Monstrum Medievalis

Ekki var fyrr stöðvað ruglið með ólöglega torflistaverkið norðaustan við kór Skálholtsdómkirkju, en að annar miðaldahroði hefur sig á loft með miklum drunum, svo halda mætti að 1. apríl væri runninn í garð.

Icelandair og eitthvað dularfullt crew í samfloti við þá eru komnir á miðaldaruglubull. Þeir hafa líklega lesið of mikið eftir Dan Brown þegar þeir biðu of lengi í Leifsstöð. Það er vitaskuld rétt athugað hjá Icelandair, að ferðamenn erlendis sæki mjög í dómkirkjur miðalda. En þær eru frá miðöldum.

Það ferlíki sem menn vilja nú fara að reisa í Skálholti á hins vegar ekkert skylt við miðaldir. Þessi misskilningur byggir á teikningum sem skapaðar voru af teiknikennaranum og þjóðernisrómantíkernum Herði Ágústssyni, sem  ekki  var menntaður í miðaldafræðum. Hann skapaði t.d. „Þjóðveldisbæinn", sem á ekkert skylt við rústirnar á Stöng, sem hann byggði hugsýn sína á. Í Þjóðveldisbænum eru steinsteyptir veggir og plastdúkur í þekju.

Oftúlkun á hleðslum sem skráðar voru við fornleifarannsóknir í Skálholti leiddi suma til að álykta að dómkirkjan hefði þar verið stærst um 50 metrar að lengd. Sú túlkun er óskhyggja ein. Þar að auki hefur teiknari Icelandair, sem ég tel mig vita hver sé,  gert vont verra. Engin miðaldakirkja lítur út eins og þetta ljóta flugvélaskýli með kjallara og með samfelldum steindum gluggum efst undir þaki háskipsins. Eru prestar á Íslandi svo sögulausir og vitlausir að þeir kaupi þetta rugl? Hafa þeir ekki skoðað miðaldakirkjur á ferðum sínum erlendis?

Þessi horror slær tollbúð Árna Johnsen alveg út! Svona verkefni eru auðvitað hugarórar frá því fyrir hrun. Þá urðu Icelandair og arkitektinn þeirra hái nefnilega of seinir að komast í loftpeninga í vösum gjafmildra útrásarvíkinga, en núna er víst komnir peningar í kassann hjá Icelandair, og vilja menn greinilega að kirkjan greiði restina sem aflátspeninga.

En mest af öllu eru svona brjálaðar hugmyndir birtingarmynd þess að sumt fólk á Íslandi vill ekki sætta sig við látlausa sögu lands síns, þar sem mannanna verk lifðu ekki í þúsund ár, þótt andans verk væru sterk. Íslendingar, sem skammast sín fyrir sögu sína, stunda sögufölsun eins og þá sem Icelandair og ónafngreindir aðilar vilja nú hella sér út í.

Ég hvet Icelandair til þess að styrkja heldur fornleifarannsóknir í stað þess að borga fyrir Disneykirkju í Skálholti.

Athugasemdir

[Jón Steinar Ragnarsson, 16.11.2011 kl. 11:06]

Það fyrsta sem ég rek mig á í þessu monstrúmi eru steindir myndgluggar í hverju einasta opi og auga á húsinu. Nú heita þetta tilgátuhús. Gaman væri að sjá tilgátuna til grundvallar þessari teikningu.

Vilja þeir ekki bara flytja Fjörukránna þarna uppeftir.

[Jón Steinar Ragnarsson, 16.11.2011 kl. 11:15]

Ég held annars að það sé misskilningur hjá þeim að ferðamenn sæki mikið í miðaldadómkirkjur per se. Þessar byggingar eru yfirleytt smack í miðjum Evrópskum borgum og þá oftar en ekki stæstu og skrautlegustu byggingarnar. Menn komast hreinlega ekki hjá því að hrasa inn í þær. Það eru ekki margir sem leggja krók á leið sína til að elta þetta uppi.

Ég bjó um tíma í grennd við Borgund stafkirkju í Noregi og sjaldan sá ég ferðamenn þar. Þangað komu rútur með Japönum og Ameríkönum og stoppuðu í örfáar mínútur af því að þetta var eina leiðin ofan í Sognfjörð.

Borgund er ekta kirkja og sennilega ein elsta trébygging í heimi ef ekki sú elsta.  Alvöru sagaen ekki Disneyland. Slíkt væri móðgun við ferðamenn.

[Elías (IP-tala skráð) 16.11.2011 kl. 11:24]

Best væri að geta verslað allar fornminjar í IKEA

[Jón Steinar Ragnarsson, 16.11.2011 kl. 11:24]

Ástæðan fyrir því að Norðmenn hafa endurbyggt stafkirkjur er einfaldlega sú að sú plága gekk þar að ófullnægðar gelgjur, sem titluðu sig satanista, gerðu mikið að því að kveikja í fornum kirkjum á tímabili. Það voru semsagt alvöru kirkjur, sem allir vissu hvernig litu út.  Bara svona fróðleiksmoli.

[DoctorE (IP-tala skráð) 16.11.2011 kl. 11:36]

Menn eru augljóslega að snappa með þetta kirkjurugl. Hljómar allt eins og örvænting í bland við geðveiki + dash af heimsku

[Vilhjálmur Örn Vilhjálmsson, 16.11.2011 kl. 11:58]

Elías, þetta er eins og IKEA samsetningur.

[Vilhjálmur Örn Vilhjálmsson, 16.11.2011 kl. 12:05]

DoktorE, ekki þætti mér ólíklegt að 95% þessa rugls sé ferðamennska, bissness og kúl kash, 2 prósent eitthvað annarlegt, og 3 prósent trú. Þú þarft víst ekki að hafa áhyggjur, en kannski ferðu og kveikir í þessu, eins og trúbræður þínir í Noregi.

[Jón Steinar Ragnarsson, 16.11.2011 kl. 12:52]

Einhver int um það hver teiknaði þennan pappakassa?

[DoctorE (IP-tala skráð) 16.11.2011 kl. 12:54]

Nei Villi, ég mun seint beita skemmdarverkum/ofbeldi.. það eru bara uppgjafaraular sem slíkt gera.

P.S. Ég á enga trúbræður, þar sem ég er ekki trúaður.

[Vilhjálmur Örn Vilhjálmsson, 16.11.2011 kl. 13:07]

Mig grunar að skapari Ömmu æsku sinnar, Hjörleifur Stefánsson, hafi fingurna á kafi í þessu verkefni. Handbragð hans er yfir því og eins og amman sýnir okkur, þá er túrismaiðnaðurinn honum mjög huglægur.

[Svanur Gísli Þorkelsson, 16.11.2011 kl. 13:33]

Um árabil hafa Gullhringsfarar komið við á þessari íslensku Golgata og ekki þurft að borga neitt fyrir að skoða kirkjuna þar. Að vísu er baukur við kjallarastigann og fólk hættir sér þangað niður beðið um frjálst framlag. - Síðustu tvö ár hefur Skeljarhæðarfólkið komið sér upp á svæðinu minjagripa verslun og plakatasýningu en verslunin verið treg. Fyrirhugað umstang í Skálholti er fyrst og fremst svar við spurningunni; "hvernig má græða á Skálholti?"

[Vilhjálmur Örn Vilhjálmsson, 16.11.2011 kl. 13:37]

Fyrirgefðu mér DoktorE, ég var búinn að gleyma því að þú ert ekki Satanisti. Þú ert ekki neitt, og það er ekki verra en svo margt annað á Íslandi.

[Jón Steinar Ragnarsson, 16.11.2011 kl. 13:44]

Jamm...nafn hans dúkkar upp allstaðar þar sem fornleifadisney kemur við sögu. Hann á þó ágætis verk að baki, sem eru nær í tíma.

Mér finnst Kirkjan sem var rifin 1802 miklu athyglisverðari bygging en þessi skringilega tillaga.  Á hún sér nokkra stoð í raun? Það er bara talað um að þarna hafi verið stór kirkja og að í hana hafi farið 2 eða 3 skipsfarmar af spýtu.

Þetta er hreint út sagt ljótt. Menn verða bara að afsaka það, en það er mín einlæga hlutlausa skoðun. Ég hef engar axir að brýna hér, en mér finnst lágmark að það sé einhver lágmarksmetnaður í hllutunum.

Ég tek undir það að það þjónaði sagnararfinum betur að láta þennan hálfa milljarð eða meira í uppgrefti og rannsóknir.

Ef þeir eru að hugsa um einhverja túristagildru, þá ættu þeir að skella upp Disney víkingaþorpi í...tjah Reykjanesbæ t.d. til að peppa upp atvinnuástandið þar.  Það er raunar vísir að einu slíku við Vestrahorn, sem er ætlað kvikmyndatöku. Kannski væri rétt að vinna það áfram eftir að þþeim tökum líkur...ég veit ekki...en ég á hreinlega ekki aukatekið orð yfir þetta.

[Jóhann (IP-tala skráð) 16.11.2011 kl. 14:20]

Verður Saga Boutique í kjallaranum?

[Vilhjálmur Örn Vilhjálmsson, 16.11.2011 kl. 14:23]

Já svei mér þá og tilboð í hverri viku á Þorlákseðju úr Bláa Lóninu. Hvað ertu með marga vildarpunkta Jóhann?

[K.H.S., 16.11.2011 kl. 15:37]

Ef ekkert er til til að hlessast á og rausa um, þá þarf að skapa það fyrir ykkur.

Ekki getiði eitt deginum í ekki neitt. Hörður arfleiðararkitekt vinstri elítunnar fékk ekki að vera með í hrútakofabyggingunni, bara var falið sísvona Árna brekkugólara. Reginhneiksli . það verður að láta Hörð fá miklu stærra hús til að skyggja almennilega á steinkumbaldann  svo hann hætti þessu kurri. 

[K.H.S., 16.11.2011 kl. 15:40]

Hörður er nú einu sinni aðalgaurinn í Ruslakofahyrðinum.

[FORNLEIFUR, 16.11.2011 kl. 15:51]

Kári Hafsteinn, hér er um tvo Herði að ræða. Hörður Ágústsson, sem teiknaði sína sýn af stærstu "trékirkju Norðurlanda" og Hörður Bjarnarson, byggingarmeistari núverandi dómkirkju í Skálholti. Báðir látnir, vel að merkja.

Við erum því ekki að rausa, en þakka þér samt fyrir heimsóknina.

[K.H.S., 16.11.2011 kl. 15:58]

Þarna varð mér á.

Kv kári 

[Jóhann (IP-tala skráð) 16.11.2011 kl. 16:01]

Ég á helvítis helling af vildarpunktum. Er að safna mér fyrir ferð til Tunglsins með WOW-Air.

En að öllu gríni slepptu, þá átta ég mig ekki á hvaða ferðamenn þetta eru sem hafa svona ógurlegan áhuga á Skálholti. Ekki einn einasti, af þeim sem ég rúntaði með þvers og kruss um landið sl. 7-8 mánuði, minntist á pleisið eða spurði um það. Heldur ekki um trúnna.

Erum við föst í tímavél á árinu 2007?

[FORNLEIFUR, 16.11.2011 kl. 16:13]

Humanum errrare est Kári, annars værum við ekki góðar mannskepnur.

Jóhann, sumir eru rígfastir í veruleikafyrringu fyrirhrunatímabilsins. Góða ferð til tunglsins.

[Ólöf Ingibjörg Davíðsdóttir, 16.11.2011 kl. 17:00]

Takk fyrir pistilinn. Tilgátuteikningin minnir mig á ameríska hlöðu þó krossarma sé. Ég get ómögulega séð tengingu við byggingarform kirkjubygginga miðalda sem ég lærði um í listasögu.

[Vilhjálmur Eyþórsson, 16.11.2011 kl. 21:07]

Alveg rétt hjá Ólöfu. Þetta líkist engri miðaldakirkju. Þessi kirkja var byggð þegar gotnesk bygginarlist var í hápunkti í Evrópu og hver glæsidómkirkan af annarri var reist. Páll frændi minn (ég á miklar ættir á Rangárvöllum allt aftur á víkingaöld) hefur áreiðanlega ekki verið að byggja neina ameríska hlöðu, heldur hefur allt verið fagurlega útskorið með gargoylum og alls konar fögru skrauti. Það var mikil synd að þessi kirkja skyldi fjúka eftir nokkur ár. Byggingarmeistarinn hefur trúlega verið norskur og vanari lygnara veðri en hér má búast við. Til dæmis er útilokað að norsk stafkirkja mundi geta staðið hér öldum saman án þess að fjúka eins og í Noregi.

[Sigurður Þór Guðjónsson, 19.11.2011 kl. 13:18]

Hér skrifar maður sem sannarlega er forn í skapi og eigi við alþýðu skap. Og mættu menn hyggja að hans viturlega samansettu orðum. En við monsturslega heimsku er að ræða og er það mín framtíðarsýn að skrímsli þetta muni rísa mammon i til dýrðar dýrðar og andskotanum til sérstakrar undirholdningar. 

[FORNLEIFUR, 19.11.2011 kl. 14:10]

Já, satt segirðu Sigurður bóndi, þetta væri ágætis lag fyrir sorphreinsistöð, svona krosslag, eins og Guðjón Arngrímsson sagði að væri á þessum risakexkassa. Það hlýtur að vera gaman í hans sporum, nú þegar flugfreyjurnar hans eru reknar þegar þær verða deginum eldri en elsti söludagur.

Fjandanum er reyndar skemmt yfir mestu því sem illa fer á Íslandi, og nú er svo kátt í neðra að hitamælarnir setja allir met í Reykjavík, þar sem andskotans rassgat virðist vera að því er nýjustu rannsóknir við háskólann á Akureyri benda til.