulvu, sem Danir taka enn mikið mark á. 

Screenshot 2025-01-07 at 18-49-25 FacebookFig. 2. Lars Løkke á ferðinni á þríhjóli sínu í Kaupmannahöfn á sjötugsafmæli Kristjáns X haustið 1940. Løkke hafði þá hálfpartinn selt Þjóðverjum Danmörku og reyndi að losa sig við og Grænland líka. Nú reynir hann aftur. Sjá hér frá fyrri tilraun lille Lars

Trumpurinn telur sig vita, að undir íshellu Grænlands séu þó nokkrar byrgðir af lífselexír Eiríks Rauða og Leifs Heppna. Elexírinn er pikkfrosinn í litlum ljósgrænum bergkrystalsflöskum. Trump lifir einnig í voninni um að finna geimskip það sem hann las um í Supermann hasarblaði árið 1961. Geimskipið liggur á 21 metra dýpi í Grænlandsjökli, skv áreiðanlegu Superman-blaði er það í námunda við grænu flöskurnar sem inniheldur brúnan elexír.

superman_in_nuuk_by_erikurraudi_dix0jbt

Mikill vill jafnan meira. Trump sækist eftir geimskipinu, svo hann hann geti lagt drög að því að senda alheimsráðherra sinn, Muskuskálfinn El-On, út fyrir öll mörk til að bjóða furðuverum og smástyrnisbúum besta verðið fyrir plághnetur þeirra sem sumar hverjar eru úr hreinu lithíummi. 

What a wonderfuld Jord, jeah.


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Utanríkismál/alþjóðamál | Breytt 10.1.2025 kl. 15:27 | Slóð | | Athugasemdir (0)

Does Denmark really run on Principles?

8.12.2024 | 16:03

dobbeltmoral

Last week, Denmark had the honour of being the host for Abdel Fattha al Sissi, the president of Egypt. Nearly a week before the president´s plane arrived i Copenhagen´s international airport in Kastrup, some members of the Danish parliament, hardly spoke about anything except the Egyptian.

According to a series of political parties, mainly on the left, al Sissi is a dictator and even a mass murderer. The most righteous among righteous in Denmark (and they are many) didn´t welcome the official invite of the president. According to the righteous, among the people, who have welcomed Yasser Arafat, Nicolae Ceausescu and other notorious criminals, al Sissi is even worse - while any stop-over of an Israeli prime-minister is the worst possible scenario for little Denmark.

Anyone, who has studied Danish history of the last 200 year, or even further back, will quickly see that Danes, possibly due to the population size are not followers of great principles. The Danish recipe of invite much rather follows the principal, that if the visitor is economically important for Denmark, he is welcome. Guests, who can provide oil and resources, get to shake the hands of Danish Queens and Kings, and are ever so welcome, while leaders of e.g. "roage states" like Israel, which under attack from most of its neighbours cannot pay the Kingdom of Denmark a visit unless being apprehended by a Danish foreign minister, himself with his principles in tatters.

Now, when former warriors, like ex-al Quaeda terrorist Abu Mohammad al-Jolani (Golani), real name Ahmad al Sharaa, aka Hassan Abdul Ghany (see an anaysis of the 42 year old terrorist here) have invaded Damascus, they are welcomed by the very same Danish politicians, who want to keep al Sisi away from righteous Denmark and put Netanyahu on trial for genocide. We are proably more likely to see terrorist Ahmad al Sharaa on a state visit in Copenhagen, than any leader from Israel.

The Danish school system, being as bad as it really is (according to international monitoring agencies), hasn´t managed to get it through the thick Danish sculls, what the international definition of genocide is, a definition which btw is ratified by Denmark. 

ISIS members have never ratified any Genocide-declaration and nothing has really changed in the dictatorship of Syria with Assad gone. All the factions of that land will continue to hate Jews - and blame everything on the Jews, like they have done since the marking of Jews began in Damascus. Don´t think for a moment that the Germans invented that habit.


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Þjóðarmorð | Breytt 5.1.2025 kl. 03:13 | Slóð | | Athugasemdir (2)

Heitt á könnunni ...

6.12.2024 | 15:52

Filtropa IJsland b

Áhyggjulaus æska mín byggði að mestu leyti á verulegri vinnu föður míns sem m.a. ávannst af óhóflegri kaffidrykkju og nýjungargirni Íslendinga. Ég segi frá því með stolti, að ég var sonur heildsala, sem vinstri menn á Íslandi sögðu fólki eins og mér að skammast mín fyrir að vera. Faðir minn var reyndar krati.

Faðir minn flutti inn ýmsan nautnavarning, þar með talið Willem 3. vindlinga. Hann hafði sjálfur ekki gott af að reykja þá og var heldur aldrei mikill reykingamaður. Hann hætti þeim ósið alfarið um fertugt. En mikið þótti langömmu minni, Guðrúnu Ólafsdóttur, varið í að fá kassa með Vilhjálmsvindlum um jólin. Hún andaðist 96 ára og reykti frá því að hún var barn. Dánarmein hennar var ekki tengt keðjureykingum hennar.

Langafi minn einn var kaupmaður í Utrecht og um skeið í Zaandam. Hann sérhæfði sig í nautnavöru svo sem tei og kryddi. Faðir minn flutti inn mikið af kryddi og um tíma flutti hann inn hollenskt kaffi sem var í allt öðrum gæðaflokki og betra en Ríó, Braga eða sori sá sem kallaðist Rydens. Douwe Egberts kaffið var líklega of gott fyrir bragðlauka Íslendinga - en einstaka smekkmenn söknuðu þess sárt er faðir minn hætti innflutningi á því kaffi.

Það hótaði þó engin honum fyrir það uppátæki, líkt og dýralæknir einn á Suðurland gerði, er faðir minn hætti innflutningi á munaðarvöru sem kallast Weinkraut, sem er súrkál, en bara betra en venjulegt súrkál.

Filtropa KaffisiurHér skal hins vegar kynnt til sögunnar bylting sem varð í uppáhellingum Íslendinga á kaffi á 7. áratug 20. aldar, er faðir minn hóf innflutning á einnota Filtropa pappírsuppáhellingarpokum (holl. Koffiefilterzakjes) og kaffisíum til slíkra uppáhellinga. 

Íslendingar tóku þessa nýjung fjálglega til sín og voru það fyrst tvö fyrirtæki í Hollandi sem framleiddu kaffisíupoka, þ.e. Melitta og Filtropa. Filtropa seldist miklu betur á Íslandi en Melitta á þeim árum.

Enn er verið að framleiða Filtropa, eftir að systkini af hollenskum ættum down under keyptu fyrir nokkrum árum verksmiðjuna í Maastrticht, sem stofnsett var árið 1962, og eru enn að verma Melittu undir uggum. Ég fór eitt sinn ungur með föður mínum til Maastricht til að skoða þessa verksmiðju en heillaðist lítt.

Ég tók virkan þátt í þessu kaffisíuævintýri föður míns. Ég tók einatt á móti pöntunum frá verslunum um allt land og var sérfræðingur í mismunandi stærðum og gerðum. Sömuleiðis fór ég með föður mínum á tollaskjalavapp á milli embætta í Reykjavík, sótti svo vöruna í pakkhús Eimskips með Hallgrími sendibílstjóra (frænda Ólafs Ragnars Grímssonar) og merkti kassa mismunandi kaupfélögum áður en flutningabílar fóru með þá um land allt, nærri því beint ofan í bollann þinn.

Bústýrur landsins köstuðu brátt sokkasíum sínum og bláu kaffikönnurnar fóru upp í skáp eða á öskuhauginn. Nútíminn var loks riðinn í hlað alveg innst inn í dýpstu afdali og krummaskuð landsins. Þar vildu menn ekkert annað en Filtropa. En amma mín, hún Sigríður Bertha á Hringbrautinni í Reykjavík, hélt hins vegar áfram rígfast í gömlu kaffisíuna - jafnvel í 10 ár eftir að tengdasonur hennar kom þessari byltingu fyrir alvöru inn í eldhús landsmanna.

Þess ber að geta, að faðir minn drakk sjálfur helst ekki kaffi. Hann var tekarl.

Ég fór sjálfur, þegar ég komst á kaffialdurinn, fljótlega yfir í pressukönnuna og jafnvel Neskaffið, meðan að aðrir fóru yfir í ítalskar vítisvélar sem pumpa og gutla öllum andskotanum upp úr sér þegar maður ýtir á takka.

Nú er svo komið að pappírspokarnir hollensku eru nær algjörlega að víkja fyrir ítölsku vítisvélunum og pressukönnunum, svo ekki sé minnst á Nespresso-leikföng ástarlífsins sem leikarinn George Clooney lokkaði konur til að óska sér í jólagjöf með sexappíli sínu einu að vopni, svo filters eða bindiyndis var þörf á öðru stöðum en á heitri konunni ... if you know what I mean:.

Filtropa posi frá velmektarárum Heildverslunarinnar Amsterdam.

Filtropa Plastpokar b


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Bloggar | Breytt 8.12.2024 kl. 08:27 | Slóð | | Athugasemdir (0)

Gömlu fötin foreldra formanns Viðreisnar eða nýju fötin keisarans?

5.12.2024 | 15:45

Famiglia della KK

Það hefur vakið athygli atferlisfræðinga, að Þorgerður Katrín formaður Viðreisnar hélt eins konar tískusýningu hér um daginn. Eftir kosningar hefur hún margsinnis farið í föt af foreldrum sínum og grimmt stundað partí eftir að í ljós kom að þjóðin var búin að gleyma kúlulánunum sem nánasta fjölskylda hennar hagnaðist mjög á, og það meðan að aðrir kúlugráðugir Mörlandar fóru hundruðum saman á hausinn og urðu að flytja alla leið til Noregs til að hefja eðlilegt líf að nýju. 

Sumir hafa velt fyrir sér, að formaðurinn sé með þessum skærutískusýningum á endurnota fatnaði, sísona að gefa sig á vit góðra minninga, en aðrir benda á að hún sé "að reyna að sýnast alþýðlegri en hún er, jafnvel til að höfða til tveggja forkvenna flokka sem Viðreisn stígur nú í vænginn við".

Hvað varðar klæðaskipti Þ. Katrínar Miklu von Kúlu má nefna sem dæmi, að einn daginn var hún í máðu svínaleðurspilsi af móður sinni og annan dag var hún í gallabuxum af föður sínum - að sögn ritstjóra sérblaðs Morgunblaðsins Með nefið í hvers manns koppi. 

Glöggur líkamsmannfræðingur, sem sérhæfir sig í pólitískum látalátum, sá þó fljótlega, að formaður Viðreisnar sagði ósatt um buxurnar. Þorgerður er höfðinu hærri en meintir foreldrar hennar. Sést það vel á myndinni hér fyrir ofan. Annaðhvort hafa buxurnar af föður hennar verið lengdar af góðum pólitískum skraddara, ellegar hrjáir einhver erfðabreyting, jafnvel stökkbreyting, formann Viðreisnar, því hún er verulega hærri en báðir foreldrar hennar og systur. Slíkur risvöxtur sést sjaldan. Svínapilsið var þar af leiðandi mun lengra á móður hennar, þegar hún skartaði því forðum sem ritari flugmála í Flugturninum á flugvellinum sem formaðurinn vill fyrir alla muni flytja niður í brunahraun á Reykjanesi, jafnvel áður en hún smalar Íslendingum inn í ESB. 

Menn spyrja sig eðlilega: Hvaða hundsvit hefur Fornleifur nú á kventísku, nema kannski þjóðbúningum? Hann hefur aldrei brugðið sér í pils móður sinnar, þó hann viðurkenni að hafa gengið í Aquascutum-frakka af föður sínum hér um árið - og ljósblárri ísraelskri herskyrtu sem karl faðir hans flutti inn snemma á 7. áratugnum ásamt hvítum netnærfötum, sem heitfengir Íslendingar voru ólmir í.

Þessi einkennilega forntískusýning formanns Viðreisnar veldur mér þó minnstum áhyggjum. Svæsnar yfirlýsingar um að gyðingar í Ísrael hafi framið þjóðarmorð, líkt og þær sem formaður Viðrisnar setti fram í kosningabaráttunni eru lygilega stórar og geta valdið Íslandi miklum vanda. 

Ef Þorgerður Katrín myndar stjórn og þykist hafa innistæðu fyrir skoðun sinni, fer það vonandi með henni ... og þeim lítt þenkjandi kjósendum sem kusu hana yfir sig.  

Sjálfstæðisflokkurinn gerði sjálfum sér örugglega greiða að losa við Þórdísi Kolbrúnu Reykfjörð Gylfadóttur úr röðum sínum, sem margsinnis hefur mært Hamas með því að lýsa því yfir að það hafi verið framið þjóðarmorð á Gaza.

Mig grunar að Kolbrún Reykfjörð sé á leiðinni í Viðreisn. Mossad segir það að minnsta kosti í óspurðum fréttum.

Mad-dömur íslenskra nútímastjórnmála vita greinilega ekki, hver alþjóðleg skilgreining er á þjóðarmorði. Kannski ekki nema von, þegar félagsskapur eins og Amnesty International virðist ekki vita það heldur og styður morðsveitir Hamas dyggilega að vanda. 


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Bloggar | Breytt 5.1.2025 kl. 03:08 | Slóð | | Athugasemdir (0)

Vís orð Íslendinga (1)

29.11.2024 | 09:16

97CD2F5AF874FAC8002E6815A3EEC2CDB5DBF7853461BCE7FF2EDF3EDB7C4DBC_713x0

Glöggt er gests augað, en stundum getur einstaka Íslendingur séð hlutina í réttu ljósi.

Dr. Halldór Björn Runólfsson, fyrrverandi safnstjóri Listasafn Íslands og kennari minn í litasögu í MH á 8. áratug 20. aldar. Hin vísu orð hans féllu í viðtali 25. febrúar árið 2017 við visir.is. Margt annað gott kemur frá Halldóri í sömu grein.

Halldór Björn talar í viðtalinu um Trumpinn í Íslendingum. Ég hef séð marga hugsanlega ættingja Trumps á Íslandi, en hef ekki komið orðum eins vel að lýsingunni á þessu furðufólki og Halldór Björn Runólfsson gerði þegar árið 2017.

Við eigum engan hauk í horni í stjórnsýslunni. Við Íslendingar erum soldið fyrir að göslast bara áfram í þessum efnum og mér finnst stundum eins og það sé örlítill Trump í okkur þar sem við metum ekki menntun og færni að verðleikum. „I love the un­educated!“ sagði Trump og við eigum þetta soldið til,“ segir Halldór Björn og hlær við tilhugsunina.

Meistari Halldór heldur áfram og safnar ekki vinum með því að segja sannleikann:

„Það örlar enn á fordómum gagnvart menntun í listum og listfræðum. Sumir virðast enn halda að þetta snúist um fínar frúr og sjá fyrir sér Gissur gullrass og frú Rassmínu að reyna að draga hann á Wagner-sýningar en hann vill bara fara að spila við strákana í bakherberginu. Þessi ranghugmynd er föst í okkur sem er synd og þess vegna er ég alltaf að segja mönnum að listamenn, ekki síst myndlistarmenn, séu alls ekki fólk sem fellur í þessa kríteríu fordómanna. Þeir eru miklu nær handverkinu – fólki sem er inni á verkstæðum og vill sjá hlutina verða til. Þegar ég horfi á þessa flóru af listamönnum sé ég fólk sem vill nota hendurnar og skapa. Þetta vilja menn ekki skilja því ef það er ekki fiskur eða hrávara þá eru öll ljós slökkt óháð því hversu mikil verðmæti myndlistin skapar. ...“


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Bloggar | Breytt s.d. kl. 09:18 | Slóð | | Athugasemdir (0)

"Hvað ætli hann afi þinn segi, þegar hann sér myndina af þér"

17.11.2024 | 10:00

vovveryyoung

Gaman verður að sjá þessa myndabók og skoða, og jafnvel lesa. Þessi maður, Ólafur K. Magnússon, var á staðnum og tók fyrir löngu mynd af mér - þar sem ég "safnaði grjóti" með latínustílana mína í plastpoka í vinstri hendi, nýmættur í Sundahöfn ásamt nokkrum skólafélögum úr MH, til að rannsaka jarðfræðina. Löngu síðar ritaði ég um þessa myndatöku sem ég lenti í hjá Ól. K. Magg. Les hér.

Já, það er ykkar einlægur, sem þarna er með trefil um andlitið til að bólgrafin vit mín ofkældust ekki, í þýskum íþróttaskóm og anorak úr Vinnufatabúðinni. Það var vinstri síll á manni.

Þegar Ólafur var búinn að skjóta mig með myndavél sinni sagði hann glaðhlakkalega við mig, eins og hann héldi að hann þekkti mig: "Hvað ætli hann afi þinn segi þegar hann sér myndina af þér". Mig minnir, þó það sé kannski ekki alveg rétt eftir haft, að ég hafi svarað hinum hávaxna ljósmyndara einhvern vegin í þessum dúr: "Hann verður stoltur af mér kallinn".

Vegna þessarar listagóðu myndar Óla K. af mér í rannsóknarferð í Sundahöfn, fékk ég um tíma viðurnefnið borgarskæruliðinn.

Löngu síðar frétti ég að Óli K. Magg. hafi haldið að ég væri einhver úldinn ættarlaukur af húsi eiðsvarinna íhaldsmanna - eins af innstu koppum í búri Valhallar. En blessaður kallinn fór mannavillt.

Menn eiga það reyndar til að rangfeðra mig. Einhvern tíman mjög snemma á þessari öld kom sendiherrafrú með ættarnafnið Rafnar í skranverslun, sem selur bling og bijouteri í Kaupmannahöfn. Þar ræður ríkjum lítil og fínlega kona sem gengur undir ættarnafninu Hartogsohn. Frú Hartogsohn er gift dönskum sagnfræðingi, Bent Bludnikow, sem síðar gerðist lélegur blaðamaður. Ég álpaðist til að vinna með honum áður en hann gerðist ötulasti talsmaður Trumps í Danmörku.

Hann segir mér einhverju sinni frá því að kona hans hafi talað við sendiherrafrúna frá Íslandi. Frú Hartogsohn sagði sendiherrafrúnni, að hún þekkti mann frá Íslandi. Frú Rafnar sagðist þá þekkja mig vel, sór fyrir það og sárt við lagði, að hún þekkti íslenskan föður Vilhjálms Arnar Vilhjálmssonar; hann átti að vera heildsali. Ég hváði, en sá þá að þessi samstarfsmaður minn um skeið, Trumpistinn, steig ekki í vitið - og gerir það reyndar ekki enn.

Þessa arfvitlausu raðgreiningu sendiherrafrúarinnar heitinnar, í skranversluninni Palægade í kóngsins Kaupmannahöfn forðum, hefur verið mjög erfitt að má af sér. Taldi hún mig vera tengdan hraðskreiðum lögmanni einum á Íslandi, sem ekur um á skrítnum mótorhjólum, sem oft dvelur á Ítalíu og er sonur Vilhjálms Hans Vilhjálmssonar heildsala (d. 1999). Kannski er ekki að furða, að frú Rafnar ruglaðist í ríminu, enda var faðir minn, sem tók sér nafnið Vilhjálmur Vilhjálmsson, líka heildsali en ekki í heildversluninni "Hólmi", heldur í "Amsterdam".

Sínu verra var er útúrdrukknar konur hringdu með jöfnu millibili heim um miðjar nætur og vildu ná tali af Vilhjálmi Vilhjálmssyni söngvara, sem þær vildu tjá ást sína eða eitthvað annað safaríkara. Stundum brá ég mér í gervi söngvarans og söng fyrir þær einn af slögurum þessa ástsæla söngvara og nafna föður mín, áður en ég tók símann úr sambandi. Brjálaðar konur eru leiðinlegar.

Til gamans er hér mynd af föður mínum sumarið 1946, þegar hann var snúinn aftur frá feluför sinni til Fríslands, þangað sem hann var sendur 1942. Á Fríslandi bjó hann hjá fjórum mismunandi fjölskyldum - vegna uppruna síns, sem ekki var nógur Rassenrein fyrir Hollendinga þess tíma. Myndin er tekin við Friðarhöllina í den Haag, en faðir minn bjó enn í foreldrahúsum skammt þar frá.

6c


mbl.is Þessi maður var á staðnum
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Bloggar | Breytt 2.12.2024 kl. 23:06 | Slóð | | Athugasemdir (0)

Nú fer allt í hund og rófu

26.10.2024 | 16:59

20241026_122908

Í Covid-faraldrinum, nánar tiltekið árið 2022, rakst ég á kassa á skrankaupstefnunni e-Bay. Það var afar rammgerður kassi sem hinn merki maður Mark Watson hafði átt.

Watson, sem var guðfaðir íslenska fjárhundsins - eins og við þekkjum hann í dag, sýndi árið 1939 skyggnumyndirnar og hélt fyrirlestra í íslenska skálanum á New York World Fair í New York sumarið 1939. Tryggir lesendur Fornleifs geta lesið um það afrek hans og ástríður (hér) og skoðað myndasýningu hans (hér) í nýuppsetningu Fornleifs með tilheyrandi hetjutónum.

20241026_122931iceland_pavillion

Skjöldurinn á skála Íslands á sýningunni í New York var eins og framhlið medalíunnar sem búinn var til fyrir Ísland.

Sumir kannast kannski við medalíu þá sem gerð var í tilefni að þátttöku Íslands á sýningunni árið 1939, og enn aðrir kynnu að þekkja bók Watsons The Iceland Dog 874-1956: A Research on the Icelandic Sheepdog by Mark Watson, Wensum Kennels, Nicasio, California, 1956, en í henni greindi hann frá starfi sínu við að gera íslenska hundinn að fullgildum kynstofni á meðal geltandi bræðra um allan heim. 

Ég læt hér fylgja myndir af medalíunni, en bókina góðu getur hundafólkið hugsanlega fengið að láni á góðum, íslenskum bókasöfnum - ef þau hafa ekki verið spöruð til Heljar, svo að í staðinn sé hægt að senda græna sokka til Úkraínu.

Bókin sýnir þeim sem þetta skrifar, að Watson var fyrst og fremst glaður amatör, eins og það er stundum kallað. En stundum eigum við þeim meira að þakka en spangólandi skýjaglópum í fílabeinsturnum fjórða flokks háskóla eins og t.d. eru reknir  á Íslandi. 

Skoðið aftur ljósmyndasýningu Watsons i New York árið 1939 og geltið og urrið endilega í mig, ef þið hafið einhverju við að bæta, sem mætti upplýsast og bæta við vitneskjuna um hinn góða Watson.


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Bloggar | Slóð | | Athugasemdir (0)

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband