3. getraun Fornleifs

 

Fornleif langar nú að sjá hve fljótir fornaldardýrkendur þeir sem venja komur sínar hingað í forneskjuna geta verið að sjá:

1) hvaða stað myndin sýnir?

2) hvenær ristan var gerð og hvar hún birtist?

Ósköp einfalt. Hér að neðan er smá brot úr myndinni. Kannski gefur það einhverjum lausn á ráðgátunni.

 

Athugasemdir

[Rauða Ljónið, 16.11.2011 kl. 17:45]

1878 til 1883 ?

[Jón Steinar Ragnarsson, 16.11.2011 kl. 17:48]

Þarna er blikkstrompur, kúluhattur, og bastkarfa, svo varla er þetta gamalt. Í myndlýsingu er þetta kallað Efstikaupstaður og ég man ekki eftir neinum slíkum nema á ísafirði.  Eða var það hæsti kaupstaður? Allavega gæti brött hlíðin í baksýn stutt málið. Myndin er merkt Tilly 52, sýnist mér.

Hef ekki hugmynd um staðinn í raun.

Gæti því verið  ferðabók Joseph Paul Gaimard.

Var hann ekki að þvælast í Skagafirðinum?

[Jón Steinar Ragnarsson, 16.11.2011 kl. 17:54]

Kannski stemmir ekki tíminn við Gaimard. 1852 er heldur seint miðað við að Jónas Hallgrímsson samdi um hann lofkvæði.  Það fer þó vel að giska á þetta á afmælisdegi Jónasar.

[Jón Steinar Ragnarsson, 16.11.2011 kl. 18:26]

Teiknarinn væri þá Auguste Étienne François Mayer og orðið Lille í myndlýsingu gæti vísað til staðarins sem myndin er kláruð. Líklega er ég þó komin í einhverja skógarferð hérna.

[FORNLEIFUR, 16.11.2011 kl. 20:24]

Jón Ragnar, þetta er ekki úr ferðabók Gaimards, ekki Mayer, ekki Lille og ekki 52.

Sigurjón heitur...

[Jón Steinar Ragnarsson, 16.11.2011 kl. 20:43]

Reykjavík, Collingwood?

[Rauða Ljónið, 16.11.2011 kl. 21:54]

Niðursuða Snorra Pálssonar faktor siðan keypt af Hafliða Guðmindsyni 1883  byggt 1878 hann og Síra Bjarna þótti gott í staupinu.?

[Rauða Ljónið, 16.11.2011 kl. 21:58]

Guðmundsyni á að vera.

Niðursuða Snorra Pálssonar faktor siðan keypt af Hafliða Guðmundsyni 1883  byggt 1878 hann og Síra Bjarna þótti gott í staupinu.?

[FORNLEIFUR, 16.11.2011 kl. 22:19]

Ekki Collingwood og ekki Niðursuðan

[Rauða Ljónið, 16.11.2011 kl. 22:20]

ER mát.

[Vilhjálmur Örn Vilhjálmsson, 16.11.2011 kl. 22:24]

Skoðið fjallið... Myndin var birt árið 1878. Meira get ég ekki sagt í bili.

[Rauða Ljónið, 17.11.2011 kl. 16:58]

Hvítárvellir ?

[FORNLEIFUR, 17.11.2011 kl. 17:19]

Sigurjón, ertu að meina Hvítárvelli í Borgarfirði þar sem Kanadíski baróninn (franski) bjó, sá er reisti fjósið við Barónsstíg, sem er víst verslun í dag?  Þá er svarið nei. Eru einhver fjöll að ráði þar? 

[Rauða Ljónið, 17.11.2011 kl. 18:59]

Nei var að meina Andrés Fjeldsted hann sauð niður lax á þessum tíma, Fransarin með sellóið kom 20 árum seinna, hef veri að skoða fjöllin og þann sem er að taka við póstinum og hengilmænuna  á grindverkinu.  

[FORNLEIFUR, 17.11.2011 kl. 19:12]

Nú verð ég að veita smá hjálp.

Þetta er úr kaupstað.

[Rauða Ljónið, 17.11.2011 kl. 21:23]

Austurlandi.

[Gunnar Th. Gunnarsson, 18.11.2011 kl. 01:13]

Neskaupstað?

[Helga Kristjánsdóttir, 18.11.2011 kl. 05:29]

  Akureyri?   (þótt niðursuða benti til Bíldudals,en þá passar fjallið ekki.)

[Jón Steinar Ragnarsson, 18.11.2011 kl. 06:55]

Hólmur á Örfyrirsey, eyrarhús, Esjan í fjarska, þótt hún virðist nær. Þar var niðursuða. Það var kaupstaður. Skot í myrkri.

[Jón Steinar Ragnarsson, 18.11.2011 kl. 07:02]

Kannski Gránufélagið, Oddeyrin, Akureyri.

[FORNLEIFUR, 18.11.2011 kl. 07:10]

Ekkert af þessu er rétt. Voru ekki fleiri kaupstaðir? Hver var að tala um Niðursuðu?

[Gunnar Th. Gunnarsson, 18.11.2011 kl. 07:39]

Fyrst þegar ég sá myndina, datt mér í hug Elliðavatn ofan Reykjavíkur og fjallið væri eystri endi Esjunnar, Skálafell, en fjallið er auðvitað alltof nálægt til þess að það geti staðist.

Er þetta í Skagafirði.... Tröllaskaga?

[FORNLEIFUR, 18.11.2011 kl. 09:10]

Nei, ekki er það Skagafjörðurinn og ekki neitt nærri Reykjavík.

Þetta fer nú að veða erfiðasta þrautin sem ég hef sett fyrir fornmennina mína.

[Tumi Þór Jóhannsson (IP-tala skráð) 18.11.2011 kl. 12:16]

Þessi mynd sýnir Ísafjörð, eða ölluheldur Eyri við Skutulsfjörð á seinnihluta 19. aldar.

Hvar þessi mynd var byrt hef ég ekki hugmynd um.

[FORNLEIFUR, 18.11.2011 kl. 12:48]

Tumi, hefurðu séð myndina áður?

[Þorvaldur Sigurðsson (IP-tala skráð) 18.11.2011 kl. 20:24]

„Fornleifi langar nú að sjá“... Sannarlega er áhugavert að sjá að Fornleifur fyrnir ekki mál sitt úr hófi heldur hefur ánetjast nýjum tískum þar sem „méranir“ koma við sögu. En vel má það vera tímanna tákn.

[FORNLEIFUR, 19.11.2011 kl. 05:12]

Þorvaldur, sannast sagna svo var þetta rétt í upphafi, en svo fór ég eitthvað að fitla við textann og þágufallspúkinn kom sér inn í hugsunarleysi. En hefur þú svar við spurningunni, sem mig langaði að sjá hvort einhver gæti svarað.

[FORNLEIFUR, 19.11.2011 kl. 05:42]

Þekkir einhver Tuma Þór Jóhannsson. Hann verður að teljast sigurvegari í 3. getrauninni, en áður en hann fær að vita allt um myndina, langar mig að grenslast fyrir um hvar hann hefur séð hana áður. Því mér er ekki kunnugt um að hún hafi verið birt á Íslandi

[FORNLEIFUR, 19.11.2011 kl. 06:06]

Tumi trymbill, hvar ertu?

[Tumi Þór Jóhannsson (IP-tala skráð) 19.11.2011 kl. 20:41]

Jú, get ekki neitað því að vera með slagverk...

Hef aldrei séð myndina áður og veit ekkert um hana.

Fjallið í baksýn gaf allt upp. Það er svona þegar maður býr undir þessu og er með þetta fyrir augunum alla daga. Hefur lítið breyst seinustu aldirnar.

[FORNLEIFUR, 20.11.2011 kl. 08:08]

Sæll Tumi, Meiri upplýsingar í næstu færslu. Fjallið nokkuð vel teiknað og ég held að húsin og allt annað sé það líka, en mikið vildi ég vita hvar þetta vara nákvæmlega. Kannski er einhver á gamla spítalanum sem veit það.

[Faktor, 25.11.2011 kl. 09:55]

Það var skemmtilegt að rekast á þessa færslu og ummælin ykkar, herrar mínir :)

Gaman að sjá hvað þú ert glöggur Tumi og Jón Steinar byrjaði líka á réttum stað :)

Bestu kveðjur úr Hæstakaupstaðnum, sem áður var Efri-kaupstaður (eftir að Miðkaupstaður varð til með Sönderborgarmönnum), breyttist nafnið.