6. getraun Fornleifs

Nú er kominn tími til þess að reyna fornvit lesenda Fornleifs og þeirra sem taka vilja þátt í leiknum.

Því spyr ég:

1) Hvaða gripur er á ferðinni hér á myndinni?

2) Hvað er hann gamall?

3) Hvar fannst hann?

4) Til hvers var hann notaður?

5) Úr hvaða efni er hluturinn?

Athugasemdir

[Vilhjálmur Eyþórsson, 18.1.2013 kl. 13:42]

Hluturinn sýnist vera úr steini, eins og horft sé aftan á höfuð. Kannski af súlu, en ekkert notagildi er sjáanlegt. Hann er ekki mjög gamall, kannski frá 16.-17. öld.

[FORNLEIFUR, 18.1.2013 kl. 14:10]

Ekkert rétt hjá þér í dag nafni. Gleðilegt ár.

[Jón Steinar Ragnarsson, 18.1.2013 kl. 14:20]

Hluturinn er væntanlega úr gifsi eða alabastur og virðist fótur eða súla, sem gæti verið búkur á manneskju. Hann er symmetrískur og virðist sýna skykkju eða klæði eða jafnvel einhverja plöntu.

Get mér til að þet.ta sé neðri hluti skírnarfonts sem hugsanlega fannst að Skriðuklaustri. Allt alveg út í loftið.

Þetta er mjög líklega kirkjugripur allavega. Kannski hluti af prédíkunarstóll og þetta sé hluti einhvers postula.

[Jón Steinar Ragnarsson, 18.1.2013 kl. 14:21]

Aldur giska 17. öld?

[FORNLEIFUR, 18.1.2013 kl. 15:00]

Sæll Jón, hvorki gips, alabast, né 17. öldin. Ekki kirkjugripur.

[FORNLEIFUR, 18.1.2013 kl. 15:07]

Ekki fundinn á Skriðuklaustri eða annars staðar austur á landi

[Kristinn Eysteinsson, 18.1.2013 kl. 15:59]

Ég er ekki vel að mér í forngripum, svo ég get ekki svarað mikið af spurningunum, en ég ætla að giska á hluta af þeim. Allir eru að giska á stóra hluti, eins og styttur og súlur, en ég held að þetta sé tiltölulega lítill hlutur, eins og kannski hluti úr taflmanni, útskornum úr beini.

[FORNLEIFUR, 18.1.2013 kl. 16:10]

Sæll Kristinn, bein er þetta ekki og ekki útskorið, en þú ert á réttri braut með stærðina. Lengdin er 8,6 sm.

[Ólafur Ágústsson (IP-tala skráð) 18.1.2013 kl. 18:17]

Signet ??

[FORNLEIFUR, 18.1.2013 kl. 18:39]

Sæll Ólafur, ekki er þetta signet.

[Jón Steinar Ragnarsson, 18.1.2013 kl. 21:58]

Þá er Að marmari, kertastjaki , 16.öld skálholt.

Maður freistast til að nefna Stöng í Þjórsárdal af fenginni reynslu, en fæ ekki alveg heimfært gripinn þAngað.

Það er samt eitthvað forngrískt við þetta. Mijarðarhafslegt. Er þetta eitthvað hellenískt?

[Jakob Andersen (IP-tala skráð) 19.1.2013 kl. 00:03]

Er það ekki silfursjóðinn frá Miðhúsum, Viljhálmur?

[FORNLEIFUR, 19.1.2013 kl. 08:12]

Hvorki marmari, né marmelaði, og kertastjaki nei. Öldin er önnur. Ekki var stokkið á þessu á Stöng, svo hún er myndinni og Ísland reyndar líka.

Forngrískt er alveg út í hött, og hafið er rangt. Lítur vitanlega út fyrir að vera hellenskt en er það ekki og heldur ekki Lenínískt eða eitthvað úr landi Maós.

Því miður Ion Petres Kadaragios, 0 stig arabísk.

Þetta gæti hugsanlega leitt hugan að réttu svari:

[Bergur Isleifsson (IP-tala skráð) 19.1.2013 kl. 11:49]

Krókur eða snagi? 10 öld? Svíþjóð - Gotland? Tengist hestum/reiðtygjum? Leður?

[Bergur Isleifsson (IP-tala skráð) 19.1.2013 kl. 12:05]

Eða tengist þetta Mjölni? Kannski hluti af honum? Verndargripur? Hálsmen?

[FORNLEIFUR, 19.1.2013 kl. 12:23]

Bergur, ekki einu sinni heitur

[Vilhjálmur Eyþórsson, 19.1.2013 kl. 12:26]

Það eru greinileg för sem benda til að gripurinn hafi verið steyptur. Annars er útilokað með öllu að finna haus né sporð á því hvað hér er um að ræða. Hugsanlega verndargripur eða eitthvað slíkt, eins og Bergur bendir á.

[Bergur Isleifsson (IP-tala skráð) 19.1.2013 kl. 12:40]

Fáum við ekki fleiri hint?

Fannst þetta í Bretlandi? Er uppruninn keltneskur?

[FORNLEIFUR, 19.1.2013 kl. 12:57]

Rétt nafni, steyptur og ... og úr hverju?

Fleiri hint, Bergur.. ja: Fannst í ESB landi

Ekki Bretland. Hvað er eiginlega keltneskur gripur?

[Bergur Isleifsson (IP-tala skráð) 19.1.2013 kl. 13:08]

Keltneskir gripir? Ekki hugmynd. Var bara að reyna að hljóma gáfulegur :-/

En Magnús Þór Hafsteinsson spyr: "Gæti þetta verið brot af líkneski úr kaþólskum sið? Barbörustyttu? Þær hafa fundist allavega tvær."

Er hann volgur?

[Gunnar Gunnarsson (IP-tala skráð) 19.1.2013 kl. 13:14]

Þetta er reður gerður úr vaxi. Í fullri reisn þó lítill sé.

[Helga Kristjánsdóttir, 19.1.2013 kl. 13:16]

Ég gef körlum ekkert eftir í getraunafíkn. Fæ vísbendingar hjá þeim blessuðum hér,en er litlu nær,svo þá er ekkert annað en notast við gamla,góða skotið. sýnist það vera opnanlegt eftir röndinni neðst að sjá,svo ég giska á skartgripaskrín,ég veit !! Kellingalegt!?

[FORNLEIFUR, 19.1.2013 kl. 13:28]

Bergur, hvar spyr Magnús Þór um það? Svarið er að hann er heitur en líka kaldur, sem sagt volgur, en þetta er ekki úr kaþólskum sið, né barbörustytta.

Gunnar, Gunnar, þvílíkir tímar og þvílíkir siðir. Eru menn með typpi á heilanum? Ég var búinn að segja að þetta væri ekki frá Kína eða Japan. Gaman væri þó að vita hvernig þú sérð typpi út úr þessu.

Helga, húrra! loksins kona. Nei, ekki skrín. Þetta er algjörlega óholt að innan. Kellingalegt? Nei, ekki hætishót.

Nú verð ég eiginlega að gefa það hint að þetta er stytta.

[FORNLEIFUR, 19.1.2013 kl. 13:30]

Reður, ég á nú ekki orð... en með smá ímyndunarafli má víst sjá það

[Bergur Isleifsson (IP-tala skráð) 19.1.2013 kl. 13:59]

Magnús Þór sagði þetta á feibúkkinu mínu ... var að reyna að svindla með því að spyrja þar hvort einhver vissi þetta :-)

En úr hverju er styttan steypt? Leir?

[Vilhjálmur Örn Vilhjálmsson, 19.1.2013 kl. 14:41]

Jamm, stytta úr leir, en hvers konar?

[FORNLEIFUR, 19.1.2013 kl. 14:49]

Heyrið nú mér, Vilhjálmur Örn, hér er það ég sem spyr.

Bergur, þetta er stytta eins og áður hefur verið sagt og úr leir, en hvers konar leir var það og hvað var gert við hann?

[Bergur Isleifsson (IP-tala skráð) 19.1.2013 kl. 16:26]

Leir sem var notaður til einhvers konar lækninga eða í sambandi við heilsueflingu, jafnvel frjósemi???

Ef ég er ískaldur þá legg ég árar í bát.

[FORNLEIFUR, 19.1.2013 kl. 16:34]

Því miður, Bergur. Leir, sem notaður er við lækningar og heilsueflingu, er ekki brenndur.

[Bergur Isleifsson (IP-tala skráð) 19.1.2013 kl. 16:39]

Nei, vissi að það gat varla verið því ég fann enga tengingu á milli heilsuleirs og styttugerðar. Ákvað að skjóta samt, enda stend ég á gati.

[V.Jóhannsson (IP-tala skráð) 20.1.2013 kl. 00:26]

Talismann

[Jón Steinar Ragnarsson, 20.1.2013 kl. 03:51]

Þetta er goð úr leir. Danmörk, víkingaöld. Óðinn eða Týr. Vantar líklega hausinn. Leikfang, verndargripur...

[FORNLEIFUR, 20.1.2013 kl. 05:11]

Njet á talismann, goð, Danmörk, víkingaöld, Óðinn, Tý.

En hausinn vantar og meira til, og sumir halda að þetta hafi verið eins konar leikfang.

[Bergur Isleifsson (IP-tala skráð) 20.1.2013 kl. 08:48]

Þessi gripur er steyptur úr pípuleir sem, eins og heitið bendir til, var aðallega notaður í pípur. Hann fannst í Þýskalandi og er frá 14. öld. Talið er að þetta hafi verið þess tíma dúkka.

[Bergur Ísleifsson (IP-tala skráð) 20.1.2013 kl. 09:12]

Nei, frá 15 öld. Nuremburg?

[V.Jóhannsson (IP-tala skráð) 20.1.2013 kl. 10:51]

Lítil stytta af Zaraþústra.

[FORNLEIFUR, 20.1.2013 kl. 10:52]

Þú ert heitur en ekki nógu Bergur. Pípuleir er rétt efni, öldin er röng. Landið er rangt, bærinn er rangur en notkun er hins vegar bæði/og.

Þú komst líklegast næst þessu Bergur, með mikilli hjálp, og nú segi ég þessu leik lokið og skýri málið síðar í dag.

[FORNLEIFUR, 20.1.2013 kl. 10:53]

Zaraþústra var aldrei í pilsi, en hvað veit ég.