Ráðherrann veður í villu

Katrín Jakobsdóttir veður í villu. Rústir Þorláksbúðar og margar aðrar minjar í Skálholti voru friðaðar árið 1927. Sú friðlýsing stendur, og eru fyllileg nægileg til að stöðva framkvæmdir við skúrinn sem verið er að reisa í Skálholti. 

Rutt var yfir friðlýsinguna frá 1927 af Kristínu Sigurðardóttur forstöðumanni Fornleifaverndar Ríkisins, sem gaf leyfi til að reisa hagsmunakofa ofan á friðuðum fornleifum. Það sem forstöðumaðurinn hefur gert er svo mikil vömm í starfi, að leysa ætti hana frá störfum. En það mun örugglega ekki gerast því  konur á Íslandi standa saman, sérstaklega þegar þær vaða í villu, sama hvaða flokkur hefur potað þeim í embættin. Í stað þessa að hlusta á rök fer Katrín með málið í hring, meðan lagabrjótarnir í Skálholti halda áfram að reisa kofann, með tilvitnun í Davíðssálma og vitranir frá Guði á himnum, svo næstum því má heyra Hallelújahrópin, þegar búðarsmiðirnir holnegla Þjóðminjalögin við undirleik Árna brekkusöngvara.

Árið 2009 var einmitt gerð rannsókn á Þorláksbúð og kom þá í ljós að rúst var undir yngstu Þorláksbúð og fornar grafir lengra undir.

Húsafriðunarnefnd hefur svo öðrum hnöppum að hneppa og treystir maður því að hún vinni vinnuna sína án fleiri gerræðislegra afskipta menntamálaráherrans gagnvart nefndinni. Stöðvun nefndarinnar á framkvæmdum við "Þorláksbúð" var algjörlega lögmæt.

Þetta mál er farið að minna mig á sumarbústaðinn sem gerræðisráðherrann Össur Skarphéðinsson fékk í gegn með hótunum, þannig að einhver fuglaskoðandi lyfsali gat reist bústað sinn fyrir vestan ofan í fornminjum og einnig í trássi við Náttúruverndarlög. En það var áður en Fornleifavernd var stofnuð og menn héldu að sú stofnun myndi vernda fornminjar. Össur gæti kannski sagt okkur frá málinu.

Sjálftökutímanum hélt maður að væri lokið, en svo virðist ekki vera.

Stína lögbrjótur og Kata lagakrækja

Þorláksbúð ekki óafturkræf framkvæmd

Athugasemdir

[Gunnar Th. Gunnarsson, 23.11.2011 kl. 10:11]

Katrín hækkaði í áliti hjá mér. Alltaf verið pínu skotinn í henni, enda held ég að hún sé ekki eins forpokaður vinstrimaður og flestir samflokksmenn hennar.

[FORNLEIFUR, 23.11.2011 kl. 10:24]

Ég hef lítinn áhuga á að vita um smekk þinn á konum, Gunnar, en smekkur þinn á fornminjum er afar "kinky".

[Gunnar Th. Gunnarsson, 23.11.2011 kl. 10:48]

[Gunnar Th. Gunnarsson, 23.11.2011 kl. 10:49]

Hafa smá fjölbreytni í þessu "Live a little".

[Einar Guðjónsson, 23.11.2011 kl. 11:22]

Alveg óháð friðlýsingunni þá má líka nefna að íslenska '' lýðveldið'' ( a.d. 1944 ) er aðili að alþjóðasamningum og hefur m.a. skuldbundið sig til að varðveita söguna og arf genginna kynslóða. Þá hefur ríkið einnig skuldbundið sig til að reyna að varðveita jörðina í byggð ( kyoto bókunin )en Gunnar Th. lætur sig engu varða um hvorutveggja og vill m.a. tryggja mengun í Reyðarfirði.

[Gunnar Th. Gunnarsson, 23.11.2011 kl. 12:28]

Hvernig vill ég tryggja mengun í Reyðarfirði?

Ef þú ert að vísa til þess að ég telji "eftirá skatta" rugl og til þess fallið að fæla erlendar fjárfestingar frá landinu (eins og raunin er reyndar þegar orðin), þá sé ég ekki að ég vilji "tryggja mengun" með því.

Álver Alcoa Fjarðaáls í Reyðarfirði er búið fullkomasta mengunarvarnarbúnaði sem völ er á í veröldinni og þeir hafa lagt í mikinn kostnað til að fullnægja lágmarks mengun miðað við alþjóðlegum staðla þar að lútandi. Þeir gera gott betur en að fullnægja þeim skv. vöktun á svæðinu og íbúarnir á svæðinu eru mjög ánægðir með það.

"Gunnar Th. ....vill m.a. tryggja mengun!

[Gunnar Th. Gunnarsson, 23.11.2011 kl. 12:28]

Afsakaðu Fornleifur, en þetta karp á auðvitað ekkert erindi hér.

[Ragnhildur Kolka, 23.11.2011 kl. 12:39]

Merkilegt að Húsafriðunarnefnd hafi ekki haft hugmynd um friðunina 1927.

Og þó, nefndin leggur áherslu á að friða bíslög og geymsluskúra í 101 og þannig að breyta Borg í 19. aldar sjávarþorp til að geðjast túristum.

[FORNLEIFUR, 23.11.2011 kl. 13:01]

Ragnhildur. Þetta mál með Þorláksbúð átti aðeins að vera á borði Fornleifaverndar og afgreiðast þar með banni. Fornleifavernd Ríkisins er ekki bara Kristín Sigurðardóttir og það sem henni dettur í hug, heldur þau lög sem hún á að fylgja. 

Mér finnst ákvörðun Húsafriðunarnefndar í Þorláksbúðarmálinu öllu skynsamlegri en margt sem hún mætti hafa á samviskunni í Reykjavík og hef ég svo sem ekkert heildaryfirlit yfir það. Kannski á Húsafriðunarnefnd ekki eintak af friðlýsingaskrá, en hana er víst líka hægt að sjá á vef Fornleifaverndar Ríkisins, að því er mig minnir.

Fornleifur er kannski ekki besti staðurinn til að ræða mengun á Reyðarfirði. Hvarvetna þar sem maðurinn fer, er svokölluð mengun. Samlífi manns og jarðar skilur eftir sig mengun. Útrýming mannkyns er eina leiðin til að stoppa mengun og ekki vilja menn það?

[Rafn Haraldur Sigurðsson (IP-tala skráð) 23.11.2011 kl. 18:53]

Jú hann Gnarr, hann vill senda alla karlmenn í Herraklippingu.

[Bjarni Harðarson, 23.11.2011 kl. 20:41]

Það að reft sé yfir tóft Þorláksbúðar hefur engin áhrif á fornleifar þær sem eru geymdar þar undir sverðinum. Það var ekki grafið fyrir undirstöðum heldur einfaldlega hlaðið ofan á vegg sem er.

[Gunnar Th. Gunnarsson, 23.11.2011 kl. 20:48]

Fornleifur, hvað finnst þér um umgjörð landnámsbæjar Reykjavíkur í Aðalstræti?