8. getraun Fornleifs

 

Nú verður aftur brugðið á leik og spurt um forna hluti og gulnaða.

Vissuð þið að getraunir setja í sumu fólki í gang sams konar ferli og hjá spilafíklum? Sel þetta ekki dýrara en ég keypti. Þess vegna er ég ekki með neinn vinning í þessari getraun, nema heiðurinn. Hann er ávallt sætur og eldist aldrei. Ég ætla ekki að leiða lesendur bloggsins út í neinar ógöngur.

Ykkur veikgeðja getraunafólki er hér með sýndur lítill bútur af málverki. Spurningarnar eru:

1) Á hverju heldur höndin á myndinni?

2) Hverjum tilheyrir höndin?

3) Á hvaða tíma var eigandi handarinnar uppi?

Athugasemdir

[Vilhjálmur Eyþórsson, 28.8.2013 kl. 20:31]

Þetta gæti verið hluti af málverki, trúlega frá 16. eða 17. öld. Kannski Marteinn Lúter með handrit af Nýja Testamentinu?

[FORNLEIFUR, 28.8.2013 kl. 21:12]

Jæja nafni. Ekki er það Lúter og ekki er það ritningin, sem er mun safaríkari en þetta sem á er haldið. Þú verður að gera upp við þig hvaða öld þú vilt.

[Vilhjálmur Eyþórsson, 28.8.2013 kl. 21:29]

Ég hallast að 16. öld. Varla er það Kóperníkus, en ég man ekki eftir fleiri sem lögðu fram merkileg skjöl á þeim tíma.

[FORNLEIFUR, 29.8.2013 kl. 04:52]

16. öldin er rétt. Það er ekki Kópernikus. En er þetta merkilegt skjal?

[Hallgrímur Hrafn Gíslason, 29.8.2013 kl. 08:35]

Höndin heldur á skreið, ( þurkuðum fiski.)

[FORNLEIFUR, 29.8.2013 kl. 10:52]

Vilhjálmur er forn og Hallgrímur hefur migið í saltan sjó. Þannig verða menn vísir.

Skreið var það heillin og frá 16. öld.

Þetta er elsta þekkta málverk af skreið, að því er ég best veit.

Ef menn vita hver heldur á skreiðinni eru menn snillingar á sjó og landi. En ég get vart ætlast til þess, og hvað úr hverju, eða þegar getraunin hefur verð í gangi í sólarhring, fer ég að segja frá málverkinu.

[FORNLEIFUR, 29.8.2013 kl. 12:20]

Þá er kominn pistill um skreiðina á málverkinu sem spurt var um: http://fornleifur.blog.is/blog/fornleifur/entry/1310691/