Ísland var fyrirmynd Indónesa, en þeir voru myrtir

Fyrir tveimur árum síðan rakst ég á ljósmynd sem sýndi svart á hvítu, að indónesískir kommúnistar í Súrabaya (höfuðborg Austur-Jövu) litu vonaraugum til friðsamlegra sambandslita Íslendinga árið 1944 í frelsisbaráttu sinni gegn nýlendustjórn Hollendinga.

Árið 1947 settu þeir upp veggspjald í borginni, þar sem þeir skýrðu á einfaldan hátt fyrir almenningi, hvað hafði gerst á Íslandi og hvernig menn gætu tekið sér það til fyrirmyndar. Árið 1949, eftir blóðuga bardaga við Hollendinga, var lýst yfir sjálfstæði Indónesíu - sem ávallt síðan hefur verið mjög valt og byggir fyrst á fremst á ógnarstjórn hers, heimstrúarbragðanna Íslam og ekki síst 200% spillingu og tvískinnungi valdastéttarinnar.

Það er ekki oft sem menn taka sér Ísland til fyrirmyndar. Manni hlýnar um hjartarætur á sjálfan 17. júní að frétta slíkt, og að kommúnistar hafi talað um Ísland í Indónesíu í stað þess að vitna í blóðuga byltingu eins og bókstafurinn gerir ráð fyrir.

Kommúnistaflokkur Indónesíu (PKI) var eitt sinn þriðji stærsti kommúnistaflokkur í heimi. Indónesískir íslamistar og innfædda valdastéttin í landinu litu PKI illum augum, því völd þeirra voru í hættu ef PKI fékk meiru að ráða. PKI var lengi í samstarfi við þjóðernisflokk Sukarnos. En svo kom að trúarofstækisflokkar náðu völdum í Indónesíu með hjálp rotinna afla í hernum. Árið 1965 hófust útrýmingar á kommúnistum og sósíalistum í Indónesíu undir stjórn einræðisherrans Suhartos, brjálæðings í herbúningi.

Að minnsta kosti 500.000 manna voru myrtar í útrýmingunum og það voru ekki bara kommúnistar sem urðu fyrir barðinu á herjum öfgastjórnarinnar. Fjöldi fólks, sem ekki hafði tilheyrt kommúnistaflokknum, var myrtur. Nóg var sums staðar fyrir fólk að benda á nágranna sinni sem þeim líkaði ekki við til að fá þá drepna.

Aðgerðirnar gegn kommúnistum voru vitaskuld studdar af helsta kommúnistabana heimsins, Bandaríkjunum. En árið 1995 þegar  Bandaríkjastjórn var loks ljóst hvað þeir höfðu stutt, lýsti CIA þessu yfir í skýrslu:

"In terms of the numbers killed the anti-PKI massacres in Indonesia rank as one of the worst mass murders of the 20th century...". 

Bandaríkin gerðu sér mjög seint grein fyrir því hve hættulegt afl Íslam er í höndum valdastétta í íslömskum löndum. Þess vegna er stórveldið ennþá að elta ólar við Rússa, eins og að þeir séu enn vondir kommúnistar í köldu stríð, en hafa vegna vanþekkingar ættarbjána og fávita sem vinna í State Department (Utanríkisþjónustunni) oft á tíðum aðstoðað þá öfgamenn í íslömskum ríkjum sem eru heimsfriðinum þyngstur fjötur um fót um þessar mundir.

Enn er fólk ofsótt með "kommúnistastimplinum" í Indónesíu, t.d. ef það tekur upp á því að gagnrýna eitt eða annað. Meðan Íslam er hið spillta afl landsins, sem hefur töglin og hagldirnar í herjum þessa stóra ríkis, verður ekki tekið heils hugar á fjöldamorðunum á 7. áratug 20. aldar. Morðin halda áfram. Kristnir eru ofsóttir, og hafa verið hálshöggnir af trylltum lýð sem ræðst á kirkjur og kristna. Íslam viðurkennir ekki mistök sín, þó svo að CIA hafi gert það. Því miður gera ekki allir Indónesar sér grein fyrir því að Íslam er vandinn en ekki CIA, sem því gerði öfgatrúarbrögð að meginafli þessa fjölmenna ríkis.

Eina samkunduhús gyðinga Djakarta sem eftir stóð var eyðilagt árið 2009 og samkunduhúsið í Surabaya var eyðilagt árið 2013. Síðustu gyðingarnir sem ættaðir voru frá Baghdad flýðu daginn eftir og búa nú í Ísrael. Nú, líkt og oft áður, eru kristnir ofsóttir og eins og í kommúnistahreinsununum 1965-68 eru það öfgamúslímar sem ráða ferðinni. ISIS hefur í sínum röðum liðsmenn frá Indónesíu og frekar stóran stuðningshóp í landinu sjálfu. Maðurinn með sveðjuna er Dayaki á þeim hluta Borneó sem tilheyrir Indonesíu. Hann heldur a afhöggnu höfði barns sem líklega er einnig múslími, og tilheyrði þjóðflokki Madúra sem fluttir voru til Borneó frá eyjunni Madúru. Líkt og múslímar berast á banaspjót í Miðausturlöndum eða í Reykjavík er heldur ekki friður meðal þeirra á Borneó. 

Athugasemdir

[FORNLEIFUR, 17.6.2016 kl. 22:54]

Myndin hér að ofan af manni með barnshöfuð og sveðju er frá Kalimantan á Borneo, sem tilheyrir Indónesíu. Kalimantan er 73% landsvæðis Borneóeyjar og hefur lengi verið hluti af Indónesíu/og hollensku nýlendunnar Indónesíu. Nafnleysingi kom hér inn á athugasemdakerfið og hélt því fram að myndin væri frá Borneó sem ekki væri Indónesía. Langsótt vitleysa hans og greinileg óhamingja vegna tilvistar gyðinga, sem hann eins og margir af sama sauðahúsi eru vanir að kenna um allt illt, varð m.a. til þess að hann fékk að njóta nafnleysis alveg fram í vefdauðann sinn. Fólk sem ekki þorir að skrifa undir fullu nafni, hefur ekki borgararéttindi á bloggi Fornleifs.

Dayakar á Borneó, sem sannarlega er hluti af Indónesíu, eru bæði kristnir og múslímar. Þeir réðust á Madúra sem fluttir voru frá eyjunni Madúra við Jövu og eru einnig múslímar. Hollendingar byrjuðu að flytja Madúra til Borneó árið 1905 og síðar í miklum mæli eftir 1930, en Dayakar sættu sig aldrei við þá og öfgafullt framferði þeirra.

Árásirnar á Madúrafólkið um aldamótin 2000 voru fyrst og fremst etnískar erjur, því Dayakar sem hjuggu Madúra voru fyrst og fremst múslímar líkt og Madúrar sjálfir. Átökin (Sambas-riots) voru mest eftir 2000 en ekki fyrir 20 árum síðan eins og nafnleysinginn hélt fram. Madúrar höfðu svo sem af og til nýtt sér hvaða tækifæri sem gafst til að fremja fjöldamorð á Dayökum. Indónesíski herinn  gerði lítið til að aðstoða Madúrana gegn Dayökum um síðustu aldamót, enda orðinn langþreyttur á deilu þessara hópa á milli, sem aðeins sýndu okkur eitt. Íslam á ekkert erindi þessum hluta heimsins frekar en kristni. Trúarbrögðunum var þröngvað upp á þá og allri illmennskunni með.

[FORNLEIFUR, 17.6.2016 kl. 23:06]

Lesið og sjáið:

http://www.pwtp.org/religious-persecution-and-hostility-on-the-rise-in-indonesia/

Ég hefði einnig getað sett ljótari myndir fyrir þá sem ekki trúa að þeirra menn í friðartrúnni Íslam geti gert flugu mein: http://www.barenakedislam.com/2013/06/17/indonesia-barack-hussein-obamas-boyhood-home-frees-muslim-terrorist-who-beheaded-3-christian-girls-simply-because-they-were-christians/