Mörg eru vandamál íslenskra lögreglumanna

Í siðareglum íslenskrar lögreglu má lesa þetta:

Starfsmenn lögreglu skulu ekki misnota eða nota með óviðeigandi hætti lögreglufatnað eða lögregluskilríki, hvorki í starfi sínu né utan þess. Sjá nánar 11.gr. reglugerðar um einkennisfatnað lögreglu

Þetta er kjarni þess máls sem nú er á allra vörum, þar sem "glysgjörn" lögreglukona hefur sett á sig þrenns konar fána úr rugluheimi öfga og þvælu. Hún hefur brotið lög og siðareglur og vanvirt einkennisbúning sinn. Mál hennar og það sem hún hefur látið eftir sér hafa um starfsfélaga sína er næg ástæða til að staldra við og rannsaka, hvort hugsanlega sé komið upp vandamál meðal lögreglumanna landsins.

En lesandi góður: Af hverju er hér mynd af íslenskum lögreglumanni, að afhenda dómsmálaráðherra Sádi Arabíu bók eftir sig. Meðan þessi dómsmálaráðherra Sádanna hefur verið við völd hefur dauðadómum í Sádi Arabíu fjölgað mjög; t.d. frá 60 árið 2010 í 150 árið 2015.

Myndir þú lesandi góður hafa samskipti við alþjóðasamtök, sem hefur fyrir stefnu að mismuna konum og sem telur samkynhneigða réttdræpa? Og hvað ef sömu samtökin ala á trúarbragðahatri og telja að fólk sem aðhyllist "ranga" grein höfuðtrúarbragða sem þessi Alþjóðasamtök kenna sig við séu villutrúarmenn? Ég gæti vel trúað því að fólk héldi sig sem lengst frá slíkum öfgum og örugglega flestir heilvita Íslendingar. Dómsmálaráðherra Sádi Arabíu eru í forsvari fyrir slíkum Alþjóðasamtökum.

Íslendingar, aftur á móti, vilja flestir bæta heiminn og styðja ekkert svo auvirðilegt sem hatur á minnihlutahópum og konum.

Íslendingar láta ekki konur lifa á þakklætinu einu og berjast grimmt gegn öflum sem láta þrælahald líðast eða kvenfyrirlitningu. Ég er þá að ræða ræða um öfl sem telja alla þá sem ekki fylgja harðri stefnu trúarbragða þeirra óvelkoma í heilögustu borg trúar þeirra.  Samtökin sem ég er búin að nefna hafa heimilisfang í slíkri borg.

En sumir eru tilbúnir að ganga erinda alþjóðasamtaka sem telur samkynhneigða réttdræpa. Þeir þiggja fé frá slíkum félagsskap, sem jafnan þrífst þar sem mikill auður hefur safnast og óréttlæti er mest í heiminum. Sumir eru tilbúnir að selja sig  slíkum félagsskap, en ekki Íslendingar. Nei, "Íslendingar hafa hlutverki að gegna á meðal þjóðanna" og halda sig frá vondum félagsskap. Yfirvöld í landinu okkar hafa víst aldrei hvatt til samskipta við slík ríki.

Meginþorri Íslendinga er svo rétt þenkjandi og með á nótunum, að þegar grunur leikur á því að þeir sem halda eiga lög og reglu í landinu þeirra eru að dufla við öfgaöfl sem fyrirlíta minnihluta, þá umturnast réttlátir Íslendingar og fordæma slíkt, jafnvel þótt það sé aðeins lítill blettur eða falskur fáni á prýðisstarfssemi laganna varða á Íslandi.

Hver ber ábyrgð á íslenskri löggu í pontu hjá World Muslim League?

Hver sendir Íslending á ráðstefnu hjá alheimssamtökum sem mismuna konum, sem telur samkynhneigða réttdræpa og sem lýsir vanþóknun sinni á trúarbrögðum sem þeir aðhyllast ekki sjálfir? Íslendingurinn, sem ég segi nú frá, kom fram á sjarmafundi sádiarabísku samtakanna World Muslim League í Kaupmannahöfn árið 2019. Ekki var maðurinn á eigin vegum?

Ég þekkti manninn ekkert, þegar ég las um hann fyrst og hafði aldrei heyrt hans getið. Þess vegna brá mér illilega, þegar hann kom til mín eftir þing sem af mér mjög óskiljanlegum ástæðum var haldið í Pólska sendiráðinu í janúar sl.

Maðurinn sem sýnir hvíta skinnið sitt hélt því fram að aðeins hefðu verið myrtar 300.000ir gyðinga í helförinni í Síðara stríði. Maðurinn sem heldur á míkrófóninum er hins vegar pólskur prestur á Ísland (var eitt sinn í Danmörku), sem dregur í efa að gyðingar hafi verið myrtir af Pólverjum í Jedwabne og Kielce. Fólk sem segir slíkt eiga yfir höfði sér fangelsisvist í Póllandi.

Ég fór gagngert til Íslands til að taka þátt í ráðstefnu þessari, þar sem mætti íslenskur helfararafneitari og pólskur prestur sem er meðlimur öfgasamtaka innan kaþólsku kirkjunnar sem hélt því fram að morð Pólverja á gyðingum í Jedwabne og eftir stríð í borginni Kielce væru lygar og vanvirðing við merka sögu Póllands.

Ég skrifaði um þennan furðulega fund í sendiráðinu og prestinn úr Keflavík hér á Fornleifi áður en ég hélt af landi brott (les hér, hér og hér). Kunningi minn í Danmörku, kaþólskur leikmaður, sagði mér frá vandamálum sem frjálslyndir kaþólikkar í Danmörku finna mjög til vegna samtaka þeirra sem presturinn tilheyrir. 

Jú, sjáið til, Íslendingurinn sem í lok árs 2019 brilleraði á þingi World Muslim League í Kaupmannahöfn, var mjög ákafur að gefa sig á tal við mig að loknum fundinum í pólska sendiráðinu og hann kynnti sig til sögunnar sem rannsóknarlögreglumann. Maður þessi vildi upplýsa mig um að maðurinn (sjá ljósmynd) sem ég taldi vera helfararafneitara "væri ekki eins slæmur og ég héldi; og að hann þekkti hann".

Mér þótti lítið um þær upplýsingar gefið og sagði rannsóknarlögreglumanninum „að einstaklingur sem teldi að nokkur hundruð þúsund gyðinga hefðu verið myrtar í helförinni væri ekkert annað en helfararafneitari - annað orð væri ekki til fyrir slíkt.“

Íslenskur gyðingur ættaður frá Bandaríkjunum, sem boðist hafði til að aka mér heim þar sem ég bjó meðan á dvöl minni stóð gekk með mér og þessum manni niður tröppurnar í sendiráði lands sem nú hefur sett ný lög um þungunarrof, þar sem líkami pólskra kvenna verður nú eins konar eign pólsku ríkisstjórnarinnar en ekki kvennanna sjálfra. Afturhaldsöfl í Póllandi stjórna því nú á miðaldalegan hátt, hver getur farið í þungunarrof. Konurnar hafa ekkert að segja um það sjálfar lengur.

Þegar ég var kominn heim til mín - fjarri ágæti, fegurð og hreinleika Íslands - og ég var farinn að sakna góðra vina og hreina loftsins, þá gerði ég mér grein fyrir því að rannsóknarlögreglumaðurinn sem vatt sér að mér og bar í bætifláka fyrir Íslending sem afneitaði helförinni, var einmitt sami Íslendingurinn sem tók þátt í ráðstefnu World Muslim League í Kaupmannahöfn í nóvember 2019. En þau samtök lítilsvirða kinnroðalaust konur, samkynhneigða og önnur trúarbrögð.

Þá gerði ég mér enn betur grein fyrir því að mikið er að á Íslandi.

Hver sendi rannsóknarlögreglumanninn á ráðstefnuna?

Fer rannsóknarlögreglumaður sem starfar undir embætti Ríkislögreglustjóra, hjá Lögregluembættinu á höfuðborgarsvæðinu, frá Íslandi að sjálfdáðum á ráðstefnu umdeildra samtaka, eða var hann sendur af opinberri stofnun á Íslandi? Mér þætti vænt um að fá svör og greinargerð um eðli ferðarinnar. Ég get ekki fengið þau hjá honum sjálfum, því á FB hans er allt lokað og læst og í stáli.

„A day like this makes us better people. We can be inspired by each other and think bigger about the issues we face in society.“

Þetta lét lögreglumaðurinn hafa eftir sér. Var hann að vísa til fordóma í garð kvenna eða samkynhneigðra?

Við hvað starfar þessi rannsóknarlögreglumaður eiginlega? Þegar hann (í frítíma sínum) er ekki að spila stríðleiki með tindátum eða skrifa frægðarsögu herja Þjóðverja, þeirra sömu sem frömdu helsta glæp síðustu árþúsunda? World Muslim Leage fékk eintak af bók hans um blessað stríðið á Íslandi, þar sem hvergi er minnst á fordóma Íslendinga í garð einstaklinga í herjum þeirra sem vernduðu okkur gegn fjöldamorðingjum Þriðja ríkisins og hvað þá um stefnu Íslenskra yfirvalda, þmt lögregluyfirvalda sem í röðum sínum taldi nasista, að senda gyðinga í hendur kvalara þeirra. 

Á ljósmyndinni efst, sem er í boði World Muslim League, afhendir rannsóknarlögreglumaðurinn sem vatt sér að mér í Pólska sendiráðinu í Reykjavík fremsta manni World Muslim League bók eftir sig.

Nú veit þessi ágæti lögreglumaður að rannsakendur verða alltaf rannsakaðir sjálfir. Það er réttur manna í frjálsum ríkjum. Þann rétt vill hluti íslenskra löggæslumanna hins vegar skerða í dag og það er ein versta aðför að lýðræði og frelsi til skoðana sem Ísland hefur séð á síðari árum. Talsmaður lögreglumanna, Snorri Magnússon, talar nú um málaferli gegn fólki sem er óánægt með misnotkun lögreglumanna á einkennisbúningum sínum. Slík hótun er ástæða til sakamáls gegn talsmanni lögreglumanna, því hún sýnir aðför að grundvallarétti einstaklinga í lýðræðisríki. Sá réttur er heilagur og hann er að að spyrja spurninga varðandi störf og aðgerðir yfirvalda án þess að verða hætt af.

Sumir halda hins vegar að lýðræði sé rétturinn að versla og selja kók og pulsur og fara í flugferðir um heiminn, svo ekki sé talað um hinn heilaga rétt vestfirskra útgerðabaróna að sigla pestarskipum og taka veika menn í gíslingu vegna græðgi. Þeir verja réttinn til að halda strikinu, jafnvel þótt heimsfaraldur ógni lífi eldri borgara og þeirra sem eru veikbyggðastir í lýðræðisþjóðfélaginu.

Í siðareglum Lögreglu stendur:

Starfsmenn lögreglu skulu gæta þess að aðhafast ekkert það að í starfi sínu eða utan þess, sem er til þess falliðað draga óhlutdrægni þeirra í efa við framkvæmd starfa sinna.

Á myndinni neðst sést íslenski rannsóknarlögreglumaðurinn /rithöfundurinn í pallborðsumræðum með danska imaminum Abdul Wahid Petersen (sjá frekar um þann ágæta mann hér).

Athugasemdir

[Helga Kristjánsdóttir, 26.10.2020 kl. 03:42]

Ég hef deilt við mann sem heldur fram að allt um meðferð á Gyðingum í War2 sé uppspuni.Maður verður eftir sig í svo hatrammri rimmu þvi eldri sem maður er. 

[Runólfur Þórhallsson (IP-tala skráð) 26.10.2020 kl. 10:23]

Umræddur rannsóknarlögreglumaður vinnur ekki hjá Ríkislögreglustjóra

[FORNLEIFUR, 26.10.2020 kl. 18:55]

Þakka fyrir innlitið Runólfur. Ég leiðrétti í "undir Ríkislögreglustjóra", því lögreglan á höfuðborgarsvæðinu er þó á einhvern hátt undir Ríkislögregluna sett, er það ekki? Eða er það bara óþarft embætti?

Svo er spurningin: Er umræddur lögreglumaður að vinna fyrir fleiri deildir? Ríkislögreglustjóri getur best svarað því.

[FORNLEIFUR, 26.10.2020 kl. 19:19]

Helga, maður á ekki að deila við slíka menn, frekar en annað lasið fólk. Vonum bara að honum batni. Ét trúi því að versta fólk geti bætt sig.

[Gisli Jokull Gislason (IP-tala skráð) 29.10.2020 kl. 20:20]

Sæll Vilhjálmur, 

ég er í símaskránni og á facebook. 

En mér leikur hugur á að vita, í hvaða bók telur þú mig mæra nasista?

Í bókinni um Maríu Mitrofaonvu sem barðist við þýska herinn í seinni heimsstyjöldinni og sendiherra Rússa skrifar innganginn að, 

eða í bókinni um Ísland í seinni heimsstyrjödlinni sem fjallar um Ísland?

Farðu vel með þig og gangi þér vel.

[FORNLEIFUR, 29.10.2020 kl. 23:53]

Sæll Gísli, ég hafi ekki neinn aðgang að FB þinni í síðustu viku, og hafði áður ekkert erindi átt þar. Hún var mér algjörlega lokuð og ég hef sjaldan upplifað slíkt. Nú finn ég hana, en það er ekki opin bók.

Bókverk þín um Mitrofanovu þekki ég ekki, en ég hef ekki áhuga á henni, heldur á veru þinni á ráðstefnunni í Kaupmannahöfn og hver bauð þér á þá ráðstefnu; Einnig á orðum þínu um helfararafneitarann í sendiráði Póllands sem hélt því fram að aðeins 300.000 gyðinga hefðu "dáið" . Í sendiráði Póllands tjáðir þú mér að þú skrifaðir undir dulnefni. Af hverju gerir þú það?

[Gisli Jokull Gislason (IP-tala skráð) 30.10.2020 kl. 09:54]

Vilhjálmur, það er rétt að ég var í snediráði Póllands í tilefni þess að 75 ára voru liðin frá frelsun Auschwitz. Það er líka rétt að við töluðum saman. Þá fór nokkuð vel á með okkur.

Það er líka rétt að þú áttir í deilum um fjölda þeirra sem talið er að hafi farist í Auschwitz, en það var við allt annan mann en mig. Sjálfur hef ég tvisvar komið til Auschwitz og í annað sinn sótt námskeið hjá Auschwitz Jewish Center sem fjallar um hvernig fólk getur orðið samverkamenn án ásetnings. Ég er ennþá í góðu sambandi við einn kennara minna þar.

Þá hef ég aldrei skrifað neitt undir dulnefni né sagst gera það. Ég hef ekki hugmynd um hvern þú varst að tala við þá.

Þannig að nú ertu búinn að ljúga og vera móðgandi.

Ég vona að það séu heiðarleg mistök af þinni hálfu.

Varðandi fyrirspurn mína um bækurnar þá skrifaðir þú í kommentakerfi DV

"T.d. hvernig íslenskur rannsóknarlögreglumaður mærir nasistaheri og gefur út um þá bækur." Þannig að sú spurning var heiðarleg, ég á tvær bækur og önnur er um konu sem barðist við Þjóðverja í seinni heimsstyrjöldinni og bjó sín síðustu ár í Breiðholti. Hin er á ensku og fjallar um Ísland í seinni heimsstyrjöldinni og hefur mynda mjög verðmæt samskipit við fólk víðsvegar um heiminn. Þar er meðal annars fjallað stuttlega um hlutskipti þeirra gyðinga sem Íslendingar vísuðu frá landi í aðdraganda stríðsins. Hvergi eru nasistar mærðir. EN nú segir þú mér að þú hafir ekki einu sinni lesið þessar bækur en samt segir þú svona, ertu aumur maður?

Nú getur þú sýnt hvað í þér býr og hversu mikið í þig spunnið. Eða haldið áfram af heift. Annað gerir þig að betri manni, hitt er bara að grafa sér gröf.

Varðandi boðið þá var því beint til mín persónulegaog byggt á vináttu og vinsamlegum samskiptum. Ég var ekki sendur af neinum. Þannig að það er líka rangt hjá þér.

Sjáir þú að þér þá er þér velkomið að spjalla við mig einhvern tíma. Haldir þú áfram að hagræða sannleikanum með þínar heiftarlegu fordóma, þá hef ég ekkert meira við þig að tala.

[FORNLEIFUR, 30.10.2020 kl. 11:13]

Maðurinn sem þú barst í bætifláka fyrir í Pólska Sendiráðinu, Björn Jónsson, hefur nú gefið út þýðingu á helfararafneitunarbók.

Þú sakar mig um heift og sagðir við mig að maður sem þýtt hefur alræmt helfararafneitunarverk væri ekki eins slæmur og ég teldi hann vera. Þú talaðir um að þetta væri blíður sakleysingi. 

Ég kannast ekki við heift þá sem þér er margrætt um. En ég átti ekki í neinum deilum varðandi fjölda myrtra í Auschwitz. Ég svaraði bara þessum auma manni með beraða magann, sem ég veit nú að heitir Björn Jónsson. Út úr honum kom glæpsamlegur óhróður á athöfn. þar sem var verið að reyna að að minnast helfararinnar. Ef viðbrögð mín eru "heift" að þínu mati, þá segjum við það og látum það nægja.

Skarpskyggni lögreglumanns sem fer og talar um bók sína um stríðsárin á Íslandi á ráðstefnu samtaka múslíma, sem mest er þekkt af öfgum og mismunun getur ekki verið mikil. Þegar hann nokkrum vikum síðar ber í bætifláka fyrir mann sem er gyðingahatari á þingi í Pólska Sendiráðinu, renna á mann tvær grímur.

[FORNLEIFUR, 30.10.2020 kl. 22:38]

 Það er álit mitt, að skoðun sú sem kemur fram hér að neðan sé ekki sæmandi lögreglumanni í lýðræðisríki. Ég vil ekki hafa löggur í mínu landi sem láta slíkt hafa eftir sér. En vandamálið er bara að þær hafa margar þessar skoðun sem kemur fram í viðtali hins hægrisinnaða vikublaðs, Valeurs, í Frakklandi. Hér getið þið lesið hvað íslenskur lögreglumaður sagði um innflytjendur/flóttafólk á Íslandi og í Frakklandi. Viðmælandi Valeurs var Gísli Jökull Gíslason, lögreglumaðurinn sem talar um heift þeirra sem ekki vilja sitja undir hatursræðu Íslendinga þegar helfarar gyðinga var minnst á Ísland.

En 2014, ils étaient 22 744 étrangers résidant sur le territoire islandais. « Des chiffres toujours en hausse, mais il fait trop froid ici pour qu´ils débarquent en masse », s´amuse Gísli Jökull Gíslason. À propos de la France, il déclare simplement : « Vous auriez du vous demander dans quelle société vous aviez envie de vivre avant d´accepter la venue de tous ces étrangers. »https://www.valeursactuelles.com/le-miracle-islandais-64035

Kuldinn kemur í veg fyrir margt og það er mikið um kulda og hatur á Íslandi. Ég þekki það ósköp vel sem sonur innflytjanda.

Heiftin og fordómarnir eru þitt vandamál Gísli Jökull rannsóknarlögreglumaður. Þú mælir með því að stórþjóð notist við sama xenófóbiska kerfið og alla tíð hefur ríkt á Íslandi. Hvað heldur þú eiginlega að þú sért? Þú ert eins mikill innflytjandi og allir aðrir á Íslandi.

Það er reyndar ekki frostið, Norðangarrinn eða ólögleg barmamerki lögreglumanna sem heldur fólki frá Íslandi. Fordómarnir hafa líka gert það í miklum mæli, og nú vitið þið "landar" að íslenskir lögreglumenn eru virkir boðberar ósómans.

Ég vonast til að íslensk yfirvöld skoði vel þá menn sem gegna löggæslu í framtíðinni. Íslendingar mega ekki við því að missa lýðræðið og sjálfstæði vegna fólks í einkennisbúningum, sem dregur fólk í dilka eins og Gísli Jökull Gíslason eftir uppruna þess. 

Ef franskan vefst fyrir ykkur, notið þá Google translate.