Out of Africa - or Eurasia

Hér fer Fornleifur mjög langt aftur í tímavél sinni til að kynna niðurstöðu íslensk vísindamanns í Lundi. Eldra getur það vart orðið. Þetta er jafnvel óþægilega fornt fyrir Fornleif, þó hann kalli ekki allt ömmu sína í forneskjunni.

Haldið skal aftur til þess tíma er sum okkar urðum eldklár og þenkjandi: sapiens sapiens, meðan aðrir héldu áfram að vera bara sapiens, og jafnvel hálfgerðir imbecilles, eða imbar og "silly".

Laglegi pilturinn, á myndinni hér fyrir ofan, er ekki mjög ósvipaður sumum af þeim knattspyrnuhetjum sem berjast í Rússlandi þessa dagana. Þá er ég ekki að velta fyrir mér hve útiteknir þeir eru (litinn þori ég ekki einu sinni að nefna). Þessi kappi, sem var ekki hávaxnari en 12 ára íslenskur krakki, er framkallaður á grundvelli hauskúpu sem er um tveggja milljón ára gömul og sýnir Homo erectus, forföður þeirra mannskepna, sem brugðu undir sig betri fætinum fyrir ca. 2 milljónum árum síðan: Þessi manntegund sem voru eðalmenni frá Afríku sem gengu upprétt, tók meðvitaða ákvörðun eins og Bjarni F. Einarsson fornleifafræðingur myndi kalla það. Þeir höfðu slitið barnsskónum í nokkur milljóna ára áður en þeir héldu í mikla langferð norður á bóginn. Ekki miklu síðar en fyrir um það bil 1,8 milljónum árum, var erectus-ættin búin að dreifa sér um það sem síðar var kallað Evrópa og Asía.

Homo Sapiens Sapiens, þrútinn um augun af allt of miklum hugsunum og ákvörðunartökum

Karlinn hér fyrir ofan var hins vega yngri og var hann nokkuð glúrnari en forfeður hans sem flykktust norður á bóginn. Hann er afkomandi þess á efri myndinni. Þessi mynd er gerð eftir beinaleifum manns sem mun hafa verið uppi fyrir um 150.000 árum síðan; Og nokkurn veginn þannig litu fyrstu forfeður okkar einnig út, þegar við af tegundinni homo sapiens sapiens byrjuðum að greinast að fullu frá Homo sapiens Neanderthalensis, fyrir meira en 500.000 árum síðan, einhvers staðar í Evrasíu.

Íslenskur vísindamaður, Úlfur Árnason, prófessor emerítus í sameindarþróunarfræði í Lundi, greindi frá þeim skilnaði fyrir tveimur ári síðan í áhugaverðri grein tímaritinu Gene, á mjög sannfærandi hátt. En fyrst fyrir 150.000 árum, eða þar um bil (þetta er ekki svo nöje), hafi homo sapiens sapiens snúið til Afríku frá Evrasíu. Þannig að skilja, að fyrstu viti bornu mannverurnar sem bjuggu í Afríku komu frá Evrópu og Asíu. 

Þetta eru ugglaust ekki allir eftir að éta hrátt og eins hratt og niðurstöður í þróunarfræði mannsins og erfðafræði breytast, gæti sú kenning þegar verið orðin úreld án þess að ég vissi það - en ég hef ekki haft spurnir af neinu nýrra. 

En ef fyrstu fullvita Afríkumennirnir voru "Evrópumenn" (frá svæðum núverandi ESB) eða "Asíubúar", mætti til gamans segja í anda ESB-keisarans Merkels, að þeir Afríkumenn sem nú leita til Evrópu í miklum mæli, sér og sínum til þæginda, séu bara að snúa aftur til síns heima. Tyggið á því, sem haldið í hreinum nasisma ykkar að Íslendingar séu óflekkuð "þjóð" (sjá t.d. þetta rugl). 

Ég heyrði fyrst um fræðileg afrek Úlfs Árnasonar frá uppeldisföður hans Gils Guðmundssyni, sem ég hitti oftar en einu sinni í flugvélum á leið til Íslands á 9. áratugi og ræddi við hann á Kastrup flugvelli. Þá var Úlfur Árnason að vinna við erfðafræði hvala, þar sem hann hefur unnið mikið og þarft starf.

Mér þykir grein Úlfs Árnasonar, Out of Africa hypothesis and the ancestry of recent humans: Cherchez la femme (et l´homme) (sjá einnig þessa frásögn í öðru riti) mun merkilegri en það sem Íslensk Erfðagreining er að gera; T.d. það skemmdaverk að þeir fengu að  bora í tennur 97 íslenskra kumlverja sem hvíla á Þjóðminjasafninu og raðgreina efnið úr tanntökunni til að fá tölfræðilega óhaldbæra niðurstöðu sem ekki segir neitt marktækt (sjá hér), um leið og eldri rannsóknir með öðrum aðferðum sem ekki reiða sig á hið heilaga efni DNA, sameindina Deoxyribonukleinsýru, er hunsaðar.

Jú, það urðu greinilega ekki allir sapiens sapiens í einum grænum hvelli. Stundum held ég að langt sé í að allir nútímamenn geti státað sig af þessu tegundaheiti, t.d. ekki forseti Bandaríkjanna, en í honum held ég þó frekar að hafi orðið stökkbreyting, sem valdið hefur alvarlegri heilaskerðingu. Hugsið ykkur: Allt þetta erfiði við kynbætur í gegnum hundruð þúsundir ára til einskis.

Athugasemdir

[Valdimar Samúelsson, 7.7.2018 kl. 14:10]

Gaman að lesa þanka þína á ég að segja vísindalegu þanka.? Það sem ég heyri oft frá fólki sem þér er að við séum gestir í landi okkar og eigum engan rétt frekar en nokkur annar að búa hér og sömuleiðis er gefið í skyn að Afríkubúar eigi rétt á að snúa til baka til ESB landanna.Þetta er oft þankagangur umhverfissinna og openborder fólks. 

Ég hinsvegar er hlynntur því að sá sem vinnur landvinning á það land. Írar fengu að vera áfram á Íslandi annars hefðum við ekki þennan Írska kennileita fróðleik sem við höfum í dag svo hafa þeir bara blandast þjóð og orðið að Íslendungum. Mundu Fornleifur við erum Íslendingar þú og ég. Ég rek mínar ættir til Auði Djúpugðu og hennar fólks og jafnvel lengra en í dag erum við Íslendingar þar til Múslímarnir sem er meira en trú en hún er þjóð milljóna manna um sem stækkar og eignar sér allt. Fyrir utan það þú lést ekkert heyra frá þér með spjótin.    

[FORNLEIFUR, 7.7.2018 kl. 17:44]

Ó blessaður Valdimar, nokkrir Afríkumenn eru ekkert verri en Skotar, Írar eða aðrir fyrir hálfskyldleikaræktaða Íslendinga. Með tímanum  yrði landsliðið í sérflokki og við hefðum spretthlaupara sem næðu Ólympíulágmarki og knattspyrnumenn sem færu í gang án þess að þurfa að heyra "húh"-hljóð eins og þau sem bárust til Evrópu fyrir 2 milljónum ára. Ég er nú ekki nema hálfur Íslendingur, og upplýsingar íslensku leyniþjónustunnar benda eindregið til þess að þú sért hálfur Skoti. Það er að segja bastarður í 1. lið eins og ég. Miðað við allan þann landshornalýð sem sótt hefur til Skotlands myndi mig ekki undra ef maður fyndi annað en bólugrafin Taggartsgen í genamengi þínu. Þar má búast við smá negraskvettu, Spánverja á nokkrum litningum, Írafári á litningum sem stýra sálartetrinu, Frakka og rauðvín á elskhugalitningum und zu weiter. Þú ert afar samsettur kumpáni. 

Varðandi "spjótin", þá átt þú við skutlana sem þú nefndir í fyrri athugasemd. Ég er búinn að segja meiningu mína um þá. Ef ég segi meir fer taxtamælirinn að tikka. En í fáum orðum sagt, þá er ekkert evrópskt við þessa skutla, nema járnið, sem indíánar hafa nýtt sér.

[FORNLEIFUR, 7.7.2018 kl. 18:03]

Þegar hún móðir þín Hulda Valdimarsd. Ritchie andaðist, Valdimar, hér um árið (1999) skrifaði Finnbogi Hermannsson listavel um hana í minningargrein, m.a. þetta:

"En nú er þessi saga öll, þótt hér hafi aðeins verið stiklað á stóru. Hulda hafði haldið til haga merkum gögnum frá fyrri tíð. Ljósmyndum, bréfum og hvers kyns pappírum sem mjög áhugavert er að skoða og varpar þetta ljósi á líf og tilfinningar fólks í stríði. Undirritaður fór í gegnum þetta með Huldu nú í vetur, þegar hún rakti líf sitt í þeim tilgangi að setja á bók sem undirr. er að skrifa um líf hennar og kemur út fyrir næstu jól. Svo við notum þá viðmiðun. Niðurstaðan af því verki virðist vera falleg ástarsaga með "happy ending", þrátt fyrir óvissu og erfiðleika. Og enn eru staðfestar ljóðlínur Tómasar Guðmundssonar um það "hve hjörtum mannanna svipar saman í Súdan og Grímsnesinu"."

[Valdimar Samúelsson, 7.7.2018 kl. 18:08]

Þakka Fornleifur. Já það undarlega er að faðir minn er frá sömu slóðum og Auður Djúpugða fór frá en ég tel mig Íslending eftir 70 ár á íslandi en ekki nema 7 ár í Skotlandi og Englandi ég tárfelli þegar ég heyri í sekkjarpípunum en er vestfirðingur mengaður af Húnvetningum Vestur og austur svo þú getur ekki breytt mér enda líður mér hvergi eins vel og á íslandi eins og föður mínum sáluga.

Spjót voru misnefni en skutull var ekki notaður af Indíánum né smíðuðu þeir úr járni  en látum það liggja á milli hluta enda er þetta ekki þín grein né svæði en þeir fundust í Norður Dakota og rannsóknir bentu á að þeir væru Norrænir. 

[FORNLEIFUR, 7.7.2018 kl. 18:24]

Ég efast ekki um að þú sért sannur Íslendingur. En áttu nokkuð til mynd af þessum spjótum frá Dakota. Ég er nokkuð vel fróður um spjót, vopn og verjur norrænna manna. Skutlarnir frá Alaska sem þú skaust inn í athugasemdirnar við bloggið á undan á ekkert skylt við skutla Norrænna manna. Þú verður þó að minnast þess að hægt er að fara með spjót sem finnast í Noregi og segja þau fundin í Dakota. Sumu fólki þykir gaman af prakkarastrikum. Það hefur fylgt mannverunni alla leið frá forfeðrum okkar allra í Afríku.

[Valdimar Samúelsson, 7.7.2018 kl. 19:58]

Þakka. Ertu að segja að þessir skutlar séu frá Alaska en ég var ekki búinn að sjá það áður en þar finnast bæir (norrænir) og er baðstofan aðal tákn þeirra en Inutarnir á vesturströnd bjuggu í þeim en ég var að grúska í því fyrir nokkrum árum. Konurnar fengu bara að sofa í þessum baðstofum.

Þegar ég segi fundin í N Dakota þá veit ég vel að þau gætu þessvegna verið frá Afríku enda finnst mér þau dálítið skrautleg. Þessar upplýsingar hef ég.

Hi-  there were 2 spears,  Marion Dahm from Chokio MN got one and I tried to track down the other one but could not find the man Marion named in NorthDakota.  As far as I know, when Marion died, his family could not find the spear- that is the last I heard.Judi

Ef þú veist að þessi spjót eru frá Alaska ertu nokkuð með yfir það.? 

Finnbogi Hermans gerði móður minni góð skil enda spjölluðu þau mikið saman þegar móðir min var í heimsókn fyrir vestan. Ég reyndar talaði við Finnboga og kom þessum ferli að stað. Faðir hennar sendi mikið frá sér á Árnasafn og var mikið að tala á segulband og man ég eftir að hann sagði frá ...Hver veit nema Eyjólfur hressist... 

[FORNLEIFUR, 8.7.2018 kl. 07:26]

Æi, þú ertu að eyða tíma mínum Valdimar.

Þann 4.júlí kl. 21.41 sendir þú mér mynd af tveimur skutlum á athugasemd við blogg um rannsóknir austur á landi. Ég stóð í þeirri meiningu, út frá frekar ruglingslegum skrifum þínum, að það væru skutlar frá Aelutians isles suðvestur af Alaska. Af samhenginu, eða kannski samhengisleysinu hélt ég það. Ef myndirnar eru hins vegar af "norrænum spjótum" frá Dakota, þá verð ég að tilkynna þér, að þetta eru ekki norrænir spjótsoddar. Ja, miðað við allt þá er mér næst að halda að þú hefir bara sett einhverja mynd, svona út í bláinn.

Það eina sem þú ert með um margumrædd spjót í Dakota virðist nú vera dularfullt bréf frá einhverri Judi Doe, sem upplýsir að þegar Marion dó, þá hafi fjölskylda hans ekki getað fundið spjótið hans.  

Bið ég þig vænstan að gleyma þessum grillum. Fornleifar eftir norræna menn á fyrri hluta miðalda hafa ekki fundist vestar en á L´anse aux Meadows. Öllum til mikillar skemmtunar og bandarískri peningafornleifafræði til háðungar hélt þekktur "geimfornleifafræðingur", sem venjulega leitar uppi leifar í Egyptalandi með hjálp mynda sem teknar eru úr gervitunglum, því fram að hún hefði fundið risastóra skála og jafnvel torfpýramída annars staðar á Nýfundnalandi. Það reyndist hugarburður einn, eins og flestir höfðu sagt fyrir um, og einnig Fornleifur, hér á blogginu.

Næst þegar þig dreymir um hvíta manninn í Ameríku, sem bjargvætt frumbyggja, hafðu þá eitthvað haldbærara með þér á bloggið, t.d. myndir af almennilegum skutlum (væntanlega ljóshærðum, sem þér líkar greinilega best) og eittvað bitastæðara en "ekki neitt" frá henni Judi.

Nú tek ég sumarfrí frá grilluföngurum. Þessi færsla fjallaði um annað en hánorræn spjót, skutla frá Alaska eða yfirburði íslensku þjóðarinnar og hvítingja. Það eru hlutir sem eru þér greinilega hugfangnir.

Höldum okkur við efnið og vöðum ekki úr einu í annað. Ég bið þig því í framtíðinni að gera athugasemdir sem tengjast efninu. Ef þig vantar upplýsingar um eitthvað í Dakota, er auðveldasta mál fyrir þig að hafa samband við fornleifafræðinga þar. Eftir mikla leit á vefnum, finn ég akkúrat ekkert sem bent getur til þess þar hafi verið rætt um norræna byggð á miðöldum.

En ef þú vilt álit mitt, verður þú að undirbyggja mál mitt, karl minn!

[Valdimar Samúelsson, 8.7.2018 kl. 10:23]

Kæri Dr. Vilhjálmur líklega ættaður frá Aðalvík, bull þitt er ekkert síður byggt á misskilning þínum vegna einfaldra spurninga um Skutul sem ég óvart kallaði spjót.

Þú talar um skrifsstofu fornleifafræðing Í Dakota en þar er einn ríkisfornleifafræðingur sem starfar á svipuðum nótum og þú. Ég reikna með að þú dissir Dr. Sutherland líka og haldir uppá tísku fornleifafræðningum Barböru ..Streissan.. Wallace ex Smitsonia. Meira að segja hefur Páll Bergþórsson lítið og allir mínir lærðu félagar í Bandaríkjunum.

Ég gæti sýnt þér mikið frá NA en efast um að þú hafir áhuga á því eða gerir of miklar kröfur á Dr. lausan mann.

[FORNLEIFUR, 8.7.2018 kl. 16:21]

Nei, ágæti Richie ég er ekki ættaður úr Aðalvík. Ég þekki ekki Dr. Sutherland og Barbara Wallace, sem ekki er "Streissan" líkt og þú skrifar, hef ég aldrei hitt. 

Ég tel mig hins vegar, að þú eigir við fil.mag. Birgittu Wallace, sem ekki er "Streissan" (þetta er heldur kjánalega aðdróttun hjá þér í nafnið Streisand og þar með aðra konu; kannski líkar þér ekki við gyðinga?). Birgitta, sem ekki heitir Barbara, hefur ekki starfað hjá Smithsonian nema í sambandi við sýningu sem var léleg endurtekning á víkingasýningum í Evrópu. Konu þessa hef ég einu sinni hitt fyrir á ráðstefnu. Hún er komin á eftirlaun. Svo enn og aftur, það er nokkuð erfitt að sjá hvað þú ert að fara, út frá því sem þú skrifar.

Hvað "Páll Bergþórsson hefur meira að segja lítið" hef ég ekki hugmund um "né þínir lærðu félagar í Bandaríkjunum". Ég skil ekki alveg setninguna. Páll hefur í elli sinni velt fyrir sér Vínlandi og það hafa aðrir gert á undan honum án árangurs. Það er hið besta mál. Menn skulu hafa hobby. Mig grunar þó að menn þurfi ekki að taka Grænlendingasögu og Grænlendingaþátt bókstaflega.

Það er ekki spurning um doktorsgráður þótt menn séu ekki ginnkeyptir fyrir vitleysum úr BNA. Menn þurfa þær ekki til að sjá samengi hlutanna, en því miður eru líka til menn með þessa gráðu sem ekki gera það.

Hin hræðilega "Streissan" og ég gefum þér kannski langt nef,að þínu mati, en það er ekki út af doktorsgráðum. Hún hefur nokkrar honoris causa og er vel að þeim titli komin. Ég bið þig aðeins um rök. Svo er þessari umræðu lokið hvað mig varðar. Við komumst ekki lengra.

[Valdimar Samúelsson, 8.7.2018 kl. 19:31]

Þakka þér fyrir Dr Vilhjálmur fyrir lita aðstoð. 

[FORNLEIFUR, 10.7.2018 kl. 09:58]

Ekkert að þakka Valdimar. Ég reyni mitt besta að vera fólki hjálplegur, en sá áhugi minnkar þegar menn fanga eintómar grillur og eru hálfdónalegir með aðdróttanir, rugl og hreina fordóma í garð minnihlutahópa. Ég vildi óska að ég gæti hjálpað þér, en þú vilt greinilega ekki hlusta. Það er ekki hægt að hjálpa fólki sem biður um svör til þess eins að fá staðfestingu á rugli sem það trúir á. Kannski ættir þó að leita til "Víkingasérfræðingsins" dr. Bolanders sem til mikillar furðu hefur fengið að valsa um á Íslandi, eða Geim-Söru Parcak, sem þurftu að bíta í það súra epli að draumórar þeirra á Nýfundnalandi væru bæði bull og vitleysa.  Lifðu heill.

[FORNLEIFUR, 10.7.2018 kl. 10:21]

Hér, Valdimar, https://en.wikipedia.org/wiki/Point_Rosee#cite_note-SP2017-1 getur þú lesið um "afrek" grillufangarana á Point Rosee, sem segjast vera eitthvað, en eru það einfaldlega ekki. Nóg er til af slíku fólki. Fjöldi fornleifafræðinga frá Íslandi, Norðurlöndum og Bandaríkjunum voru búnir að segja undirbyggða skoðun sína á því sem fannst þar 2015 og - 16, en Geimfornleifafræðingurinn Sara Parcak og DR. Bolander hlustuðu ekki.