Toppstykkið fundið

Fyrir tveimur árum skrifaði ég um brot af litlum styttum sem sýna mittismjóar yngismeyjar, sem oft finnast í jörðu í Hollandi, og sem nær alltaf finnast brotnar og án þess að efri hlutinn finnist. Stytturnar hafa greinilega oftast brotnað um mittið, sem var heldur til mjótt.

Fyrir tæpu ári síðan sendi vinur minn í Amsterdam, Sebastiaan Ostkamp, mér mynd af toppstykki af einni mittismjórri. Hún fannst illa farin í bænum Enkhuizen. En forverðir gátu sett hana saman.

Það er ekki laust við að hún minni eilítið á ákveðna skeggjaða söngkonu með þennan drulluhýjung í andlitinu, og á það vel við að sýna hana á þessum degi, þegar Ísland gaular í Evrópukakófóníunni í Vín í kvöld.

Thank you very much, Sebastiaan Ostkamp.

Athugasemdir

[Kjartan (IP-tala skráð) 21.5.2015 kl. 07:54]

Best finnst mér lýsingarorrð þitt "kakafónía,,

Samt óskar maður íslendingum góðs gengis í kvöld.

[FORNLEIFUR, 21.5.2015 kl. 09:02]

Rétt ef víst að segja kakofónía, en sums staðar er víst líka skrifað kakafónía. Hugsanlega er það ekki sami hluturinn, en það hljómar að minnsta kosti álíka og þessi læti. Auðvitað vinnur Ísland í kvöld. Hvað það verður veit þó enginn. Kannski verðlaun fyrir besta kjólinn.

[Húsari. (IP-tala skráð) 21.5.2015 kl. 11:35]

Sæll Fornleifur.

Ekki verður annað sagt en Fornleifi
tekst vel upp í frumlegri framsetningu
sinni á kakófónískri gleðistund í Vín.

Það gerir hann ekki síður í þessari færslu hér að neðan:

http://omarragnarsson.blog.is/blog/omarragnarsson/entry/1750354/#comments

 

 

[FORNLEIFUR, 21.5.2015 kl. 12:37]

Svo kvað hinn glaði Húsari.